اتجاهات

السبت *7/1/2012
أحمد بصيلة:اهلا بكم اعزائى المشاهدين فى هذه الحلقة من اتجاهات وما يدور فى الشارع المصرى اغلبة سياسة فما بين الانتخابات فى مرحلتها الثالثة اليوم الاول فى تسع محافظات وما بين المحاكمة التى تجرى فى اكاديمية الشرطة للرئيس مبارك وكبار معاونية بالاضافة الى ايضا المشاكل القانونية للمنظمات الاهلية قضايا تملأ الصحف وتملأ وسائل الاعلام وبالتالى تملأ كل البيوت ولكن بصورة مفصلة واكثر تفصيلا خلال هذا اللقاء الذى يشرفنا فية الدكتور رأفت فوده استاذ القانون الدستورى بجامعة القاهرة
أحمد بصيلة:اهلا بيك يا دكتور
د/ رأفت فودة اهلا بيك
أحمد بصيلة:المواطن عنده قضايا سياسية كثيرة جدا الانتخابات كان مفروض تكون فى الصدارة ولكن الأحداث متلاحقة وخلينا نبدأ بالمرحلة الثالثة للأنتخابات وواضح ان شكل البرلمان اصبح معروف ولكن دور البرلمان فى المرحلة القادمة هيكون ايه
د/ رأفت فودة : الحقيقة بسم الله الرحمن الرحيم منذ الوهلة الاولى وبداية الشرارة الاولى للانتخابات مجلس الشعب كان الشارع المصرى يعلم علم اليقين وحضرتك مواطن مصرى وانت كنت تعلم علم اليقين اللون القادم لمجلس الشعب المصرى وبالتالى النتائج ليست غريبة على احد على الاطلاق وتشكلت اغلبية معينة داخل مجلس الشعب وستكون ذاتها داخل مجلس الشورى .. وبناء علية وجب على الجميع احتراما للديمقراطية والطريق الذى انتهجة المجلس الاعلى للقوات المسلحة بالبدء بالانتخابات وجب على الجميع احترام هذه النتائج
أحمد بصيلة:هو لية الناس مفاجأه بالموضوع او النخبة عندها مفاجأه للنتائج رغم ان هى نتائج كاسحة يعنى الكلام ده لوفية تقارب فيبقى فيه مفاجأة
د/ رأفت فودة : لأ ابدا يعنى سؤالك محترم جدا جدا جدا لسبب بسيط وانا عارف انك انت تعرفة بس انت عايز تخلينى اقولة وهو انه انك عملت طول اليوم وقبض اجرك آخرون فأنت ضحيت بالدماء وأنت الذى اخترعت فكرة الثورة وأنت الذى فجر الثورة وأنت الذى نزل وتصدى وأنت الذى اسقط النظام ثم اتى طائر كان تحت الارض بسبب هذه النظام والتقط الثماردون جهد وعناء الحسرة والالم يا احمد بيه هوده الحسرة والالم خلى الصدمة بالنسبة لمن قاموا بالثورة كبيرة وجمةلانه لم يلتقط انفاسة ومازال فى ثورة ولم يلتقط انفاسة وكانت خارطة الطريق وسحب البساط من تحتة بالاعلام الدستورى
أحمد بصيلة:دكتور هولوتكلمنا تحديدا على جماعة الاخوان المسلمين لها تاريخ طويل جدا وعانت كثير جدا وزى ماحضرتك بتقول كانت تحت الارض كما وصفت ولكن كانت تحت الارض مجبرة .. كانت بتعانى بكثير من الملاحقات قانونية او غير قانونية اذن فهى لها كفاح لايمكن ان ينكر كانت تؤرق النظام
د/ رأفت فودة:اجابتى لم تنكر على الاطلاق كفاح الاخوان المسلمين او التيارات الدينية بل بالعكس لايمكن احد ان نيكر هذا الكفاح ولا يمكن احد ونتذكر جميعا قبل الثورة بلحظات ان كثير من قيادات الاخوان المسلمين خرجوا اثناء الثورة من السجن الثورة اللى خرجتهم من السجن ولا ننسى على الاطلاق جهود الاخوان المسلمين الاقتصادى والاجتماعى فى الفترة اللى هما كانوا مرغمين فيها بالعمل فى الخفاء ولذلك كانت اسمها المحظورة .. كل هذا لا دخل له بالعملية الانتخابية بمعنى لا دخل له بالثورة لان هما عانوا وعايز اقول لك من ايام عبد الناصرالى حتى قيام الثورة لماذا لم يقوموا بثورة لماذا قبلوا ان هما يتسجنوا هل كان النظام اقوى منهم بالعكس بعدالثورة باسبوع او اسبوعين تبين ان الاخوان هى فى حد ذاتها ثورة فلماذا لم تضئ شمعة الثورة واللى قام بها حتى كان الاخوان المسلمين لم تنضم اليها فى ال72 الاولى
أحمد بصيلة:لماذا تخطى المرحلة دى انا باتكلم عن النتائج او ماحدث على ارض الواقع
د/ رأفت فودة:اللى حضرتك بتقول علية اللى هو بتاع المجلس
أحمد بصيلة:المسئولية دلوقتى ملقاة على عاتق هذا التيار
د/ رأفت فودة:ده بلا شك قانونا حسب الاعلان الدستورى وواقعا حسب الانتخابات ونتائج الانتخابات ونحن معهم ومنتظرين الدور اللى هيقوموا به لرفع المعاناة عن الشعب وتغيير وجه مصر الحضارى وسياسيا واقتصاديا واجتماعيا حتى على المستوى الاقليمى والمستوى الدولى مطلوب منهم هذا لان الشعب اتى بهم لهذا كون ان هم جاءت مساهماتهم متاخرة فى الثورة لكن لا ينكر احد انهم حموا الثورة والذات مثلا بدأ من موقعة الجمل لان التاخير يعاب علية لكنه يقاطع هو اتاه واستدرك الامر ثم بعد ذلك سا وكانوا علامات بارزة ثم بغير ذلك كله كانت الانتخابات لا ينكر احد نزاهتها وديمقراطيتها وآتوا فى الانتخابات .. على فكرة هى دى مش ميزة للاخوان المسلمين هذه مسئولية وعبئ على التيارات الاسلامية لان الشعب وضعها فى الصدارة وقال لهم ارونى ماذا ستفعلوا وايه اللى عندكم اخرجوة ونشوف وجه مصر وامامك 5 سنوات
أحمد بصيلة:وهو دستوريا اية المطلوب من البرلمانات تحديدا
د/ رأفت فودة:دستوريا انا ما سؤالك بردوا فية نوع من الجمال لا انكرة انت بتقول لى دستوريا اية المطلوب دستوريا معناه عندنا اعلان دستورى يبقى الاعلان الدستورى اول حاجة قالها معرفش رقم المادة بالضبط لان طبعا فاكرها تماما فاكر محتواها قد تكون المادة 56 دى اختصاصات المجلس الاعلى للقوات المسلحة بيقول انه بعد انتخابات مجلس الشعب يتولى سلطة التشريع مهمة التشريع وحتى لما جاء يحدد سلطات رئيس الجمهورية بعد الانتخاب الاعلان الدستورى قال فيما عدا 1و2 من المادة 56 اللى البند 1 يتعلق بالتشريع البند 2 السياسة العامة للدولة لان دى هتدخل بردوافى عملية التشريع ليبين ملامحها مجلس الشعب اذن هو التشريع البعض اناسمعت كلام كثير سواءا من الفقه الدستورى او من رجل الشارع من المهتمين بالعمل السياسى قال لى الله ده الاعلام الدستورى مجبش الدور الرقابى السلطة التشريعية يبقى اذن هيكون محروم من الدور الرقابى
أحمد بصيلة:ده اساسى
د/ رأفت فودة:مش بس لانه اساسى هقولها لك لان انت كلمة دستورى هى اللى فجرت فيا مثل هذه المعانى لما نقول مجلس الشعب يتولى التشريع التشريع حق دستورى لمجلس الشعب نص علية فى الدستور ام لم ينص
أحمد بصيلة:فى الدستور
د/ رأفت فودة:من طبائع امور السلطة التشريعية تتولى عملية التشريع ما المقصود بعملية التشريع لا يتجزأن لأن عمرك فى دولة فى العالم ايا ان كانت حتى ديكتاتورية والبرلمان مطاتى للحكومة والحكومة يعنى سمن على عسل عايز اقول لك اكثر ايه يعنى مع ذلك هو شكلا يباشر رقابيا لانها ليست فاعلة لكنة الرقابة جزء من عملية التشريع التشريع مش المقصود به بالمعنى الواسع انك انت بس تسن القوانين بالمعنى الواسع تسن القوانين وكذا لكن لو اخذت عملية سن القوانين هى دى المقصود بيها المعنى الضيق ان هى تتولى عمل القوانين لكن كلمة تشريع تشتمل فى آن واحد على سن القوانين على الرقابة على فكرة بدون هذا الجناح تعطل التشريع ايه الفائدة ان هى تعمل تشريعات ولا تراقب ده ابسط حاجة ولا تراقب هل هذه القوانين نفذت ام لا ده ابسط مثل يبقى ما قيمة هذا القانون
أحمد بصيلة:ولكنها ليس لها علاقة دستورية بتشكيل الحكومة
د/ رأفت فودة:اه دا انت دخلتنى فى حاجة وانا يعنى بفكر فيها منذ صدرالاعلان الدستورى وخيب املى شخصيا فى تبنى الانتخابات كطريق وليس الدستور اولا وبالتالى لازم اقبل لان طالما فى اعلان خلاص انارجل قانون ولازم احترم القانون واكون قدوة للاخرين فى احترام القانون .. طيب حضرتك بتقول لى
أحمد بصيلة:ليس للمجلس علاقة والاغلبية ليس لها علاقة بتشكيل الحكومة
د/ رأفت فودة:اه بس انا بافكر فى نفس الوقت وانت بتقول لى طيب هو المجلس تشريع ورقابة هل هيشكل الحكومة ام لا والا الحكومة دى هتستمر والا لأ ؟ سمعت حتى فى تشكيل الدكتور الجنزورى فى الحكومة ان احنا امامنا 32 يوم والا معرفش كام انا معرفش كان يقصد بيعد بدأ من ايه وانتهاءا باية هل يقصد انتهاءا بريس الجمهورية وانتخابات رئيس الجمهورية والا انتهاءا بتمام العملية الانتخابية الجملة اللى انا قلتها لحضرتك هو ايه المقصود بالعملية التشريع الرقابة وكذا هنا بقى هجيب لك جملة ثانية هتدى الاجابة ولا يختلف عليها احد من المتخصصين الموضوعيين اللى لا هو بيشتغل فى الحكومة ولا فى مجلس الشعب وبيقول العلم من اجل العلم ومن اجل ما تعلمة ايه هو بقى ؟ مفهوم الديمقراطية مش احنا اخذنا الانتخابات والانتخابات ديمقراطية ونزيهة والانتخابات والانتخابات جبهة مجلس الشعب وحصل فى اغلبية واغلبية اية هما بيقولوا 60 لأ انا باقول لك الثلثين والاغلبية هتكون الثلثين بقى انت عايز اغلبية نابعة من الشعب وبهذا الكم الكثيف الهائل الضخم عدد الاغلبية وتقول لى الحكومة تاتى من وادى اخر النظام ايا ان كان النظام انتخابى والا رئاسى يعنى حتى فى النظام الرئاسى طب ماهو صحيح بيشكله الحكومة بعيدا عن البرلمان بس لازم تروح باذن الحكومة وبموافقة الحكومة والا هتستقط يبقى اذن له دور مش فى التشكيل فى اختيار الاشخاص لما بيعرض نفسة وبيقولة انا كذا كذا كذا حتى لما بيجى يعين قائد الجيش فى امريكا بيروح على اللجنة المعينة بيعرف موافقين والا مش موافقين فهنا كلمة الديمقراطية تعنى ايه تعنى سلطة الحكم تكون مصدرها الشعب وما يريدة الشعب سلطة الحكم والحكم يشمل تشريع وتنفيذهذا لا يعنى الجمع بين التشريع والتنفيذ على الاطلاق وانما ان زعيم الاغلبية انه هو اللى يعرض تشكيل الحكومة ياتى بها من الداخل ياتى بها من الخارج المهم ان هما يبقى معنى ذلك ان الحكومة لما على فكرة الحكومة لمايتم انتخاب مجلس الشعب ويتم انعقاد مجلس الشعب المفروض ان هى تروح تقدم البرنامج بتاعة وفقا لقواعد الديمقراطية النص موجود فى دستور 71 بعد التعديلات اللى حصلت فى 2005 طب حتى على الاقل هتروح تقدم هيقول لها انتوا مش من الاغلبية ولا نعرفك واللى جابك المجلس العسكرى وبالتالى برنامجك مرفوض وعلى الحكومة ان تستقيل من اللى هيشكلها هيحصل ازمة سياسية لزعيم الاغلبية
أحمد بصيلة: والا ممكن يبقى فى نصيب للاغلبية فى داخل الحكومة ؟ عدد مثلا من الحقائب الوزارية ؟
د/ رأفت فودة:على فكرة هو يعنى القول بان زعيم الاغلبية التيار الغالب هوالذى له الحق فى تشكيل الحكومة هذا لا يعنى ان هو له سلطة تقديرية على فكرة يعنى انه ممكن يجبها من خارج التيار الوزارى بس المهم ان هو اللى يشكل الحكومة ويرى هذا يصلح وذاك يصلح وقديكون عنده فى الحزب وممكن ياتى بحزب اخر وممكن ياتى بشباب وممكن ياتى بمن لا له صلة بالسلطة التشريعية
أحمد بصيلة:ده اتجاة للدولة البرلمانية كده بالشكل ده او ترسيخ له
د/ رأفت فودة:ما انا قلت لك انه النظام البرلمانى والنظام المختلط
بيجمع بين هذه الصفات والنظام الرئاسى فى جزئية مش التشكيل وانما الموافقة اللاحقة بعد التشكيل والا سقطت الحكومة وتوفت الحكومة ده الانظمة كلها بتشترك فى هذه الجزئية فقط لا غير انا شايف ان احنا حرمنا من تشكيل الحكومة وان المراحل السابقة قامت من اجلها ثورة وبالتالى المفروض انه مش بس السلطة التشريعية لأ وان الاغلبية تشكل الكل نابع من الشعب علشان نعمل فصل تام ما بين الماضى والحاضر
أحمد بصيلة: طيب ايضا من المهام الموكله لهذا البرلمان اللجنة التاسيسة او تشكيل اللجنة التاسيسية المنوطة بوضع الدستور حديث كثير واراء كثيرة فى هذا الموضوع ان يتم وضع المواصفات يتم اختيار الاسماء من خلال مجلس الشعب او مجلس الشعب هو المخول بكل تفاصيل هذه اللجنة .. يعنى ايه الصيغة المتعارف عليها اعلاميا ممكن تطبق فى مصر ؟
د/ رأفت فودة:الصيغة المتعارف عليها فى ايه فى تشكيل لجنة ؟
أحمد بصيلة:فى تشكيل اللجان اللى بتضع الدستور
د/ رأفت فودة:اه الجمعية التاسيسية
أحمد بصيلة:اه
د/ رأفت فودة:لأ الصيغة المتعارف عليها ديمقراطيا وعالميا فى النظم المتمدينة ديمقراطيا هو ان اللجنة من يريد ان يكون فى اللجنة فليتفضل ويتقدم بترشيح وتتم الانتخابات وتونس اعتقد درس فى هذا والشعب يختار لان انا هقول لحضرتك احنا بتكلم فى مجلس شعب بنقول ديمقراطية ونزيهة ونعبر عن الشعب ايهما اهم الجمعية التاسيسة والا مجلس الشعب ؟
أحمد بصيلة : الجمعية التاسيسية
د/ رأفت فودة : ده بلا شك
أحمد بصيلة : اه
د/ رأفت فودة : ماهى المنشاة للدولة والمنشاة لهيئات ومؤسسات الدولة بما فيها التشريعية وبالتالى كان من الاولى ان انا انتخب الجمعية التاسيسية بكده ما انا باقول كان من الاولى
أحمد بصيلة : كان اه
د/ رأفت فودة : وانا مش هقعد ابكى على الماضى اذن انا فى اعلان دستورى وضع خارطة طريق كلام جميل جدا الاعلان الدستورى بيقول ايه بيقول ان بعد انتخابات مجلس الشورى يجتمع المجلسين لينتخبوا 100 عضوده الكلمة اللى قالها ده 1 اثنين عضو 100 على شكل جمعية تأسيسية تتولى وضع مشروع الدستور ثم بعد ذلك فى خلال 6 شهور من التكشيل ثم بعد ذلك يعرض فى خلال 15 يوم من الانتهاء من ال6 شهور 15 يوم من الانتهاء من الانتهاء من ال 6 شهور 15 يوم للعرض على الشعب ويعمل الدستور من تاريخ موافقة الشعب علية هذا هو حرفيا نص الاعلان الدستورى سؤالك بقى ما انا مش عارف النهرده بيتعمل لى مصيده فى كل الاسئلة بتاعت حضرتك
أحمد بصيلة:هو محالة للفهم بس
د/ رأفت فودة:هقول لك طيب ده الاعلان الدستورى طيب احنا اخترناهذا الاعلان كحاكم للفترة الانتقالية وبعدين على فكرة ان النص ده كان معروض على الاستفتاء يعنى تحت مسمى لجنة اسمها تعديل الدستور أنا معرفش الدستور اللى هيتم تعديلة المهم ما لقيوش دستور يحطوا فيه الاربعة راحوا فراحوا جيبين الاعلان الدستورى 62 ودخلوا فيه ال7 , 8 مواد اللى تم الاستفتاء عليهم اذن بقت جزءحاكم للفترة الانتقالية احنا عملنا ثورة لية لان مكنش فى سيادة قانون ولا دولة قانون ولا ديمقراطية طيب اليس من الاولى انا استاذ قانون دستورى انا مش عايز هذا الطريق اصلا طريق مر لكنة اليس من الاولى نعطى المثل ونحترم سيادة القانون ونطبق القانون والا علشان التيار اسلامى غلب وهو اللى هيشكل اللجنة التشاسيسية يبقى نقول لأ نرجع كما كنا لأ ماهو يا اما نحترم القانون ونتعلم نحترم القانون وخلاص يا اما ان احنا نظل فى فوضى وهذا مرفوض اصلا دى دستوريا المفروض بقى المفروض ودى عايزة تغير فى الاعلان الدستورى ان الجمعية التأسيسية المفروض يعملها الشعب مش ينتخبها واللى هتعملها السلطة التشريعية للمجلسين فى اجتماع واحد والله المفروض ان احنا نعمل تعديل لهذه المادة ونقول والله نضع زى ما عملنا فى شروط المرشح لرئاسة الجمهورية او كيفية الترشيح فى رئاسة الجمهورية ونعمل اوحتى قانون اساسىاحنا بنسمية قانون مكمل للدستورايه للاعلان الدستورى ونقول اهى الشروط اهى اللى يجب ان تتوفر فى العضو اللى هيكون فى الجمعية التاسيسية هنا بقى نتوافق على هذه الشروط بحيث سواءا زى ما عملنا الثلث والثلثان القائمة والفردى طب ما نقول بردوا والله يكون من المجلسين عدد كذا ويكون من خارج المجلسين عدد كذا ثقافتهم كذا تمثيلا كذا عمال والا فلاحين والا لأ والحاجات دى كلها ونعمل بعدين معايير فى كيفية تشكيل اللجنة ايه المانع ايه المانع يعنى
أحمد بصيلة:مين المخول ان هويضع المعايير ؟
د/ رأفت فودة:اللى عمل الاعلان الدستورى .. لأ هو الوضع حضرتك بتتكلم على كلمة وضع
أحمد بصيلة :اه
د/ رأفت فودة:لكن هوبيستشير وعنده مجلس استشارى ويستشير القوى السياسية وياخذ الاراء زى ما هو عايز وياخذ الوقت الكافى وبعدين ينتهوا بعمل بس التيار
أحمد بصيلة:هى ممكن تتفق القوى السياسية على هذه الفكرة؟
د/ رأفت فودة:لأ ما انا باقول لحضرتك القوى السياسية بتطالب بكده على فكرة
أحمد بصيلة :كل القوى السياسية ؟
د/ رأفت فودة:لأ عدا اللى نجحوا فى الانتخابات وهم اللى لديهم الاغلبية وايه كمان واحترم ارادة الشعب اللى عنده حجه قوية مين اللى اد له هذه الحجة القوية المجلس الاعلى للقوات المسلحة بالاعلان الدستورى بتاعة احترم انا معاه احترم سيادة القانون بناء علية اى محاولات ستجهض
أحمد بصيلة : طب نشوف تقرير عن ما جرى فى الانتخابات النهارده ونواصل بعد ذلك
تقرير
مذيعة : حتى تتحق نزاهة الانتخاب لابد من فتح باب الشكاوى ضد التجاوزات التى تشهدها عمليات الاقتراع بالانتخابات البرلمانية وهو العمل الذى تولت مسئوليتة وحدة دعم الانتخابات بالمجلس القومى لحقوق الانسان
مراسل:الغرفة بدأت عملت منذ المرحلة الاولى لانتخابات مجلس ا لشعب 2011 وهى مش تتوقف عند المرحلة دى ولكن هى مستمرة انشاء الله فى العمل لانتخابات مجلس الشورى وكمان الانتخابات الرئاسية
موظفة : احنا بنتلقى الشكاوى من المواطنين من جميع محافظات مصر فا بنقول بتسجيلها على الجدول والبرنامج وغير كدة كمان بناخذ ارقام وتليفونات الشاكين علشان لواى حاجة حصلت او مثلا عايزين نستفسر منها او نتاكد منها بنتصل بيهم تانى
موظف : عملنا فى بداية الانتخابات خالص حاجة مختلفة تماما عن شغلنا اللى فات عملنا APPLICATIONوWEBSITعلشان الناس بتتكاسل او شوية بالفيس بوك اسهل من انها تتابع الWEBSITحطينا APPLICATIN للWEBSIT فى كل المعلومات الخاصة بالانتخابات على سبيل المثال قوانين مجلس الشعب ومجلس الشورى
مذيعة : استخدام الدين فى اصوات الناخبين واستمرار الدعاية طوال فترة الصمت الانتخابى هى الشكاوى المعتاد عليها منذ بدأ العملية الانتخابية الا ان انصار بعض المرشحين تبتكر حيلا جديدة للدعاية فى المرحلة الثالثة والاخيرة للانتخابات
موظف : بيتم استغلال الاطفال فى الدعاية الانتخابية امام مقر اللجان وقبل الانتخابات ب 48 ساعة تتوقف عن الدعاية الانتخابية وبالتالى علشان الهروب من المسالة القانونية تانى يوم الاطفال بيجوا امام مقر لجان الاقتراع ويبتدوا بتوزيع بعض الهدايا على الناخبين والناخبات وتوزيع بعض الاوراق اللى بتدعو الى انتخاب حزب او مرشح لتيار سياسى معين
موظف:نسبة الشكاوى التى تم رصدها فى المرحلة الثالثة فى وحدة دعم الانتخابات قل بكثير اذا ما قورن بالمرحلتين الاولى والثانية ولكن قد يعود ذلك لبعض السمات الخاصة بمحافظات المرحلة الثالثة
موظف: فى محافظات حدودية اصلا اعداد الناخبين فيها مش كثير ثانيا بتتحكم فيها القبليات والعائليات فا بيبقى المشاركة عالية كثيفة لكن بشكل منظم بشكل مرتب طبقا للعائلات مع بعض
موظف:هذه الانتخابات سيذكرها التاريخ وسيذكر معها كم كان الشعب المصرى جديرا بالديمقراطية عندما اتيحت له سارة الشناوى التليفزيون المصرى
أحمد بصيلة:مازلنا معكم اعزائى المشاهدين تابعنا فى هذا التقرير كل ما وصل الى منظمات المجتمع المدنى التى تتابع وتراقب الانتخابات فى مراحلها المختلفة مازال معنافى هذا اللقاء دكتور رافت فودة استاذ القانون الدستورى بجامعة القاهرة دكتور حضرتك شايف علمية المراقبة والمتابعة من منظمات المجتمع المدنى التى اتت بثمارها
د/ رأفت فودة:الحقيقة المراقبة اتت بثمارها لكن لا اريد اعطى الفضل لمنظمات المجتمع المدنى فقط لا غير الشعب راقب المرشح راقب الشعب ذهب مش بس ذهب ده ذهب قاصد انه يدلى بصوتة لشخص معين او لحزب معين وفى نفس الوقت بيراقب
انه مفيش حد يتدخل فى صوتة وزى ما سمعنا الحلقة اللى حضرتك عملتها من ساعة انه فى ناس اشتكت ان واحد بيوجهها صح ام خطأ
أحمد بصيلة:اه
د/ رأفت فودة : هذالا يعنينى دلوقت شوف اد ايه دى فى حد ذاتها رقابة فى حد ذاتها رقابة وبناءا علية اه واللجنة القضائية العليا تشكر على اللى بتقوم به وعلى رقابتها والجيش والشرطة وكل ذلك لأ فى رقابة والشعب عنده وعى مش عايز رقيب كنا عايزين رقيب لما كان فى تزوير لكن فكرة تزوير يعنى زى ما تكون اتمسحت باستيكة .. العقلية المصرية طب انا هعوز رقيب فى ايه اللهم الا فى الحاجات اللى حضرتك ذكرتها قبل كده اختراق فترة الصمت الشوائب التجاوزات اللى لا صلة لها بالعملية الانتخابية هى طبعا بمناسبة العملية الانتخابية على النتائج لا تؤثر فيها من قريب او من بعيد
أحمد بصيلة: طيب اعود الى موضوع الدستور الموضوع الهام اوالهم الاكبر للبرلمان القادم يعنى هذا الدستور هتضعة اللجنة التاسيسية اللى هيشكلها البرلمان بغض النظر عن اغلبيتة او بغض النظر عن هذه اللجنة وتشكيلها هيتم استفتاء الشعب عليها
د/ رأفت فودة: اه
أحمد بصيلة : فا لية التخوف ولية دائما هناك تحذيرات من ان هناك فصيل سوف يستأثر بهذه اللجنة بوضع افكارة وبوضع توجهاتة اذا كان بعد كده هيبقى فى استفتاء عليه
د/ رأفت فودة :اه هو سؤال حضرتك ذو شقين او حدين معرفش يقال انه هو مش بيضع الدستور اللجنة مش هتضع الدستور هى تضع مشروع للدستور ولكن وضع الدستور هوللشعب بعد الاستفتاء
أحمد بصيلة : نعم
د/ رأفت فودة : ولذلك سؤالك جاء فى هذه الجوئية طيب هو احنا متضايقيين من ايه اذا كان الشعب فى النهاية هو اللى هيقول لأ دعم والا لأ
أحمد بصيلة : نعم
د/ رأفت فودة :لكن زى ما قلت لحضرتك قبل كده الاعلان الدستورى حدد 15 يوم وطبعا المدد دى لم تحترم مفيش اى مادةفى الاعلان الدستورى احترم اللهم مادة الانتخابات دى كمراقب وكمتخصص دارس دى انا باقولها ومطمئن قلبى لما اقول الاستفتاء 15 يوم انت اخذت شهور وطلعت قرارات من المجلس الاعلى للقوات المسلحة اللى انتخب فيها لأ خلوه فى يومين بدل فى مرة اعملة مرة كمان والاعادة بدل ما هى فى مرة لأ خليها فى يومين ابعة ايام لية لانه عملية قوائم ولا احنا فاهمين قائمة يعنى ايه انا باتكلم عن الشعب بصفة عامة يعنى نظام الانتخابات بالقوائم والفرد والفئات والعمال والفلاحين والحاجات دى لأ طب خدوا وقت الناس هتطلع كثافة طب خدوا وقت بقلنا اد ايه بندرس حسب الميديا اللى موجودة للاعلام المصرى وغير المصرى وطب والانتخابات دى ازاى هتيجى وانت يا شعب هتعمل ايه فما بالك بالدستور وقد يتجاوز الثلاثمائة مادة خلى بالك ومواد الدستور مش زى مواد القانون اطلاقا ده بتيجى عبارة عن مقطضبة جدا علشان ما تكونش زى الماده 76 - 619 كلمة 3 صفحات فى الدستور لأ ده بتيجى حاجات مقطضبة عايزة متخصصين يفهموا الكلام ده بيؤدى الى ايه وله معنى ومصطلحات سياسية ودستورية ودى العمل لا تفقه مثل الدلاله القانونية والدستورية لهذه المصطلحات اذن محتاج اية محتاج وقت اطول لان علشان تقول فعلا انتوا خايفين من اية الشعب هيقول لأ والا اه دهيقول لأ على ايه ما انت المفروض تفهم الشعب هل 15 يوم هيفهموا الشعب انك انت تقعد والله لو اديته دروس خصوصية 24 ساعة فى اليوم هيفهم بالذات الدستورى بالذات النص الدستورى ولذلك احنا عايزين شهرين ثلاثة ان احنا نقول يا جماعة دى عيوبها كذا دى مزاياها كذا زى ما حصل فى الاعلان الدستورى نعمل دستور والا كذا قعدنا نشرح ونقول فى كل مكان ونقولهم اذن وده اللى انا ملاحظة فى الانتخابات رغم الدعاية اللى اخذتها الانتخابات وطول الوقت اللى اخذتة الانتخابات وشوف انا كمواطن وانتخبت اللى حط صوتة اغلبة ماهوعارف هو حط لاية
أحمد بصيلة: حط لاية يعنى ايه ؟ لأ هواختار الحرية والعدالة
د/ رأفت فودة : بس مهواش عارف مين دول اللى فى الحرية والعدالة ده كشخص وكبرنامج ده نمرة واحد سكنة فين طب لو عزت حاجة اروح له فين ماحصلش الدائرة يعنى انا لسة سامع دلوقتى وفى البرنامج قبلها الدائرة فيها دائرة واحدة نظام محافظة فيها دائرة واحدة زى جنوب سيناء ب 70 الف صوت على اربع مقاعد واثنين يبقوا ست مقاعد محافظة كاملة فيها دايرة عايز تقول لى ان الناخب اثنين اللى كانوا فى المرشحين اطلاقا فمابالك بقى بالعملية الدستورية دى عايزة عملية وقت
أحمد بصيلة :طيب
د/ رأفت فودة : موافقة الشعب اه او لأ
أحمد بصيلة : فقهاء الدستوربيقولوا ان دستور 71 مكنش سئ كانت مشكلتة ان فى اختصاصات لرئيس الجمهورية واسعة جدا ممكن تعديل بعض المواد فيه والدستور الجديد يبقى مشابة للدستور بعد التعديل يعنى وتبقى المواد معروفة مش غريبة قوى جديدة
د/ رأفت فودة :الكلام اللى بتقولة كويس جدا دستور 71 فى مجملة مكنش سئ وليه مكنش سئ والشعب فى 48 ساعة عرض على الشعب الاستفتاء لانه مكنش يطبق وبالتالى يجى حلو مش فارقة عند اللى وضع دستور 78 هاتوا حلو علشان العالم كله يقول دستورنا حلولكن الممارسات والدستور ظل حبيس النصوص اللى هو فيها الى ان قامت الثورة بل بالعكس تم تعديل حاجات علشان قمع اكثرمن هذه الماده 76 وغيرها فى مواد خطيرة جدا فى دستور 71 كما هو الحال فى المادة 74 وكما هو الحال فى شروط حالة الطوارئ وده اللى يهمنا على فكرة مهو ما تجبس تقول لى الحقوق والحريات لا يختلف عليها احد فى دستور 71 ويكاد يكون صورة طبق الاصل للدساتير الموجودة فى العالم كله الحقوق والحريات وتيجى فى مادة فى اخر الدستور والا فى تلتينة من الناحية الثانية وبسطرين صغيرين تنسف الباب الاولانى فيه لألأ المسائل عايزة توزيع الحاجة الثانية دستور 71 لأ يا سيدى نظام الحكم كله هيتغير دستور 71 كان كان لا هو ملكى ولا هو رئاسى ولا هو برلمانى ولا اى حاجة ولا له لون واحنا كتبنا فى هذه الجزئية يعنى انا من المتخصصين اللى كتب فى دستور 71 وطبيعة النظام السياسى اللى فى الدستور مالقيتش له لون فى دول العالم كلها فريد بمصر عايز تقولى هذا بس عايز تعديل فى بعض المواد لأ دا عايز نصف للابواب ومنها الابواب المتعلقة بنظام الحكم وسلطات رئيس الدولة يبقى اذن لاعايزين فقر وبعدين ايه كمان دستور 71 حلو بس كان فية سلطات يغلب علية الطابع الرئاسى خلينى اقول كده باختصار شديدهل انت عايز واحد مختلط يعنى يغلب علية الطابع الرئاسى وبعض نظام البرلمان والا عايز نظام برلمانى اذن لازم احدد سلفا النظام الرياسى اللى اناعايزة بعد الثورة وبناءا علية هيجى الدستور قد يكون مختلف تماما عن دستور 71
أحمد بصيلة: مين اللى هيقررة هنا؟
د/ رأفت فودة: ماهى الجمعية التاسيسية
أحمد بصيلة :هى اللى تقرر شكل الدولة شكل النظام السياسى
د/ رأفت فودة : دا هى اللى هتقرر شكل البدلة اللى حضرتك هتلبسها !!
أحمد بصيلة :اه
د/ رأفت فودة : انا باكلمك بجد اصل هنا ده الدستور يعنى لما يجى يقولنا السلطة التشريعية شكلها كذا خلاص السلطة التشريعية كان فى موضوع الحصانة الحصانة والحصانة دى امتى والحصانة خارج البرلمان والا داخل البرلما ن بين ادوار الانعقاد والا بس كذا دى شكل البدلة اللى هيلبسها عضو مجلس الشعب وهو داخل
أحمد بصيلة :اه
د/ رأفت فودة : خت بال حضرتك يعنى لا نستهين بالامور ده دستور طالما ان احنا عايزين دولة نقلة نوعية يعنى احنا التضحية اللى تمت والشهداء اللى بانحى ليهم واقبل مش عايز ايديهم رجليهم دمهم ما يروحش هدر يعنى لأ هما عايزين نقلة نوعية من نظام الحكم ومين اللى بينقل الاداة الوحيدة الاداة النوعية النقلة النوعية للحكم هو الدستور ولذلك المسائلة مش عايزة عجل على فكرة حتى انا يعنى وان كنت رافض تماما للاعلان الدستورى كنت باقول مدة ال 6 شهور غير كافية
أحمد بصيلة :طيب اسمح لنا ناخذ بس اتصال من دكتور يحيى ابو الحسن عضو الهيئة العليا لحزب الوسط مساء الخير يا دكتور
د/ رأفت فودة : اهلا وسهلا بحضرتك مساء النور بنتكلم على الدور اللى هيلعبة البرلمان القادم .. برلمان غير عادى يعنى اكيد ادوارة هتختلف عن اى برلمان حضرتك شايف كيف سيكون دور البرلمان القادم فى مصر
د/ يحيى ابو الحسن : دور البرلمان القادم هيكون انشاء الله دور محورى جدا وانا كنت عايز اعلق على كلام الاستاذ الدكتور اللى بيقول فية ان الشباب طبعا مااخذوش حظهم فى الاحداث اللى حصلت د ى او مجنوش اى حاجة من الثورة دى حقيقة طبعا وانا باشبهها بزى ما يكون واحد من الشباب الصغيرين دخل فى مسابقة شخصية كده من نفسة من غير حتى ما يرجع لاهلة وفاز بجائزة كبيرة قوى تذكرة يا نصيب كبيرة جدا مثلا 10 مليون جنية مثلا اول يوم يجبها وبالتالى ال 10 مليون جنية دول لان هو لسة قاصر اسرته اخذتها انما هيعود علية هيعود بلا شك هيعود علية هذا حتى لو كان مش هوده اسلوبة اللى بيصرفة اسرتة او اخرين غير اللى فازوا لان هذه سيعود عليهم ان لا شك ان الانتخابات اللى حاصلة حاليا دى انتخابات سنة اولى سياسة هيعقبها ممارسات اخرى هيعقبها ممارسة سياسية هيعقبها دخليات سياسية عميقة جدا والشعب الحمد لله رب العالمين واعى جدا
أحمد بصيلة : نعم
د/ يحيى ابو الحسن:ومثقف جدا وعمل نقل صراحة لابد ان احنا كلنا نحنى لها الراس كل الناس كانت خايفة انهاتتم وان هتحصل مجازر والحقوا اجلوها اصل هيحصل مش عارف ايه ولا حاجة حصلت خالص بالعكس الانتخابات بتحصل فى جو اناانا انتخابات فى دول كثيرة جدا قبل كدة والحمد لله رب العالمين مشفتهاش من 20 سنه استطيع ان اجزم ان الانتخابات المصرية تعتبر لو عملناهايعنى katogreas
أحمد بصيلة :مستويات
د/ يحيى ابو الحسن: طبعا المستوى الاول يعنى بلا ادنى شك نظاما الكلام اللى بيحصل ده اللى انا بارفضة طبعا بشدة من بعض التجاوزات وعليها علامات استفهام انما ده شئ طبيعى جدا بيحصل فيها هذه التجاوزات لابد ان الشباب هياخذ دورة لا يقلق اطلاق كبير جدا جدا جاى للشباب المرحلة بس بتاعت المرحلة الاولى بيحصل فيها طبعا هذا اللغط وهذه الفوضى البسيطة فى الاخر لا شك ان الشباب هيجد حياة جديدة هيجنى ثمار ثورته هذه ثورة الشباب قام بها الشباب وحركها الشباب اللى فاز بتذكرة اليانصيب هوالشباب كلن معلش بباه وممتة بردوا يصرفوا منها واقول هذا لا تقلقوا سيعود نفع كبير جدا انشاء الله عليهم
أحمد بصيلة : يعنى البرلمان القادم هو اللى هيبقى مخول بتحديد شكل الدولة من خلال الدستور
د/ يحيى ابو الحسن :احنا بنتكلم زى ما يكون كلام وكاننا هنخترع الذرة فى اشكال هى اشكال الدولة اية مش ربع ميت شكل هى اشكال الدولة يا اما رئاسية يا اما برلمانية يا اما مختلطة واحنا اظن ان كلنا رايحين للدولة المختلطة يعنى اصل الليبراليين واقفين على كده والاسلاميين واقفين على كده والمتوسطين وافقين على كده يعنى اصل ده الطبيعى اظن ان احنا بعد ما ننتقل من نظام ديكتاتورى هيبقى انسب نظام لنا هو النظام ده
أحمد بصيلة : يعنى هناك توافق على النظام المختلط ؟
د/ يحيى ابو الحسن : اكاد ارى هذا بعينى مفيش شك ان البرلمان هيكون مخول لهذا احنا مش بنستبق الدور ولا بنفتات علية انما اظن ان كلنا متجهين شكلنا ماشين الى النظام الشبة رئاسى اوالنظام المختلط
أحمد بصيلة : نعم دكتور يحيى ابو الحسن عضو الهيئة العليا لحزب الوسط شكرا جزيلا على هذه المداخلة طيب واضح ان فى توافق بين القوى السياسية المختلفة يعنى ليس بشكل رسمى ولكن يعنى كما وضح لنا دكتور يحيى ان فى توافق على شكل الدولة
د/ رأفت فودة :هو ذكر الاستاذ يحيى ان التوافق بين الليبراليين والشباب والوسطيين وماجبش من حصلوا
أحمد بصيلة :لأ متهيا لى جاب
د/ رأفت فودة : دى نقطة النقطة الثانية التوافق اللى بيتم فى فترة المخاض ليس بالضرورة هو الذى سيتم بعد الولادة لية لان التوافق فى هذه الفترة له حسابات وبعد النجاح والجلوس على الكرسى هناك حسابات اخرى هو نفسة اللى قال كده على فكرة يعنى
أحمد بصيلة : طب هو الاعلان الدستورى حدد ادى مثلا تم طرح الدستور على الاستفتاءخلال 15 يوم من
د/ رأفت فودة : اه اه
أحمد بصيلة :كويس فى حالة رفضة ايه اللى بيحصل؟
د/ رأفت فودة :لأ هو مقلش حتى فى حالة رفضة والا كذا بيعاد للجان قد يكون نفس اللجنة وبيعاد للجنة هو مجبش سيرة بس فى هذا الموضوع ايه اللى بيحصل ديمقراطية نعمل ايه ان احنانبدأ نعاود الكرة من جديد اما بذات المبنى ونشوف ايه الملاحظات وايه المواد اللى رفضت ولماذا رفضت حتى استقصاءات للراى وكذا ودى عايزة وقت وبعدين ترجع تانى تصيغ ما يتوافق مع السائد فى المجتمع واللى عايزة الرافضون فى حالة الحالة ok لكنة اولا لم تحدث وانا باقولها لك من دلوقتى
أحمد بصيلة :اللى هى ايه ؟
د/ رأفت فودة : اللى هوالدستور اذا تم بالجمعية ا لتاسيسية سواءا على وما اعتقدش فكرة التوافق اللى قصدها الزميل الفاضل اللى تداخل معانا
أحمد بصيلة :دكتور يحيى
د/ رأفت فودة : دكتور يحيى هيكون بجمعنا بين القوى السياسية المختلفة هو ممكن يتم نوع من التنازل فى بعض الحالات والغالبية العظمى ستفرض رايها فى اعلاء شكل الدستور القادم
أحمد بصيلة : يتغير من اجل المصلحة العامة ؟
د/ رأفت فودة : اتمنى ذلك اتمنى ذلك ما توفعنيش انا يعنى انا بلا شك يا استاذ احمد بلا شك هما صحيح مكنوش شرارة الثورة من الناس لكن انضموا للثورة وحموا الثورة وخدموا المصريين جميعا وخاصة فى المناطق المكفهرة وناس لهم تاريخ ونضال وناس كمان يعرفوا ربنا وبالتالى بلا شك للمصلحة العامة انا لا ينبغى ان نشكك فى نوايا حد طالما ليس لديا دليل ولم ارى من الواقع لان الاصل فى الامور البراءة والاصل فى الامور حسن النية وبناءا علية اه انشاء الله يعملوا للصالح العام بعدين هى 5 سنين ان تبين غير ذلك مش هطلع بيهم بثورة لان خلاص لأ لايجوز لان احنا مش هنثور على قانون وحش والا حاجة وننزل تانى التحرير زى ما بنسمع لأ نبقى دولة قانونية وديمقراطية والله عندكوا انتخابات جاية لكم بعد 5 سنين افعلوا ما شئتم 5 سنين بعد انتقال السلطة
أحمد بصيلة : بعد اقرار الدستور يبقى موقفة ايه ؟
د/ رأفت فودة :نعم
أحمد بصيلة :البرلمان ده يبقى موقفة ايه ؟
د/ رأفت فودة :اه ده مش انا باقول لك ده انا الليلة دى ماشى يا استاذ احمد نمشى من عنيا يعنى اقول لك الدستور طبعا هو فى جملة حضرتك قلتها مع الدكتور يحيى ان الدستور يحدد شكل الدولة لأ هو مش شكل الدولة اللى هيحددة
أحمد بصيلة :اه
د/ رأفت فودة :هوهيحدد شكل النظام
أحمد بصيلة : النظام تمام
د/ رأفت فودة :لان مصر لم تكون فيدرالية يعنى لم ناخذ بالنظام الفيدرالى علشان نقول هو هيشكل ويقول لأ مااعتقدش ومش سائدة هنجيب بقى نظام الحكم طيب الدستور لما يجيى هيحدد لنا شكل النظام السياسى اسائد واذا كان مختلط والا برلمانى والا كذا حسب ما يتم وضع الدستور الحكومة الموجوده حاليا وده اللى انا قلتة قبل كدة الحكومة ايامها المجلس الاعلى للقوات المسلحة وهى اسمها حكومة ازمة والا حكومة فترة انتقالية والا حكومة كذا معنى ذلك ان عمرها موقوت ومعدود لحين ما تيجى السلطات التاسيسية والدستور لما جه الحكومة جاية على اساس اعلان دستورى مجلس الشعب جاى على اساس اعلان دستورى مجلس الشورة جاى على اساس اعلان دستورى ومحدد مهامهم وان كان صيغت بصورة خاطئة الا انه هنتوافق عليها ونعانها على اعلان دستورى لما يجى دستور جديد ايه اللى هيحصل بيحل محل ايه متساعدنى يا استاذ احمد
أحمد بصيلة : شرعية دستورية
د/ رأفت فودة :هيحل محل الاعلان الدستورى
أحمد بصيلة :اه
د/ رأفت فودة : يبقى اذن هناك شرعية دستورية .. والشرعية الدستورية هتتناقض مع ماهو قائم مع الاعلان الدستورى لان الاعلان هيتشال خلى بالك حتى لو الدستور الجديد مقلش الغواالاعلان الدستورى احناعندنا قاعدة بتقول اللاحق ينسخ السابق ما نمشيش ب 2 لان تبقى مصيبة سودا
أحمد بصيلة :ما ينفعش اه
د/ رأفت فودة :يبقى فى الحالة دى يبقى هو ده هيحل محل الاعلان طب الاعلان لما يمشى هياخذ اللى هو حطهم لازم ياخذهم معاه وهو ماشى ولازم نعيد القرة من جديد اذا اردنا ان تكون دولة سيادة القانون ودولة احترام القانون راى القانون الدستورى والنظم السياسية
أحمد بصيلة :حتى لو الشروط الموجودة فى الدستور الذى سيوضع تتفق مع نفس الشروط الموجودة فى الاعلان الدستورى او على الاشخاص الموجودين او على شكل البرلمان
د/ رأفت فودة : استاذ احمد العملية يا تاخذ كله يا تسيب كله .. كون ان فى تشابك فى الاحكام بعض الاحكام اوبعض المواد طب ماهو جاب العلان الدستورى الحريات هو عشان جاب لأ احنا تشكيل الحكومة تم باية النظام الدستورى الجديد هيقول لك فتشكل الحكومة ومن له الحق فى تشكيل الحكومة هل هو رئيس الدولة زى ما كان هو فى دستور 71 والا استنى بس مش بس رئيس الدولة هل ملزم رئيس الدولة باختيار رئيس الوزراء من جهه معينة الا وهى الاغلبية كما هوالحال فى المختلط خت بال حضرتك والا لأ يبقى هتبص تلاقى التفصيلا ت الدستورية ليست تفصيلات بمعنى عدم الاهمية هتلاقى التفصيلات الدستورية توجب عليك تقولك ان هذا لا يتفق والحكومة قائمة ولا يتفق ومجلس الشعب هو عامل مجلس الشعب جاى على شكل تلتين وتلت وكذا ما هنشوف النظام الانتخابى هيجى ازاى ماهو بعدين تلتين وتلت ظلم واخلال بقواعد المساواة والدائرة نفسها اخلال بقواعد المساواة الدائرة دائرة واحدة فيها 4 فى محافظة واحدة ازاى ازاى الصوت اصلا الصوت نفسة مزور يعنى ايه مزور مش مزور معناها ان انا غيرت الصوت لأ داالصوت نفسة ادى لواحد ميعرفوش ادى ولا شاف برنامج ولا شاف حاجة يبقى عميانى يبقى الصوت ده اصلا مش قانونى مائة بالمائة لكن احنا نقول فترةانتقالية وعايزين ننتقل على العين وعلى الراس مين اللى هيحدد كل ده الدستور طب اذا تصادم مع القوائم دى حاجة الحاجة التانية ان التشريع القادم ايه مجلس الشورى مجلس الشورى هيكون فى مجلس شورى والا لأ طب ماهو ده قالك مفيش مجلس شورى يبقى ايه امشى مجلس شورى طيب تعالى المهام بتاعت السلطة التشريعية ايه دور الرقابة الرقابة دى عبارة عن ايه بالضبط هيقولك كيت وكيت وكيت وكيت بردوا ما يتناسبش لأ لأ لازم تجدد الطاقم بالكامل ماهوعلشان ايه ان تكون السلطات هى منبعها الدستور الجديد والا هيكون فى انفصام وثائق العرى بين السلطات اللى هى قائمة على الحكم وبين القواعد الدستورية دى نطبقها ازاى وتمشى ازاى
أحمد بصيلة : يعنى هنعيد الموضوع تانى بتاع الانتخابات
د/ رأفت فودة :الديمقراطية منطقها كده لكن ممكن يتغلب على ذلك انا مش عايز اسوْ الامور لأ فى حلول دستورية لكن مهياش ديقراطية ايه هى ان الدستور الجديد ما يجى يقولك طب السلطات فى الاخر كده بنسمية حتى انتقالية
أحمد بصيلة :اه
د/ رأفت فودة : تبقى السلطات القائمة المنتخبة الى حين انتهاء المادة وبعد كده يتم الانتخابات خلاص حلتها بس هى ديمقراطية ؟ هل هى دى اللى عايزاها الثورة هل هى دى دولة القانون ماهى دى الفكرة على فكرة هو دستور 71 مش متورث به بعد فى تعديل المادة اذن بالقانون اورث وبالقانون اديك حرية وبالقانون انسف الحرية هى المسالة مش مسالة قانون الدستور الجديد وبعدين تعالى انت هتعرض حضرتك الدستور الجديد ابو 300 مادة والا 350 مادة والا اقل شوية علشان فى 15 يوم هتقول له ايه بقى فى طريقة الاستفتاء يا تحكم بكله يا تسيبة كله
أحمد بصيلة : اللى حصل فى العراق
د/ رأفت فودة :اخذة كله فى الشعوب الواعية المثقفة اللى مفهاش امية ولا بطالة ولا كذا وفيها وعى سياسى من الحضانة الى كذا أاخذه كله لانه يكفية بس ساعتين الدستور هيفهم الحقوق والحريات لأ دا احنا عايزين طب افرض الدستور حلو قوى بس مادة مش عجبانى اللى فيها ديكتاتورية رئيس الدولة زى ما المادة 74 مثلا ومفهاش ضمانات ولا حاجة يبقى حرام يبقى هتقوله يا تشيل ده يا تشيلة بعبلة ما احنا بردوا عايزين ناخذ وندى علشان ما يبقاش فى نقاط سوداء فى الدستورالقادم
أحمد بصيلة:تحدد شكل التصويت هل على كل المواد او كمادة مثلا ؟
د/ رأفت فودة :الامر الصادر من المجلس الاعلى للقوات المسلحة باستدعاء الشعب للادلاء بصوتة فى الاستفتاء انت شفت حضرتك ماهوصدر امر من المجلس الاعلى قال انتوا عندكوا استفتاء يوم كذا عندكوا انتخاب يوم كذا هو ده الى هيصدر وهوده اللى هيحددوزى ما شفت فى الانتخابات هو اللى هيقول على يوم اواثنين والا على تلاتة وهو ممكن ياجل ويعمل اذن لان هو القائم على امور البلاد وقائم السلطة التشريعية والتنفيذية وبالتالى غيره هو ده الرسمى اللجنة نفسها ما تقدرش تقول لان اللجنة مش حكم مش سلطة حكم تضع مشروع دستور وبالتالى ما تقدرش عبر للشعب لأ
أحمد بصيلة : طيب هو المفروض يعنى كان صرح المجلس العسكرى وقرر ان تسليم السلطة فى 30 /6 ومجلس الشعب هيخلص فى نص يناير الانتخابات بتاعت مجلس الشورى هتخلص فى فبراير فى النص فبراير او اخر فبراير
د/ رأفت فودة :23 يناير اظن اجتماع مجلس الشورى 28 فبراير اجتماع مجلس الشعب
أحمد بصيلة :وبعد كده مجلس الشورى طيب دى هيتم فتح باب الترشح لانتخابات رئاسة الجمهورية على اى اساس واى شكل لان بالتاكيد مش هيكون الدستور تم وتم الاستفتاء علية كمان
د/ رأفت فودة:ماهى دى قضانا وقدرنا كمصريين ان لا سجن المجلس الاعلى للقوات المسلحة هو طبعا اتاخر فى العشر شهرو الاولى فما انتجش حاجات كثير وبالتالى فات منا عشر شهور وبالتالى الناس بدأت الثقة نوعا ما تختل والا حاجة والشك يتلاعب والتيارات قطعا للشك باليقين فا قال لك لأ خلاص نعد السلطات اهى 1-2-3- لحد رئيس الجمهورية 30 يونية كذا بس ما جبش سيرة الدستور حينما قصروا المدد وحتى كان اخرها مجلس الشورى على مرحلتين والترشيحات دلوقتى رئيس الجمهورية بعد شهرين فى مارس اظن او ابريل واخر حاجة خلاص يبقى طيب والدستور محدش جاب سيرتة النص اللى انا باقولة لحضرتك لأ الدستور بيقول 6 شهر اخر انتخابات مجلس الشورى لازم 6 شهرو يشكلوا لجنة 6 شهر يضع الدستور يعنى سنه هنحترم مين بس استنانى الله يخليك هنحترم مين
أحمد بصيلة : بس دى المدة الاقصى
د/ رأفت فودة:الاقصى لأ ما فيش حاجة الاقصى ده بيقولك خلال اه
أحمد بصيلة :اقصى حاجة 6 شهور يشكلوا لجنة فى مدة اقل من كدة مثلا اه
د/ رأفت فودة:فى يوم اتنمى فى 48 ساعة لان هل هى فعلا اللجنة اللى هتشكل فى 48 ساعة والا فى شهر والا شهرين هتكون قادرة وصالحة لوضع الدستور
أحمد بصيلة :اه
د/ رأفت فودة:لمكافأة الثورة الامر عظيم يا استاذ احمد عندنا احنا احساسى لانك انت مش متخصص دستوريا ممكن الاعلامينا انت لما اقول كلمة تقول يا ياريته ما قالها ليه لانك انت تعرف مغزى الكلمة من الناحية الاعلامية انا لما باقول كلمة دستورية باحسها بشعورى اتمنى واللجنة هتحط فى 6 اشهر دا انت ممكن المادة 2 تاخذ 6 اشهر عايزين المبادئ اللى شا المصدر الرئيسى المقصود بالمبادئ يعنى ايه المبادئ محدش قال لنا المحكمة الدستورية فى ظل النظام السابق محدش راضى به لانها نسفت اغلب ما يتعلق بالشريعة الاسلامية ولذلك وممكن يتعمل كالسحرة يعنى ممكن يتعمل احنا عملنا دستور فى كله الحقوق جامعة القاهرة فى اسبوعين تلاتة مش مشكله بس احنا مش قوى الشعب العاملة احنا مش القوى السياسية احنا بنقول كفنيين ومتخصصين والله بنرى ذلك لكن الشعب يقول لك انا اعرف اختصاصك بس ما ينفعنيش اللى انت بتقولة انا عايز كذا والا كذا خلاص العمال والفلاحين والله ممكن تتخذ فيها سنة مش 6 اشهر الله ما نستسهلش فاذا احنا عايزين ايه ياربى عايزنين قارئ فنجان يقول لنا انتخابات الجمهورية طب ok مش هيكون الدستور خلاص السلطات اهى وانتخاب رئيس الجمهورية لما يجى رئيس الجمهورية لما يجى رئيس الجمهورية يستلم مكان المجلس الاعلى للقوات المسلحة ويبقى خلاص عندكوا سلطات مدنية يعنى ان احنارجعنا زى تونس بس قبل الثورة بعد الثورة بمعنى عندكوا سلطات اهى مدنية خذوا فترة انقالية يعنى الجمعية التاسيسية مش هتكون منتخبة من الشعب هننتظر نعمل دستور وبعد ين يجى الدستور يهد اللى اتعمل ونبدأ من جديد وانا كنت سمعت وقرات على الشاشة بتعتكم ان وزير المالية كان بيتكلم بيدور ملقاش غير 25 مليون جنية علشان يعمل المرحلة التالتة وكان مطلوب 125 بيقولوا لقى ال 100 التنيين فهل احنا مش كنا فى غنى عن ذلك ونصبر صبرنا 10 وكمان سنة طب ومالة مفيش مشكله ومع وجود المجلس الاستشارى هدى المسائل طب ماحنا ممكن كنا نستمر لكن انا القوى الساسية لأ عايزة النهاردة قبل بكرة المجلس الاعلى للقوات المسلحة يسلم السلطة للمدنيين عشان نحث ان فى ثورة فقط لا غير
أحمد بصيلة : خطوة يعنى للامام وننتظر النائج وما ستحملة لنا الايام فى الفترة القادمة دكتور رافت فودة استاذ القانون الدستورى بجامعة القاهرة نشكرك على هذا اللقاء
د/ رأفت فودة :شكرا اهلا بيك
أحمد بصيلة : شكرا لكم اعزائى المشاهدين على المتابعة وغدا حلقة جديدة واتجاهات