حالة حوار

د/عمرو عبد السميع : مساء الخير واهلا وسهلا بكم في حالة حوار كان المفروض ان تكون هذه الحلأ باكملها عن ثقافة الانتماء ولكن مياه كثيرة جرت تحت جسور الحياة السياسية والحزبية في مصر وفرضت على ان أغير زاوية الدخول كنا بايزاء تربيطات وتحالفات انتخابات اثرت جميعها على الحالة الحزبية في مصر ودفعتنا لان نسال الاحزاب المصرية واحد تلو الاخر بغية استجلاء الموقف هنبدأ النهاردة بحزب التجمع وهنسال رئيسة عن اي ارضية او خلفية تم لقائة رموز ونجوم جماعة الاخوان المسلمين مع رموز ونجوم حزب التجمع يوم الاحد الماضي هنسالة كذلك هل بدات مرحلة جديدة من الحراك السياسي في مصر بعد اعلان احزاب المعارضة الأربعة في الشهر الفائت بائتلافاتها او تحالفتها حول ما يسمي بالاصلاح الدستوري هل استشعرت أحزاب المعارضة المصرية خطرا على شعبيتها من نمو الحركات الاحتجاجية والروابط الاجتماعية على الفيس بوك والتي تحاول تسويق او ترويج معارضة بديلة حملنا الأسئلة دي كلها ورحنا الى الدكتوررفعت السعيد رئيس جزب التجمع ولازم يجاوب عليها
د/عمروعبد السميع : اسمحوا لي اولا ان ارحب بضيفي وضيفكم الدكتوررفعت السعيد رئيس حزب التجمع وارحب بابنائي وبناتي شبات وشباب مصر واهلا وسهلا بكم
د/عمروعبد السميع : بقي يا دكتوررفعت الحقيقة عندنا سؤال استفهامي استيضاحي في بدايه هذا الحوار اللي هيكون صاخب ان شاء الله احنا عايزين نعرف ايه هي الارضية او الخلفية التي عليها التقي نجوم ورموزجماعة الاخوان المسلمين مع رموز ونجوم حزب التجمع ليل الاحد الماضي
د/رفعت السعيد : صباحا
د/عمروعبد السميع : صباح الاحد الماضي؟
د/ رفعت السعيد : أصل احنا منقدرش نتقابل معاهم بالليل
د/عمروعبد السميع : ليه ؟
د/رفعت السعيد : لان هم فرسان الليل
د/عمروعبد السميع : والله الكلام ده احنا كنا بنسمعه منك باستمرار على انه يمثل موقفك لكن لقينا ان الحزب بيجتمع وانت محضرتش لأنة موقف مبدئي اتاري أنت محضرتش لان كنت عايز المرشد يحضر
د/رفعت السعيد : شوف هقول لك اولا ليست المرة الاولي التي يطلب الاخوان فيها زيارة مقر حزب التجمع ثانيا ليس من اللائق ان يطلب احد ان يزورك في مقر حزبك او في بيتك وترفض هذا تقليد احنا عملينة لا نطلب من احدا وإنما ان طلب احد ان ياتي فلياتي
د/عمروعبد السميع : بس دي مش زيارة في البيت اجتماعية زيارة في الصالون دي زيارة سياسية المفروض يعني .
د/رفعت السعيد : ما انا عارف انها زيارة سياسية الاخوان اعتادوا مع كل تغير في اوضاعهم يطلبوا ليشرحوا واحنا لا نرفض الاستماع لأحد فلما تغير المرشد وجه الاستاذ مهدي عاكف طلب ان يزورنا ومن طبيعة الحال الاستاذ مهدي عاكف زميل قديم
د/عمروعبد السميع : فين ؟
د/رفعت السعيد: هيبقي فين يعني هزامل مهدي عاكف فين غير في السجن فزمالة السجن برضو لها رونقها فجه شرفني وكان فك الله أسره الأستاذ الدكتورعصام العريان موجود فلاقانا بنحضن بعض قال يا فضيلة المرشد يعني ما دام بتحضنوا بعض كده وبتبوسوا بعض قول له يبطل يهاجمنا قال له لأ يهاجمني زي ما هو عاوز بس يتعاون معنا فقولت له لأ ان اهاجمكوا زي ما اناعايزوارفض ان أتعاون معكم فجلسنا فأسمعناهم رأينا وقالوا رايهم ومشيوا بس خلاص
د/عمروعبد السميع : اسمح لي يا دكتوررفعت انا كنت عايز اقول لحضرتك هامش بس على هذا الكلام انا طبعا لست ضد ان يحدث حوار بالعكس أنا من دعاة الحوار في هذا المجتمع جماعة الاخوان المسلمين بقيادتها برموزها عبر سنوات طويلة جدا كنت باستمرار باستضيفهم في حوارتي في وسائط إعلامية غير مصرية وبالتالي معنديش اعتراض على المبدأ مبدأ الحوار لكن انا بقول أجندة الحوار تبقي على ايه يعني أنا مثلا لما أجي اسمع كلامك عن الاخوان المسلمين وبعدين اسمع كلامهم بانهم لن يعطوا أصواتهم الا للمسلمين احس ان هنا بقي مش في تباين لأ في تقاطع
د/رفعت السعيد: لا متحسش ان في أي تغير هذا هو الواقع الحقيقي ومن قال ذلك قال الحقيقة ونستفيد نحن من تكرار هذه الحقيقة المريرة لنؤكد أنهم هم كما نصفهم ليسوا دعاة صحيح الإسلام ولكنهم متاسلمون
د/عمرو عبد السميع : طيب في هذا السياق صحيفة الدستور نشرت يوم الخميس الماضي ان احد المشاركين في هذا الحوار وقال انهم راحوا اجتمعوا برموز ونجوم حزب التجمع علشان يتوقفوا عن الحملات المتبادلة وعلشان ينسقوا في انتخابات مجلسي الشورى والشعب يعني عكس اللي حصل بينك وبين الاستاذ مهدي عاكف في الفترة السابقة
د/رفعت السعيد : التصريح ده مش مجرد كذب لكنه كذبا يعني يصير للسخرية لانه عيب و احد سياسي وهو يعرف انه يكذب ويعرف ان الآخرين يعرفون انه يكذب لكن اللي حصل انه قال كده فعلا قال احنا اتفقنا ان يوقفوا حملاتهم ضدنا
د/عمروعبد السميع : انتوا اتفقتوا على ايه بالظبط ما حنا عاوزين شوية شفافية في الحكاية دي ؟
د/ رفعت السعيد : هو احنا في سر
د/عمروعبد السميع : اه ما انتوا قافلين على نفسكم اوضة مش عارف طبيعة الحوار ده ايه؟
د/ رفعت السعيد : لأ الصحفيين دخلوا يا اخويا هما الصحفيين دول عاملين زى النمل بيدخلوا من تحت عقب الباب
د/عمروعبد السميع : طيب قول لنا في التلفزيون بقي حصل ايه ؟
د رفعت السعيد : لأ هو اللي حصل انه عرض علينا ان يحضروا ليشرحوا لنا وجهة نظرهم أتفضلوا عرضوا وجهة نظرهم
د/عمروعبد السميع : في ايه بقي ؟
د/رفعت السعيد : قالوا احنا عاوزين نتعاون مع بعضنا ان احنا عاوزين مش عاوز نعمل ايه احنا عاوزين فيما نتفق فيما نتعاون ولما ردوا عليهم مثلا زملائنا قالوا لهم الأقباط وبتاع قالك صوت المسلم للمسلم وهكذا احنا اللي بدأنا ردوا عليهم أو مردوش كأنك تتحدث منفردا كرروا وجهة نظرهم
د/عمروعبد السميع : يعني أنا حوار زى ده بعد أذنك يبدوا وكأنه مجموعة من الخيوط المتجاورة لكن مش نسيج متداخل.
د/ رفعت السعيد : لا يمكن يبقي نسيج متداخل
د/عمروعبد السميع : فيما الحوار أذن هو حوار؟
د/رفعت السعيد : أسمعناهم رأينا وسمعنا رأيهم
د/عمروعبد السميع : ما هما عارفين رأيكم وانتوا عارفين رأيهم .
د/رفعت السعيد : لكنهم طلبوا هتعمل لهم ايه لكن أنا عايز أؤكد ان ما قاله الأخ في تصريحه في جريدة الدستور غير صحيح وعيب انه يتقال وان قال شيء غير صحيح ولكن لعل هذا يوضح حقيقة وسبب موقفنا من هذه الجماعة أنهم يعتادون على قولا غير صحيح الا إذا كان لم يصرح بهذا فان كان لم يصرح بهذا فعليه ان يصرح بأنه لم يقل هذا
د/عمروعبد السميع : ايه النقطة الايجابية في حوار زى ده ؟
د/رفعت السعيد : أنا عايز أقول لك حاجة ان في نقطتين ايجابيتين النقطة الايجابية الأولي هي انه يكتشف الناس ان الاخوان لم يتغيروا ان احنا كما نكتشف
د/عمروعبد السميع : يعني دي رسالتكم في الحياة السياسية إنكم تبينوا للناس ان الاخوان لم يتغيروا .
د/رفعت السعيد : ودي رسالة
د/عمروعبد السميع : طيب ما رسالة الاخوان بتبين ان التجمعيين متغيروش .
د/ رفعت السعيد : ما احنا متغيرناش ولهذا
د/عمروعبد السميع : طيب ايه الايجابية اللي في الموضوع ؟
د/رفعت السعيد : لأ لأ هم لم يتغيرواعن مواقفهم الخاطئة المخالفة لتعاليم الدين التي تتحدث عن حقوق المرأة والتي تتحدث عن حقوق الأقباط والتي تتحدث عن حقوق المواطنين والتي تتحدث عن ان حب الوطن من الإيمان يعني في أشياء كثيرة كان يجب ان تستبين للناس لأنه الاخوان تغيرت قيادتهم فشك بعض ان هذه القيادة قد تكون أكثر مرونة وحتى الجريدة اللي نشرت تصريحات الأخ ده يوم الخميس قالت ومن الواضح ان المرشد الجديد أكثر انفتاحا وحاجات من هذا القبيل ده كان من المهم أننا نستكشف ان عليك ان تستكشف غابة الخصم وقلعته كل فترة ده مثل إغريقي عليك ان تستكشف غابة الخصم وقلعته كل فترة والا القلعة دي يحدث فيها حاجة أنت متعرفهاش
د/عمروعبد السميع : تمام أيضا وإحنا بنستكشف كده مش الخصم ولا غابة الخصم في مصر وإحنا بنستكشف الساحة السياسية في مصر شوفنا هذا التحالف ما بين أحزاب المعارضة الأربعة الجبهة والناصري والتجمع والوفد اللي أطلق في الشهر الفائت حول ما سمي بالإصلاح الدستوري واللي حضرتك صرحت بعدية أننا سوف ننزل يعني التجمع أننا سوف ينزل الى الشارع للمناداة بمثل هذه المطالب هو انتم كنتم بطلتوا تنزلوا للشارع أساسا ولا ايه
د/رفعت السعيد : لأ
د/عمروعبد السميع : علاقتكم بالشارع فيها مشكلة ؟
د/ رفعت السعيد : فيها طبعا
د/عمروعبد السميع : ايه بقي؟
د/ رفعت السعيد : الأول أشوف الموضوع الأول وبعدين أكمل
د/عمرو عبد السميع : اتفضل .
د/ رفعت السعيد : محبش إنا اسيب سؤال معلق أحسن يقولوا ده خاف يجاوب عليه ولا حاجة أولا فيما يتعلق بلقئنا احنا الأربعة وبإصدارنا لائحة التعديل الدستورية احنا مش منافسين احنا أحزاب سياسية تري ان مصر
د/عمروعبد السميع : يعني ايه مش منافسين يعني مقنني الأظافر يعني ايه حكايتكم ؟
د/ رفعت السعيد : أنت فاهم انك هتشتغل عليه زى ما بتعمل مع الشباب دول
د/عمروعبد السميع : آه طبعا ده وظيفتي أني اشتغل عليك .
د/رفعت السعيد : لا ما ينفعش تعمل معايا زى ما بتعمل مع الشباب دول الشبان دول تقدر تضحك عليهم لكن مش منافسين بمعني أننا لا نخترع أدوات للمعارضة نحن نعارض عندما يكون الأمر مستحقا للمعارضة والمعارضة الحقيقة الآن تتركز في ضرورة إدخال تعديلات دستورية أساسية الآن وليس غدا الآن لان الآن يتحدد مصير ومستقبل المجتمع المصري المجتمع المصري أولا ومن حيث المبدأ احنا قعدنا نطالب بتعديلات دستورية من 78 الى لحد ما عدلت المادة 76 والمادة 76 عندما عدلت عدلت بطريقة لم نقبلها نحن وقلنا يعني
د/عمروعبد السميع : والى جوارها عشرات التعديلات الدستورية الأخرى .
د/ رفعت السعيد : والى جوارها عشرات التعديلات الدستورية يعني أنا لما بقول عايز اعدل الدستور يعني هو كده فيتعدل كده لأ يتعدل كده وبالتالي لم أجد ان التعديل صائبلم نجد ان التعديل صائب ونطالب بإعادة تعديل هذه المادة اللي دخلت في موضوع جنيس بتفصيلها التفصيليه وعادة الدساتير مفيهاش تفاصيل لكن على ايه حالة لدينا اقتراحات عدة بإدخال تعديلات عدة ولدينا اقتراحات عدة بتعديل قواعد تشريعية أساسية منها أسلوب إجراء الانتخابات ومنها كيف تقبل الشفافية في الانتخابات وكده إذن نحن ايه اللي خلنا بقي نركز على هذا الآن الآن لان مصر دخله على انتخابات شوري تقودها الأسلوب اللي هيطبق في انتخابات شوري يقودها الى انتخابات الشعب والأسلوب اللي هيطبق في انتخابات مجلس الشعب يقودها الى انتخابات الرئاسة ومن هنا لابد ان نطالب من الآن وفورا إدخال التعديلات الآن لكي نضمن انتخابات دستورية شفافة انتخابات شوري شفافة تقودنا الى انتخابات شعب شفافة تقودنا الى مشروعية أفضل لانتخابات الرئاسة دي وجهة نظرنا
د/عمروعبد السميع : طيب نبتدي بالمحطة الأولي اللي هي الشورى الشورى هل يكون لكم مرشحون بحجم مناسب يناسب اسم التجمع؟
د/ رفعت السعيد : عندنا عشرة أصل دي تعديلات نصفية
د/عمروعبد السميع : ايوه أنا عارف .
د/ رفعت السعيد : تعديل نصفي التعديل النصفي يجيلك أحيانا في أماكن غير مواتية يعني تلاقي أنت عندك مثلا مرشح عامل كويس فيقول لك لأ التعديل نصفي فئات أنت عندك فئات كويس يطلع التعديل احنا عندنا عشر مرشحين
د/عمروعبد السميع : يعني الملابسات الحاليه الآنية انتوا شيفين ان عشرة مرشحين ده كافي يعني شيفين عشرة مرشحين ده كافي يعني ؟
د/رفعت السعيد : لدينا عشرة مرشحين لان كل اللي هيتغيروا أظن 40 او 50 يعني نسبة كويسة
د/عمروعبد السميع : وماذا عن حكاية علاقاتكم بالشارع بقي ؟
د/ رفعت السعيد : الشارع يا سيدي احنا بنحبة وهو بيحبنا غصب عنك
د/عمروعبد السميع : كل الأحزاب بتقول كده حتي الأحزاب اللي ملهاش أي وجود في الشارع بتقول كده برضه؟
د رفعت السعيد : ما هو طبعا حتي الحزب الحاكم يقول أنا لي وجود في الشارع وهو برضو ملوش
د/عمروعبد السميع : دي وجهات نظر .
د/ رفعت السعيد : طيب يبقي هي دي بقي اللي وجهات النظر نيجي بقي الى وجهات النظر ايه المشكلة المشكلة نحن نعتقد أننا مطالبون بإحداث تغير هام هذا التغير الهام لم يتغير بمجهودنا ولا ولن يصغي إليه احد إذا كنا احنا اللي بنقوله احنا التجمع او احنا الأربعة وإنما سيشرك الجميع إذا تحرك الشعب وطالب الشعب بتعديل الدستور وأعود واكرر يمكن لمشاهدي البرنامج ده سمعوها مني مرة قبل كده ان رفاعة الطهطاوي قال ان للرأي العمومي سلطانا قاهرا على قلوب الحكام احنا نتوجه الى الرأي العمومي نقول له أيها المواطن تعديل الدستور ليس هوايه وليس متعلاقا فقط بتوازن القوي بين المعارضة وبين الحكم وليس مجرد تعاقد بين إفراد او أحزاب او جماعات لكن تعديل الدستور أذا يكفل استقرارا عاقلا وعادلا لقواعد التعامل بين الحكم والشعب إذا يكفل شفافية حقيقة فالشفافية الحقيقة هتمنع الفساد وإذا تحركت أيها المواطن من اجل تعديل الدستور يا صحيح سوف تنال خبزا اكثر وعلاجا صحيا أفضل اللي بيطلعوا لنا يقولوا فتوتة كده يقول تعديل التامين الصحي وبعدين يسحبوها تاني يقول لك أصل ممعيش فلوس في حكومة تقول أنا ما بعملش علاج صحي كويس لان معييش فلوس اما ال كل الضرائب اللي بتاخذوها من الناس دي بتعملوا بها ايه ومبتعملوش ليه ضرائب تصاعدية ليه علشان تجيبوا فلوس وتعملوا تامين صحي كويس وتعليم أفضل ونقل أفضل وإسكان أفضل وهكذا إذا اقتنع الرأي العام بأنه هذه التعديلات ستحقق له جزء مما يطمح إليه اعتقد انه هيبقي في صفنا فان كان في صفنا اعتقد انه أي عاقل سيستمع الى صوت الشعب
د/عمروعبد السميع : قسم من سلطان الرأي العام ده بيشوف انه أحزاب المعارضة الناصرية الكبيرة هي ديكور للحزب الوطني الحاكم ولكن الحقيقة في إطار التحالف اللي انتوا عملتوه ده أنا شايف ان بعض أحزاب المعارضة بقت ديكور للمعارضة بمعني أنكم عاوزين تقولوا أربع أحزاب لكن حقيقة الأمر هما مش أربعة في بعضهم ملوش أي وجود كده بقولها لك قولا واحدا كده يعني
د/ رفعت السعيد : قولا واحدا أنا أولا مش مسئول عن ما تفعله لجنة الأحزاب انه
د/عمروعبد السميع : لكن مسئول عن التحالف اوعدم التحالف ؟
د/رفعت السعيد : مسئول عن التحالف او عدم التحالف
د/عمروعبد السميع : طيب تحالف مع مين عايز تقول ان احنا كثريعني عاوز تقول احنا كثير يعني ؟
د/ رفعت السعيد : لا لا لأننا اتفقنا معا حول قضايا معينة نري انه من الضروري ان نعمل معا من اجل تحقيقها واحنا كمان متفاوتي القوي احنا الأربعة وقد نختلف في مدي تحديد تفاوت القوي
د/عمروعبد السميع : اه انتوا اختلفتوا فعلا وعلانية معا على قارعة الطريق ؟
د/ رفعت السعيد : احنا مبنخافش من حد
د/عمروعبد السميع : لأ خالص
د/ رفعت السعيد : الأحزاب الأربعة تعمل وستعمل معا حول هذه الأجندة البالغة الأهمية دي أول قضية ليه مش مع الأحزاب الأخرى والله لأسباب يعني في أسباب طبعا سخيفة مش عايز أقولها
د/عمروعبد السميع : لأ أرجوك قول لي الأسباب السخيفة بالذات ؟
د/ رفعت السعيد : يعني الأسباب السخيفة بالذات ان لما حضرنا الحوار الماضي وحضر كان في 15 حزب قاعدين وكنا بناقش حتي قواعد ترشيح رئيس الجمهورية وأشياء خطيرة أشياء مهمة فواحد يقول أنا هترشح لكن هنتخب الرئيس حسني مبارك حط ده بقي في منطق قدام حد عايز تكون الحياة الحزبية سوية
د/عمروعبد السميع : ما هو ده زي بالظبط اللي بيطلع حزب يقول لك ان جماهير الحزب ومعرفش ايه وهو معندوش أي جماهير ؟
د/رفعت السعيد : ما أنا عارف هو واحد منهم قولت له كنا داعينهم الى اجتماع فلقيته جاي وجايب ابنه وبنته فقولت له يا فلان أنا قولت تعالي ما قلتش لك هات مجموع أعضاء الحزب يعني لكن أنا عايز أقول هذا حق الناس ان هما يؤسسوا أحزاب ويؤسسوا أحزاب حتي ولو كانت صغيرة
د/عمروعبد السميع : حق الناس احنا شايفين دلوقتي نمو للحركات الاحتجاجية وللروابط الاجتماعية عبر الفيس بوك التي تحاول تسويق وترويج معارضة بديلة تقديرك هو ده اللي..
د/ رفعت السعيد : لا لا لا
د/عمروعبد السميع : خلاكم استشعرتم الخطر والحرج من المجتمع؟
د/ رفعت السعيد : أنا عاوز أقولك حاجة
د/عمروعبد السميع :وعملتوا تحالف وقلتوا هننزل للشارع وعملتوا الحاجات الجامدة دي
د/رفعت السعيد : هقول لك حاجة معارضة الفيس بوك هي نوع من الهوايه يعني أنت قاعد قي بيتك ومرتاح
د/عمروعبد السميع : حضرتك حاورت بعض من الشباب 6 ابريل هنا يعني اللي في البرنامج هنا .
د/ رفعت السعيد : قاعد مرتاح على الكرسي وتعمل كلك تبقي عارضت وبعدين تشرب كبايه قهوة فتعمل كلك تاني تبقي عارضت مرتين تعمل كلك ثالث تبقي طبعا ده مش معناه ان هما غلط هذا هو المتاح لديهم هذا هو اللي يجيد فيه هذا هو اللي قدروا ان هم يقدروا يعملوه وده ميعنيش ان هما وحشين هما بالعكس كويسين على أي حال عندهم نوايا حسنة مش قادرين ينزلوا في الشارع خايفين بابا قال له بس أوعي تروح في داهية لحسن يمسكوك
د/عمروعبد السميع : هنا بقي حضرتك بتتكلم عن الشباب ده لكن بعض المتجمعين حول تلك الظواهر السياسية خلينا نتكلم عن الدكتورمحمد البرادعي مباشرة بعض المجتمعين حول ظاهرة الدكتورمحمد البرادعي وهما من بقايا حزبك .
د/رفعت السعيد : أنت قولت بقايا بعضهم قليل منهم يعني لكن أنا عايز أقول لك حاجة الدكتور محمد البرادعي أولا له كل الاحترام
د/عمروعبد السميع : طبعا
د/رفعت السعيد : وله كل الحق انه يقول عايز أترشح رئيس جمهورية محدش يقدر يقول له لأ أصل احنا وصلنا الى انه من حق أي مواطن تتوافر فيه شروط معينة انه يترشح ومش عايزين نتراجع عن ده بقي لان فلان عجبك وفلان مش عجبك او انك عايز مرشحين انتخابات زى الراجل اللي لسه طابع الكارت بتاعه وكاتب فيه مرشح انتخابات الرئاسة في 2005 بيعتبر ان دي مهمة يعني حضرتك دكتورعمرو عبد السميع تكتب تقول إعلامي رفعت السعيد يكتب يقول رئيس حزب التجمع هو المهنة بتاعته انه ترشح سنة 2005 دول المرشحين لا مؤاخذة مش مرشحين ولهذا كانت المعركة ضعيفة ومشدتش الجمهور الحقيقي
د/عمروعبد السميع : مين اللي طبع الكارت ده بالمناسبة ؟
د/رفعت السعيد : لأ لأ عيب واخد بالك لكن الكارت عندي لان هو بعته لي مع تهنئة كده بحاجة فبعته لي أنا صعقت أنا صعقت أنا عايز أقول بقي أنة الدكتورالبرادعي يمثل ظاهرة ايه الظاهرة دي هذه الظاهرة أولا انه التف حوله مجموعة من الصفوة جزء من هذه الصفوة مخلص وطني يطلب مثل مصر مستقبلا أفضل وهو لا يرغب في الانضمام لأحزاب المعارضة وربما لا يقبلها واخد بالك وبالتالي ده حقه وبالتالي يجدون في دخول البرادعي السبيل لتحقيق ما يحلمون به جزء من الملتفين حول الدكتورالبرادعي مش كده يحاولون الاستقواء به بعد ان فشلوا أكثر من مرة في فعل شيء خاص بهم او خاص بتجمع يقيمونه او كده جزء من الآخرين من دول داخلين في مناكفة او معاندة او كذا او كذا ولكن احنا مش مكلفين ان احنا نقعد نفرز وننبه هو بقي اللي يخرجه دي القصة دي قصته المطلوب من الدكتورالبرادعي مسئلة بسيطة غايه في البساطة المسألة الأولي انه لا يكفي ان تقول أنا أريد ان أغير ما هو قائم هذا خطاء وخطر
د/عمروعبد السميع : هواصل بعد أذن حضرتك موضوع التغيير موضوع نسبي يعني جميع الأطراف الفاعلة على الساحة السياسية في مصر تطالب بالتغيير .
د/رفعت السعيد : وفي الهند
د/عمروعبد السميع : حتي الحزب الحاكم بيطالب بالتغيير بس ده يتوقف على الأداة
د/رفعت السعيد : يعني ما هياش قضية القضية بقي أغير الى ماذا رجوعا الى الخلف ام تقدما الى الأمام اغير في اعتقادي نغير من اجل مصر وطنا حرا ديمقراطيا لبراليا متسامحا يكون للمراة كامل حقوقها وللأقباط كامل حقوقهم وللفقراء كامل حقوقهم ولابد من فرض ضرائب تصاعدية وتحقيق عدل اجتماعي حقيقي بس في بقي عناصر عايزة تغير ولكن الى الخلف وهنا لابد للدكتورالبرادعي مع كل الاحترام ان يعلن مع من هو مع اللي عايزين مصر تتقدم الى الأمام في سبيل الديمقراطية والحق والعدل والليبراليه والعدل الاجتماعي ولا مع الذين يسوقون مصر خلفا الى تاسلما والى مواقف رجعية تفتت الوطن تفتت وحدته يعني ترفض التعددية ترفض وبالتالي نحن نطالب بحالة الإفصاح هذه ليه لأنه اخطر حاجة هي ان يندفع الناس باتجاه تغيرا غير مرائي غامض فينتفي عمليه التغييرمن لا يستحق ويسحق الجميع وده حصل في بلاد تانية أنا مش عايز أقول أسماء بلاد
د/عمروعبد السميع : ليه كمان مش هتقول أسماء بلاد قول أسماء بلاد ؟
د/ رفعت السعيد : أقول حصل في إيران أزايا قالوا عايزين نغير الشاه غيروا أول صلاة جمعة أمه الخميني أمر الجمهور اللي كان مرتب طبعا مسبقا ان يجمع الجالسين في الصفوف الأمامية دول كانوا جنرالات الجيش وكانوا حلفاء الخميني في المطالبة بالتغيير مش ده الخوف ان هما يدبحوا ولا ميدبحوش لكن التغيير وصل الى أين الى سلطة ولايه الفقيه والى
د/عمروعبد السميع : الدكتورالبرادعي الحقيقة ضمن ما قاله في الحقيقة دي الأشياء اللي حضرتك تصفها بالغامضة انا لفت نظري قوي ان هو يقول لا يمانع في تقديرك أنت
د/ رفعت السعيد : ما هو ده غلط