الاربعاء7/9/2011 رشا مجدي: مشاهدينا الكرام وأهلا بكم مع حلقة جديدة من إتجاهات أبناء مصر بيستعدون لخوض غمار أول إنتخابات برلمانية بعد ثورة 25 يناير في الوقت ده لا تزال تسود حالة من الجدل حول نسبة ال 50% والنصف اللي بيحتم أن تكون نصف أعضاء المنتخبين علي الأقل مجلس الشعب والشوري من العمال والفلاحين تعالوا نشوف وجهتي النظر البعض بيرفض ذلك بدعوي إن تحديد النسب في المجالس النيابية دا حيكون إهدار لمبدأ المساواة المواطنة تكافؤ الفرص وأن هذا النصف فقط معناه والمغزي منه ولم يعد له أي فائده سوي إستخدامه كحيله من عدد من رجال الأعمال وكبار المسؤولين السابقيه وعدد من كبار ضباط الشرطه إن هم يتسللوا الي مجلس الشعب زي ما حصل في المجلس المحلي نأخذ وجهة النظر الثانيه البعض بيؤيد إبقاء النصف ويطالب بضرورة تفعيله خاصةً إن الفرحين والعمال في حاجه الآن أكثر من أي وقتٍ مضي الي أصوات حقيقيه تعبر عن مشاكلهم عن همومهم وإنهم كانوا غير مسؤلين للوضع اللي آل إليه الفتره الماضيه وأن الإنفتاح والخصخصه والمشروعات المباعة وأوكازيون توزيع الأراضي اللي أدي الي إختفاء العامل والفلاح الحقيقي من مجلس الشعب خاصةً إن عدد كبير من العمال دخل في مسلسل المعاش المبكر وفجأة العامل وجد نفسه خارج المصنع اللي تم بيعه وتم تحويله الي أراضي بناء وعقارات وأيضا الفلاح اللي عاد الي موقعه القديم لكن المره ديه إجير في أرض وحواليه 3 أو 5 من أبناؤه اللي إتخرجوا من الجامعات لكن بلا عمل بل إن الفلاح كمان عنده مشكلة ثانيه إنه أصبح مهدد بالسجن بعد أن رفضت الحكومه التنازل عن أي ديون أو قروض تخص الفلاح لدي بنك التسليف الزراعي في وقف الحكومه أسقطت فيه آلاف الملايين من مستحقات البنوك لدي رجال الأعمال الهاربين المقيمين بما في ذلك الفوائد – السؤال كيف نواجه الأوضاع الحاليه هل بتعريف حازم وقاطع للعامل والفرح أم المشكلة هي مشكلة الأوضاع والظروف التي أدت الي عزوف العامل والفلاح عن المشاركة بحثاً عن الأهم لديه وهو لقمة العيش أعزائي المشاهدين حلقتنا الليله من إتجاهات بتدور حول نسبة ال 50% للعمال والفلاحين بين الإبقاء والإلغاء والتفعيل ولكن بعد الفاصل فاصل " تقرير آراء الشارع " رجل مسن : نسبة العمال والفلاحين النهارده تمثل كوميديا سياسية ولون من ألوان التدريج لإن فيه فلاح برتبة لواء وفيه عامل بدرجة رجل أعمال أصبح نسبة العمال والفلاحين ديه مسألة القصد منها في السابق كان تمثيل فئة مغلوبه علي أمرها رجل آخر : هي نغمة شغَّال عمالين يقولوا دا إلغاء ال 50% أنا نفسي أعرف هو اللي عايز يلغيها ده عايز يلغيها ليه إنت تقنن الخمسين في المئه تخليها فعلاً عمال وفلاحين بجد رجل آخل : ما ينفعش أعمل 50 عمال وفلاحين وألاقي مثلاً لواء داخل علي أساس إن هو عمال والا فلاحين والاقي واحد داخل مهندس علي أساس إن هو عمال والا فلاحين دا حيفرز مجلس شعر سيئ جدأً وبعدين أصلاً الشعب اللي جاي دا هو اللي هيحط الدستور رجل آخر : الغالبيه العظمي من الشعب عندنا عمال وفلاحين وطبعا مش معني عمال وفلاحين نتجاهلهم في مجلس الشعب بالعكس ناس عاقلين وبيفكروا وعايشين معانا في البلد شاب : دلوقت القوانين اللي بتتحط بنلاقي إنها للأسف بتتحط لهدف – إحنا خلصنا من نظام سابق القوانين اللي بتوضع حالياً بتبقي سبب أن مبرر إن النظام السابق الأسماء إتغيرت جاءت أسماء جديده بس بنفس الإسلوب بتاع النظام السابق يبقي إحنا ما عملناش حاجه رجل : مش معقول أجيب عامل نظافة وأخليه يشرَّع شغلانة مجلس الشعب التشريع يعني وضع القوانين رجل : هل الأ 50% فعلا حتروح للعمال والفلاحين ؟ رجل : الفلاح والعامل هو اللي بيبقي حاسس بمشاكل الناس اللي معاه لكن النهارده إن حتجيب رجل أعمال مثلاً ما علهش في بقى معلقه دهي حيبقي حاسس الراجل ده عنده مشاكل إيه في الري عنده مشاكل إيه في الزراعه في الحاجات اللي هو بيعانيها الفلاح نفسه رجل : أقل مما يجب أن تعطيه للعمال والفلاحين لإن نسبة العمال والفلا حين في المجتمع المصري قد تزيد عن 80% رجل : فيه ناس لا يستحقوا أن يحملوا صفة فلاح أو يحمل صفة عامل وبينمي الي مثلاً الفئات وبنزل الإنتخابات فاصل رشا مجدي: مشاهدينا الكرام إسمحوا لنا نرحب بضيوفنا الكرام الأستاذ أبو العزالحريري النائب السابق وكيل مؤسس حزب التحالف الإشتراكي أهلا بك يا فندم أ/ أبو العز الحريري : أهلا بك رشا مجدي: معنا أيضاً الأستاذ عصام شيحة المحامي بالنقض وعضو الهيئة العليا لحزب الوفد أهلا بك يا فندم أ/ عصام شيحة : أهلا وسهلا رشا مجدي: أستاذ أبو العز خليني أبتدي بحضرتك وعايزين طبعاً كل السراحه التي تتسم بها في العاده يعني خلينا نتكلم إن فيه كثيرين بيشوفوا إن تحديد نسبة في المجالس النيابيه بيتنافي مع مبدأ المواطنه المساواة تكافؤ الفرص وبيطالبوا بإلغاء أي تمييز وأي شكل من أشكال التمييز في الدستور القادم أ/ أبو العز الحريري : أولا إسمحي لي أشيل شويه جانباً النائب السابق حتي من مؤسسي الإتحاد الإشتراكي لإن أنا بأتكلم من وجهة نظري بشكل علمي موضوعي لا ينتمي لمجرد إني عضو في حزب إتحاد الشعب الإشتراكي مش ده حيحدد مساري في الحوار إنما العلميه والموضوعيه هي التي تحدده ولذلك أنا ما أعرفش ابو العز الحريري في الحوار نفسه رشا مجدي: لأ بس إحنا عايزين أبو العز الحريري في الحوار نفسه أ/ أبو العز الحريري : لأ أنا ما بأعرفش أنحاز لنفسي أنا مع الحوار لو الأستاذ عصام قال كلام علمي وموضوعي فيه حاجه معينه هي مسار إختلاف فوراً مجرد ما حيقولها حأبقي موجود معاه فيها هو راجل محامل ويعرف إن المحكمة بتأخذ بأشياء محدده ما تقدرش تاخد بشيئ ملتوي أو ملتف عليه آجي للموضوع لو سمحتي لي الثورة لما قامت في 52 أرادت أن ترفع سيطرة رأس المال علي الحكم وكان هناك فئات في المجتمع هي الأغلبيه مسحوقه ومظلومه زي العمال وزي الفلاحين ولما وجد خطوات الإصلاح الزراعي ثم بدأ بعد كده التأمين نتيجة تعثر أو تلكؤ الرأسماليه علي إنها تساهم في التنميه ديه قصه ثانيه بدأ يبقي فيه محاولة لتمكين العمال والفلاحين من أن يتواجدوا في الأماكن التي تصيغ سياسات ورُأي المجتمع التي بشكل عام ليه لأن كانت الإنتخابات بتتم تحت تأثير برضه مالي والإقطاع والناس اللي معاهم فلوس وحتي المهنيين اللي معاهم فلوس وبالتالي اللي ما معاهش فلوس وشغَّال علي إيده مهما كان حتي مهندس أو عامل أو غيره أو فلاح متنور أو مش متنور ما كنش بيقدر يخش الإنتخابات بقة القصه إنه عشان دول يخشوا لازم تتحجز لهم نسبة معينه واللي زعلانين إن ديه مش ديمقراطيه يا سيدتي العمال والفلاحين هم اغلبية الشعب المصري فإذا مكناهم بقي بشكل صحيح يعادل الثغرات اللي حضرتك قلتيها لي في المقدمه إن حد بيركب مكانهم وحد بيتسلق مكانهم يبقي إحنا تقريبا بنصحح الوضع الديمقراطي وبنجيب ناس تمثل نفسها وتعبر عن نفسها أنا عايز أضيف للي حضرتك قولتيه في المقدمة إن إحنا عندنا مثلا في المحليات 53 ألف وعشر كراسي وحضرتك معني إزاحة العمال والفلاحين منهم برضه والحجج اللي بتتقال ديه يبقي معناها إن أنا حأزيح 26 ألف و500 مقعد مخصصين للعمال والفلاحين في المحليات وده أمر خطير جداً خصوصاً المحليات بتنزل عند الريف وفي المدن والمراكز وحاجات زي كده الحاجه الأخري هي فكرة إن العمال والفلاحين النهارده إحنا شايفين في السنوات الأخيره ما قبل الثورة مباشرةً رشا مجدي: ثورة 25 يناير أ/ أبو العز الحريري : أيوه بدأت النقابات تشكل نقابات مستقله في مواجهة التنظيم الحكومي اللي سيطر عليه السادات وكمل عليه حسني مبارك يعني العمال كانوا محرومين من تنظيمهم النقابي منذ أكثر من 35 سنة من 40 سنة هو من سنة 76 تحديداً أخر مؤتمر إتعمل للعمال في جمهورية مصر العربيه بعد كده تم إستلاب رشا مجدي: طيب ما علهش يعني اللي إحنا كنا بنشوفه الإتحادات اللي موجودة والمؤتمرات أ/ أبو العز الحريري : كلها مزوره يعني فيه واقعه بس مش وقت البرنامج فيها إنقلاب السودان بتاع هاشم العطا بتاع 71 إتحاد العمال طلع بيان تأييده وحصل إنقلاب علي الإنقلاب وأعدم هاشم العطا رشا مجدي: دا بسبب البيان أ/ أبو العز الحريري : أه حصل إنه إتحاد العمال طلع بيان أدانه لإعدام هاشم العطا ودا كانت لعبة السادات والقذافي بمساعدة النميري – فالسادات بعد كده إنحرف بقانون النقابات وإستبعد العاملين اللي هم معاهم مؤهلات عليا رشا مجدي: لأ حنيجي للحته ديه حنيجي للمؤهلات العليا بعد شوية أ/ أبو العز الحريري : لأ دا هي أصل الموضوع مع أحترامي لحضرتك رشا مجدي: ما أنا حأتكلم فيها بالتفصيل دا اللي أقصده أ/ أبوالعز الحريري : المهم إن من التاريخ ده بدأ تزوير قانون النقابات وفي نفس الوقت بدأ تذوير إنتخابات النقابات العماليه ورصها بشكل معين بحيث إن يبقي الإتحاد العام للعمال ممثل لطبقى إنتهازيه وفاسده وعمليه للنظام وراحوا رسمين للإتحاد وعملوا له بنك للعمال وعملوا قرية الأحلام وبقي رئيس إتحاد العمال بقي هو رئيس إتحاد العمال ووكيل مجلس شعب ووزير قوي عامله يعني فسدوهم بشكل رشا مجدي: يعني علي العموم قرية الأحلام عليها كلام أ/ أبوالعز الحريري : عليها كلام كتير بس أنا بأتكلم علي إن العمال اللي ما كنوش لاقيين يعيشوا حد رايح يبني في الساحل الشمالي في قرية الأحلام عشان العمال تروح تصيف فيها هذا أمر خطير جداً – الفلاحين بس عشان النقطه ديه ما تغبش إتحاد الفلاحين منذ كانت العلاقة بين أحمد يونس وأنور السادات لما إنفصلت العلاقه ديه حلوا إتحاد الفلاحين وتم العدوان علي الفلاحين زي ما قولتي حضرتك في المقدمة ورجعوهم لأسوأ ما كانوا قبل الإقطاع ما يُضرب في سنة 52 يعني أنا عندي ثلاث تربع الشعب المصري كويس قوي اللفته اللي حضرتك قلتيها إن الفلاح قاعد وقدام منه 3 - 4 من ولاده المتعلمين ما هو ده لو نزل حتي الإنتخابات حيبقي نازل بإسم أبوه بإعتباره فلاح وهو متعلم يعن ما هواش جاهل مش بصمجي عايز أختم كلامي بنقطه واحده أنا عامل دخلت البرلمان في 76 ولدي برنامج لحكم مصر كلها مش مجرد واحد شايل شنطه والا رايح يقضي مصلحه أنا رايح البرلمان وعندي تصور كامل إزاي تُحكم مصر في الإتجاه الصحيح ويحقق مصالح الأغلبيه دون أن أكون ساعتها بأقول أنا عمال ولا فلاحين ولا يساري ولا إشتراكي ولا أي حاجه أنا بأتكلم بمصلحه موضوعيه ومارست في 3 دورات في 76 - و84 - وفي 2000 وأشهد إنه فيه عمال حقيقيين كانوا بيقفوا مواقف مشرفه وكثير من المحترفين الفئات اللي بيقولوا عليهم وعلي رأسهم فتحي سرور الفئات موجودين في السجن دلوقت رشا مجدي: طيب دا رأي حضرتك نيجي للإستاذ عصام – أ/ عصام خليني بره أنا بأخذ وجهة النظر الأخري هل النصف أو ال 50% ممكن نقول إنه فقد معناه وفقد المغذي منه خاصةً بعد ثورة 25 يناير أ/ عصام شيحة : لأ خليني أبدأ بدايه علميه زي ما بدأ الأخ العزيز السيد أبو العز نمرة واحد إحنا في الدنيا كلها بيحصل تمييز إيجابي للفئات المهمشه أمر طبيعي جداً يعني السيدات يحصل لهم تميير إيجابي العمال يحصل له تمييز إيجابي الفلاح لكن الي متي هذا التمييز الإيجابي إمتد لمدة 50 سنة وخلال ال 50 سنة لم يتم تغيير موقف العامل والفلاح مقاش العامل هو النائب اللي في البرلمان ولا الفلاح اللي هو النائب في البرلمان ديه نمرة واحد – نمرة 2 إنه العامل والفلاح بقي عندهم أولاد وإتعلموا في الجامعات وبقوا محامين وبقوا صحفيين ويستطيعوا إن هم يعبروا عن العامل والفلاح ربما أفضل من العامل والفلاح نفسه يتبني قضيتهم التمييز الإيجابي بيبقي في الغالب دورة أو دورتين زي ما إحنا شوفناه قبل كده في رشا مجدي: في الكوتل أ/ عصام شيحة : في كلتة المرأة يقول لك لدورة برلمانيه واحده أو لدورتين برلمانيتين متتاليتين لكن للأسف إحنا فيما يخص العامل والفلاح إمتدت لأكثر من 50 سنة خطورة الأمر في إيه بقى خطورة الأمر في الإنتخابات القادمه وهو ده اللي خلي المصريين أو أغلبية المصريين اللي بينادوا بإلغاء نسبة ال 50% عمال وفلاحين في حالة هلع لإن الإنتخابات القادمة حتبقي مهمتها إنتخاب الجمعيه التأسيسيه اللي حتضع دستور لمصر لمدة 50 سنة 100 سنة لإن مش متصور إح يحصل ثورات بصفة مستمرة دي نمرة واحد – نمرة 2 إن النظام الإنتخابي اللي صدر بمرسوم بقانون من المجلس العسكري لتعديل القانون رقم 38 لسنة 72 جعل إن نصف الإنتخابات 50% بالقوائم 50% بالفردي بما لا يقل عن 50% من العمال والفلاحين علي أن تبدا القائمه بعامل معني ذلك إن أنا البرلمان القادم لن يقل عدد العمال والفلاحين فيه عن 70 - 75 % نتصور بقى من يضع دستور مصر من العمال والفلاحين ما هو أنا والدي عامل وفلاح يعني أمر طبيعي جداً ونفتخر به لكن في النهايه إحنا عايزين من يتمكن من ترجمة ظروف هذا المجتمع ويستشرف المستقبل وهو بيعمل الدستور – أجيب بقي العامل البسيط اللي المفروض عايز أساعده – العامل البسيط أساعده في إن أنا أحدد له حد الكفايه إن أطبق العداله الإجتماعيه إن أوجد له وظيفه – الفلاح اللي إحنا بنتباكي عليه ده لما حصل التقسيم الزراعي قسمناها بعد ما كانت آلاف الأفدنه إدينا لكل فلاح 3 فدادين لما توارثت الأجيال 3 فدادين ما بقاش فيها قيراط حتي والقيراط أتبني عليه ودور إتبني عليه فحتي كمان تم تآكل الأرض الزراعيه المصريه الخلاصه إن أي تمييز إيجابي يجب أن يكون محدد – التمييز الإيجابي اللي مفتوح دا ما بيحققش نتيجته بدليل إن إحنا نشوف البرلمانات ال 3 الإخيره كانت نسبة الممثلين فيها للعمال والفلاحين في الغالب ضباط شرطه وضباط قوات مسلحة رشا مجدي: آه كلنا عارفين القصة ديه أ/ عصام شيحة : رؤساء مجالس إدارات وفي النهاية العامل أو الفلاح زي ما قال الأستاذ أبو العز قال أنا لما دخلت ما دخلتش بصفتي عامل ولا فلاح ولا فئات دخل برؤيه إحنا يهمنا إن المواطن يدخل برؤيه ومانصادرش علي حد رشا مجدي: دا الخوف إن إشعرفك إن اللي جاي ده حيبقي برؤيه أ/ عصام شيحة : لأ فكرة إن إحنا نخش الإنتخابات اللي جايه لأ إحنا ما عندناش إنتخاب اتجايه يعني الإنتخابات القادمه ديه ربما تكون – إحنا دائماً نقول إنها حتكون الأخطر في حياة البرلمانيه المصريه لكن ربما تكون الأسوأ في رشا مجدي: إنتو متفقين مع بعض في نفس الكلام لإن الأستاذ لسه قايل لي الكلام ده قبل ما نخش علي الهواء أ/ عصام شيحة : قبل الهواء لأ ما هو شيئ طبيعي جداً إن إحنا ندخل علي إنتخابات في أعقاب ثورة من غير ترتيب الأوراق في حزمه من التشريعات بيتم تعديلها في إنتخاب جمعيه تأسيسيه لوضع في فراغ أمني شديد يعني إحنا كل يوم نفتح صفحات الصحف حنلاقي قتلي أنا مش عايز أخوف حد من الإنتخابات لكن متصور إن إحنا نعمل إنتخابات فيها 504 عوض في مجلس الشعب و380 في مجلس الشوري وتتعمل الإنتخابات ديه في يوم واحد دا معناها إنها تبقي معركه تبقي مذبحه ليه لإن أنا لما إحتفظت بال 50% للنظام الفردي معناها إن أنا لسه بقيت علي البلطجه علي شراء الأصوات علي العصبيه علي القبليه علي إهدار رشا مجدي: تبقي دواره آه علي كل حاجة أ/ عصام شيحة : آه دا إنت بتتكلمي علي كيف يتم كمان التزوير لكن أنا بأتكلم دلوقت علي التذوير اللي بره مش اللي جوه التزوير اللي حيتم بالعنف أعمال البلطجه اللي حتمنع إحنا عندنا تقرير بقي ل 50 مليون مصري مقيدين في الحداول الإنتخابيه أملنا طبعاً لإن الضمانه الوحيده الإنتخابات حره ونزيهة هي إن المواطن يروح يشارك في الإنتخابات زي ما شوفنا 18 مليون لما خرجوا في الإستفتاء كان حاجه مفرحه جداً وما يقدرش حد يعمل حاجه تصور بقى لو خرج 50 مليون مصري عشان يصوت وعنده ثقة في إنه يستطيع إنه يتم تداول سلمي للسلطة في الإنتخابات القادمة رشا مجدي: إحنا معانا الأستاذ أحمد الجمَّال نائب رئيس الحزب الناصري مساء الخير يا أستاذ أحمد أ/ عصام شيحة : أهلا وسهلا أ/ أحمد الجمَّال : مساء الخير يا هانم إزي حضرتك رشا مجدي: أهلا بك يا فندم حضرتك سامع الحوار اللي بيدور دلوقت بيننا أ/ أحمد الجمَّال : أنا سامع آخر جملتين لإن أنا شخصياً دلوقت علي البحر في إسكندريه وسمعت آخر فقرات قالها الضيف الكريم المحتمر رشا مجدي: الأستاذ عصام شيحة معانا أ/ أحمد الجمَّال : آه الإستاذ عصام شيحة صديقي العزيز ومعرفه عزيزه أ/ عصام شيحة : ربنا يخليك أ/ أحمد الجمَّال : وعم أبو العز برضه عمنا الكبير رشا مجدي: طيب حضرتك إنحنا بنتكلم علي 50% عمال وفلاحين وهناك من يؤيد وهناك من يعارض مثل هذا القرار فيه سؤال بييجي في دماغي زي الأستاذ أبو العز ذكر من سرد الموضوع إنه من سنة تقريباً 76 لم ينفذ هذا لماذا لم يقدم أي من رؤساء مصر السابقين يعني أنا بأتكلم بقي علي السادات ومبارك علي إلغاء هذه النسبة 50 % عمال وفلاحين خصوصاً إن الدستور إتفتح كذا مره وإتعدَّل كذا مره يعني ليه ما عملوش كده أ/ أحمد الجمَّال : لم يقدم أحداً منهما لإن الإثنين كانوا غاويين نصب وإحتيال يعني لما يكون عندي صغره في الدستور وثقره في القانون لما ييجي مبارك يقولوا له فلان سرق يقول الله هو مش مستف ورقه كويس طالما مستف ورقه خلاص فكرة تستيف الورق الأمور تبقي من الظاهر موافقه للدستور والقانون ولكن في المضمون فيها مغالطه كبيره جداً للدستور والقانون القصد في الموضوع إن العمال والفلاحين جم نتيجه لأول حالة تبادل سلطه أنا لا أتكلم عن التداول أنا بأتكلم عن التبادل – تبادل السلطه بين تحالف الإقطاع ورأس المال وبين تحالف العمال والفلاحين والمثقفيه الجنود والرأسماليه الوطنيه في ظني أنا الشخصي وقد أكون مخطئ إنه دا كان أول تبادل حقيقي للسلطه في مصر وأول ديمقراطيه حقيقية في مصر من غير ما تبقي الديمقراطيه الليبراليه لإن الديمقراطيه عند الذين أسسوها ليتم تبادل السلطه في تحالف الإقطاع ورأس المال عملوا تحالف العمال والفلاحين ورأس المال لما إنتهي هذا التحالف في 15 مايو 71 والصلح مع العدو الإسرائيلي وبعودة كبار الرأسمالية والصلح مع الإخوان المسلمين عن طريق السعوديه عن طريق عثمان أحمد عثمان وعن طريق محمد عثمان إسماعيل وعن طريق أسهم إيران ودخلوا الإخوان المسلمين في التركيبة ثم تم التصالح علي أساس هدم التركيبه الناصرية كان المفروض بقي تتهد كلها إنما أنا بأستغرب لحالتين السادات جاء يمشي علي خط عبد الناصر بأستيكه زي ما إتقال النكته الشعبيه والأستاذ حسني مبارك خلص نفس الموضوع ليه خلوا نسبة العمال والفلاحين وليه خلو الصحافة القومية يعني الصحافة القومية ونسبة العمال والفلاحين ديه من بقايا العهد بتاع 52 لغاية ولغاية 70 ما إتلغاش ليه لو كان إتلغي هذا الموضوع ما كناش فعلاً زي ما قال الأستاذ عصام شيحة ما لاقاش لوا شرطه ولا مدي مش عارف إيه يبقي عامل عنده حيازه 3 قراريط ويروح البلد ويغير المهنة بتاعته ويبقي باشا وكل حاجة وراكب عربيه مرسيدي ولا الطرش ولا بيسافر يصيف في الباهاما وفي نفس الوقت فلاح دا كلام غير صحيح الحاجه التانيه موضوع الصحافة القوميه كل الذين في الصحافة القوميه لو هي صحافه خاصه ما كنوش لقوا شغل أنا لا أستثني أحداً يعني كل البهوات اللي كانوا علي رأي المرحوم كامل زهيري كان هناك ناس كتابهم أكثر من قراؤهم يعن هم دول اللي مسكوا الصحافة القوميه نفس الموضوع لما تقول العمال والفلاحين و52 وتقولي صحافه قوميه حأقول لك لأ هذا كلام حق يلام به باطل اللي عايز أقوله دلوقت نحن بصدد مرحله جديده في تاريخ مصر نحن بصدد ديمقراطيه من النوع الليبرالي نحن بصدد تعدديه خلينا نحدد الملامح الإجتماعيه للمجتمع ونقول آدي العمال آدي الفلاحين آدي الرأسماليين – والرأسماليه مش نوع واحد علي فكره فيه الرأسماليه بتاعة طره دلوقت وفيه رأسماليه حقيقيه بتاعة فرغلي وبتاعة الراجل بتاع توشيبا ده الناس اللي عملت رأسماليه حقيقية إنما رأسماليه إخطف ودني ورأسمالية السيراميك والقيشاني والزباله ما ينفعش فبالتالي لابد أن نسعي الي أن يتحقق أو تتحقق المعالم الطبقيه الإجتماعيه للمجتمع وعزاز لتصبح لكل قوه إجتماعيه سواء فلاحين ولا عمال ولا طبقى متوسطه صغيره ولا كبيره لا رأسماليه ولا بيروقراطيه أن تعبر عن نفسها في وعاء سياسي يعبر عن مصالحها ما أجيش أتعسف وأقول كوتة المرأة كوتة الشباب يطلع لي بعد حل كده يقول رشا مجدي: لأ ما الكوته ديه حدوته ثانيه حنتكلم فيها أستاذ أحمد الجمال نائب رئيس الحزب الناصري أنا بأشكرك شكراً جزيلاً يافندم علي هذه المداخله والمشاركه معنا أستاذ أبو العز عايزة أرجع لحضرتك إن دلوقت بعد ثورة 25 يناير والفيس بوك والإنترنت واللي بيحصل ده دلوقت المطالبه إن عضو مجلس الشعب واللي حيشرع قانون وحيدخل في إختيار لجنه تأسيسيه للدستور وا وا الي آخره يجب أن يمتلك الحد الأدني للثقافه وده أعتقد إنه مش متواجد في عدد كبير دلوقت من العمال والفلاحين أ/ أبو العز الحريري :أنا عايز أختلف مع حضرتك وعايز أعلق بس علي الخمسين سنة التمييز بالنسبة للعمال والفلاحين لو إحنا جينا علي حضرتك أو عليَّ أو علي أي حد قعدناه 40 يوم من غير ما يأكل ولسه حي حنحسب عليه ال 40 يوم إنه كان عايش بصحيح ما دام إحنا معترفين إنه كان فيه تذوير وكان فيه إغتصاب للسلطه وكان فيه هدم للثروه الوطنيه بشكل القطاع العام والإقتصاد الوطني بشكل عام وحرمان الناس من كل شيئ هذه فتره لا تحسب من حياة العمال ولا الفلاحين ولا تحسب عليهم بالعكس هي فتره مسحوبه من كل المصريين فئات وعمال وفلاحين وكل الشرفاء وليس نحاسب الفئات كما علي اللي حصل رشا مجدي : أنا معاك بس أنا دلوقت نقطتي أنا دلوقت لما بآجي وأطالب بإن النسبة تبقي موجودة من هو الذي سوف يدخل في مجلس الشعب بهذا القدر الضئيل من الثقافه أ/ أبو العز الحريري :أتكلم بس أنا جاي في الحته ديه لو سمحتي لي العامل ليس معناه إن واحد بسمجي ما بيقراش ولا يكتب وإلا كل الحركات العماليه وكل اللي بيتم ده ما هواش صحيح ثم أنا النهارده بأستهدف إن عمالي في المستقبل يبقوا علماء كل من ينتمي الي نقابه مهنيه وليس له سجل تجاري – أكرر ديه ثاني هو عامل ويجب أن يسمح له بإن يبقي من ضمن الكوته العماليه زيه وزي الفلاح اللي معاه حتي مؤهل عالي ولو مهندس زراعي وعايش من نفس المهنه بتاعته رشا مجدي: طيب ما علهش أقرأ لك حاجه صغيره تعقيبا علي كلامك تعريف العامل في المادة الثانيه من قانون مجلس الشعب بيقول إيه خلين أقرأها لك أكيد حضرتك عارفه بس أنا بأقولها للناس يعني " أن العامل هو من يعمل عملاً يدوياً أو زهنيا في الزراعه أو الصناعه أو الخدمات ويعتمد بصفه رئيسية علي دخله الناتج من هذا العمل وأن لا يكون منضماً لنقابه مهنيه أو مقيد في السجل التجاري أو من حملة المؤهلات العليا أ/ أبو العز الحريري : النقابة المهنية هنا عملها أنور السادات عشان يحرم العمال ويحرم الفلاحين من إن يبقي عندهم أبناؤهم المتعلمين يمثلوهم وكان دا نتيجة الموضوع بتاع السودان اللي هو بتاع النميري اللي أنا قلت عليه بس عشان الوقت ما يتاكلش مننا في البرنامح وبالتالي ده نوع من الإلتفاف علي النسبة زي ما إتقال إحنا دلوقت قاعدين في التليفزيون المصري كان من قبل ثورة 25 يناير تقريبا كان إنتهي التليفزيون المصري وبقي كم مهمل وشغَّل ضد الشعب المصري وما بيعملش حاجه تنفع الناس ليه لأنه كانت السياسه اللي ممشياه كده هل أقول كل المذيعين اللي كانوا فيه والناس المعدين والناس المحترمين اللي بيعملوا إبداع دلوقت برضه ما ينفعوش ما هم هماهم الناس لما أخذوا فرصتهم عملوا إبداعات كويسة أخذتي بالك فإحنا خلينا نشوف المناخ هل المناخ اللي كان موجود كان يسمح بده ولا لأ رشا مجدي: حلو أنا دلوقت الدستور اللي موجود أ/ أبو العز الحريري : دا لازم يتعدَّل يا سيدتي رشا مجدي: ما هو أمتي حيتعدِّل أنا دلوقت حأدخل إنتخابات أ/ أبو العز الحريري : إحنا دلوقت فيه مجلس عسكري والمفروض المجلس العسكري فيه قانون النقابات رشا مجدي: ماشي المجلس العسكري قال الإنتخابات ثم الدستور دلوقت المادة الثانيه اللي أنا داخله بها بالدستور القائم ما هو ده التعريف بتاعه أ/ أبو العز الحريري : حتي فيه ده ما هو هنا قال لك اللي بيشتغل عمل زهني العمل الزهني هنا واخده بال حضرتك ما يتناقدش مع كون إن هو يعني مثلا مهندس أو حتي دكتوراه في الزراعه رشا مجدي: لأ لا يحمل مؤهل عالي أ/ عصام شيحة : خليني أقولها من الناحيه القانونيه أي مواطن حصل علي مؤهل عالي طبقا للتعديلات الأخيره ما يقدرش يرشح نفسه عامل ديه نمرة 1 نمرة 2 علي الرغم من إنه بيتكلم عن العمل الزهني يعني أنا كمحامي عملي زهني الطبيب عمله زهني المهندس عمله زهني لكن لا يستطيع إن هو يمثل العامل لإن هو مقيد في نقابه مهنيه زيه زي المحاسب أ/ أبو العز الحريري :ده غلط رشا مجدي: ما هو إحنا مش عارفين نرجع للبيضه والا الفرخه أ/ أبو العز الحريري :يصدر إعلان دستوري لو سمحت يصدر إعلان دستوري يفك هذا الإشكال مش معقوله نبقي بعد ثورة 25 يناير في عصر التويتر والفيس بوك والإنترنت والكلام ده كله ثم ناخد بكلام تآمري عمله أنور السادات عشان يفرغ التنظيم العمالي من مضمونه والفلاحي من مضمونه ويسحق الإثنين وحتي المهنيين الإنتخابات المهنيه كلها صودرت وإتمنع إنتخاباتها أكثر من 17 سنة رشا مجدي: بس يا أستاذ أبو العز أنا بأتكلم علي واقع موجود دلوقت الدستور أنا حأدخل به إنتخابات أ/ عصام شيحة : لأ مش واقع دا كان المتصور حقيقةً إنه لما يصدر الإعلان الدستوري إنه يتم إلغاء نسبة ال50% عمال والفلاحين وإنه يترك للمواطن المصري يختار من يشاء رشا مجدي: دا اللي كان متوقع أ/ عصام شيحة : إذا لقي عامل ممتاز ينتخبه إذا لقي فرح ممتاز ينتخبه إذا لقي محامي ممتاز ينتخبه هو في النهايه ينتخب مواطن قادر علي تمثيله في البرلمان أ/ أبو العز الحريري :هي في الحقيقه بقة ماديه موضوعيه دلوقت حاليا لازم نتكلن فيها إنت إتكلمت عن الإنتخابات وأنا متفق مع الأستاذ عصام ورأيي إن الإنتخابات القادمه هي أكثر الإنتخابات ربما حريةً في الإختيار وسلبيه أو سؤاًَ في النتائج في تاريخ البرلمان المصري كله لإن البرلمانات المذوره كان معروف إنها مذوره إنما لما يبقي فيه برلمان فيه حرية الإختيار إنما التركيبه معموله بقصد إنها تقصر كده الفلول السلفيين بما فيهم الإخوان العسكر بترتيبتهم الكليه دول السلفيين يأخذوا البرلمان والفلول وربما يذجوا بالوفد إن هو يتولي الوزاره ورئيس الجمهوريه ييجي تبع العسكر والتقسيمه تجري بالشكل ده علي هذا الأساس بيتم الترتيبه بتاعة القوائم النهارده وبتاعة الفردي اللي بتصعَّد الأمور – يعني أدي لك مثل الشوري مطروحه إزَّاي تبقي المحافظه كلها دائره واحده للقائمه يعني إسكندريه تبقي من الحمام الي أبو قير دائره واحده مين يجري فيها ويوزع بيان ويقول للناس ويعقد مع الناس لما يبقي الدائره الفرديه 3 دوائر من اللي كانت بتتم زمان مين يجري فيها والوقت القصير ولسه قايلين له النهارده الدائره بتاعتك بقة كذا كذا إجري لف فيها هذا ضحك علي الدقون ما هياش إنتخابات الإنتخابات يجب أن يتوفر لها مجموعه الشروط 1- يبقي أسسها سليمه 2- فرصه للتعارف 3- شرح الموضوع بتاع البرلمان دور البرلمان هو إيه وإيه البرامج اللي مطلوبة الأحزاب والأشخاص يقدموا برامجهم والتليفزيون يعرض لمدة سنة سنتين ما يهمناش المده ديه بالعكس تنتج برلمان يخلي الثورة ثورة إنما اللي بيتم دلوقت هو سحق للعمليه الإنتخابيه بحجة إن فيه إنتخابات ولذلك أنا أتوقع إن الإنتخابات القادمة بما فيها المحليات اللي حتتم بعد منها بفترة مش كبيره ولا حاجه والرئاسه حتكون من عوامل تفجير المرحله الثانيه من الثورة المصريه اللي حتبقي في مواجهه داخلية بين القوي اللي عملتها الثورة اللي حيطلع منها العمال والفلاحين والحرفيين والرأسماليه الوطنيه والطبقى الوسطي حتبقي في جانب وبقية الفلول المختلفه اللي بتلعب الإقتصاد أو بتلعب بالسلطة أو بتتلاعب بالدين في جانب آخر هذا الأمر حيخلق تركيبة جديده وحتتجدد الثورة المصريه إحنا مش عايزين ده بإختصار رشا مجدي: نأخذ بس الدكتور عمر هاشم ربيع من مركز الأهرام للدراسات السياسية والاستراتيجية أ/ عصام شيحة : طيب وأنا عايز أرجع لل 50 % رشا مجدي: حنرجع رشا مجدي: مساء الخير يا دكتورعمر د/عمر هاشم ربيع : مساء النور أهلا وسهلاً رشا مجدي: أهلا بك يا فندم إحنا بس الصوت مش واضح قوي عندنا لكن حضرتك مستمع للحوار اللي دائر دلوقت ؟ د/عمر هاشم ربيع : واللي يعني بشكل متوسط بس إتفضلي رشا مجدي: إحنا بنتكلم علي نسبة ال 50% عمال وفلاحين وهناك من يؤيد وجود هذه النسبة وهناك د/عمر هاشم ربيع : بشروط صحيحة رشا مجدي: طيب إستني عليَّ أ/ أبو العز الحريري : عشان بس ما تبقاش القضية كده رشا مجدي: وهناك من يرفض هذه النسبة ونحن كنا نقرأ الآن تعريف العامل اللي المفروض إن هو يبقي في مجلس الشعب الواقع غير كده أ/ أبو العز الحريري :في الدستور الدني رشا مجدي: في الدستور اللي موجود أ/ أبو العز الحريري : في الدستور الملغي رشا مجدي: ما فيش دستور ملغي إحنا في الدستور المادة الثانيه من الدستور د/عمر هاشم ربيع : أستأذن حضرتك تسمعيني وأساتذتنا الأفاضل قاعدين كلهم ناس محترمين وكلهم أصدقاء وحبايبي يعني رشا مجدي: إتفضل د/عمر هاشم ربيع : دلوقت أنا ما بأتكلمش علي تعريف العامل ولا الفلاح أنا أتكلم علي المبدأ لما آجي أتكلم علي المبدأ وما بأتكلمش علي الدستور اللي فات علي فكره الدستور اللي فات فيه مبادئ رشا مجدي: لأ التعريف دا إحنا جايبينه ما قانون مجلس الشعب يا فندم د/عمر هاشم ربيع : أنا فاهم كل حاجة فاهم كل اللي حضرتك حتقوليه أنا بأتكلم علي اللي حييجي يتكلم علي الدستور يقول لأ الدستور ده فات لأ أنا بأتكلم علي المبادئ اللي موجودة في الدستور اللي فات واللي هي موجودة في الدساتير اللي جايه وموجودة في الدساتير العالميه اللي بتتكلم علي ثلاث حاجات المساواة المواطنة تكافؤ الفرص هذه المواد الثلاثة أو المبادئ الثلاثة اللي كانت موجودة في الدستور اللي فات في مادة واحد ومادة 7 أو أعتقد 8 أ/ عصام شيحة : 8 8 د/عمر هاشم ربيع : والمادة 40 الثلاث مواد دول أو الثلاث مبادئ دول بيكرسوا مبدأ المساواة بغض النظر عن أي أساس فئوي طبقي عنصري عقيدي ديني نوعي ديه واحده الحاجه الثانيه أنا بأتكلم عن فئات مغبونه اللي هي العمال والفلاحين اللي وضعت لها بعض المميزات في دستور 64 هل الفئات حاليا مش مغبونين بالعكس أنا شايف إنهم أكثر غبناً من العمال والفلا حين ثالثاً أنا لما آجر أتكلم عن إزَّاي آنهي نخوه وأنهي كرامه وأنهي أقول إيه بس بتخلي الواحد يكون نمره 3 أو نمره 4 في الترتيب النتيجه يطلع الأول إزَّاي يرضاه علي نفسه إزَّاي بأي منطق وبأي نخوه وبأي كرامه يكفي قوي الكلام ده مش عايز أتكلم أكثر من كده النقطه الرابعه أو الخامسه لو جينا في التفاصيل أو الحاجات اللي حضرتك قولتي عليها موضوع القانون إحنا بنتكلم من 64 حتي الآن حطينا بعض المبادئ كلها تم خرقها – أبالسه – أبالسه عندنا مرشحين أبالسه يخرقوا كل حاجه إتحط لهم كل العقبات علشان نحجر المادة علي إنهم بالفعل يكونوا عمال بس أو فلاحين بس ما فيش فايده طلع لنا الضابط والمهندس والصيدلي وبالبتاع 6 – كل الناس في كل حته في العالم في الغرب أو هنا بيفتخروا يكون معاه ماجيستير يقول أنا معايا دكتوراه يكون معاه دبلوم يقول أنا معايا بكالوريوس أو ليسانس عايز يرتقي إحنا عندنا في موسم الإنتخابات عايزين نتباهي بالجهل كل واحد بيدعي إنه عامل أو فلاح بيدعي إن هو أمي ما بيعرفش يقرا ولا يكتب وبيدعي إن هو عنده مش عارف إيه بيشيل الفاس علي رشا مجدي: ما هو بيدعي ليه لإن هو عايز مجرد ياخد الكرسي وحيكسب من وراه أ/ أبو العز الحريري :يعني عايز يسرقه طيب ما نمنعة من السرقة رشا مجدي: بيسرقه هوبيدعي ليه هو مش إدعاء لإن هو فخور أ/ أبو العز الحريري : يا جماعة ما نمنعه من السرقه إحنا عايزين نسيبوا يسرق وبس د/عمر هاشم ربيع : أختم كلامي بكلمه واحده بأكررها كمان مره أنهي نخوه وأنهي كرامه تخلي اللي ناجح نمره 3 يبقي نمره واحد أشكرك جداً رشا مجدي: شكرا دكتور عمر هاشم إتفضل يا أستاذ عصام إنت عايز تتكلم أ/ عصام شيحة : عايز أقول إنه خطورة الأمر كمان إنه طبقا للإعلان الدستوري إن المجلس القادم بغرفتيه مجس الشعب ومجلس الشوري حيبقي فيه 50% عمال وفلاحين وال50% عمال وفلاحين منوط بيهم كمان إن هم يعملوا دستور البلاد الجديد فمن المتصور من المنطقي إن حيبقي صعب بل عثير علي شخص نجح بصفة العامل أو الفلاح إن يلغي نسبة العامل والفلاح في المجلسين القادمين معني ذلك إن النسبة ديه حتظل ضاغطة علي المواطن المصري وتخل بمبدأ المساواة وماتديش للمواطن المصري الحق إنه لما يلاقي عامل كفؤ ينتخبه فلاح كفؤ ينتخبه فئات كفؤ ينتخبه الخطوره كمان تكمن في القوائم إن لما نبدأ القائمه بعامل إنت بتغبن الفئات خاصةً وإنه في الغالب لما ييجي يسوي النسبة يساويها من العمال الأول والكسورنفسها ترفع للعمال فتبقي نسبة الفئات داخل البرلمان أقل في جميع الحالات من العمال والفلاحين رشا مجدي: طيب أنا عايزة أقول تعريف عن الفلاح برضه عشان برضه ما نتكلمش بس عن العمال لكن خليني برضه " الفلاح في الستينيات تعريفه في المادة الثانية من قانون مجلس الشعب برضه بيقول إيه الفلاح يجب أن تكون الزراعه عمله الوحيد دا ما بقاش موجود طبعاً ومصدر رزقه الرئيسي ويكون مقيماً في الريف بشرط أن يحوز هو وزوجتة وأولاده أكثر من 10 أفدنه إيه رأيكم – مين فلاح دلوقت عنده 10 فدان أ/ عصام شيحة : ما فيش لكن لواء الشرطه بيستقيل النهارده ويروح علي الجمعية الزراعية يأخذ شهاده من الجمعية الزراعية أو الوحدة المحلية تثبت إن هو عنده أقل من 10 فدادين وتثبت إن هو بيتردد علي القريه ويخش مجلس الشعب يمثل العامل والفلاح أ/ أبو العز الحريري :يبقي الخلل فين أ/ عصام شيحة : الخلل في الإثنين في النص عليها رشا مجدي: في النص في المادة الثانيه من قانون مجلس الشعب أأ/ عصام شيحة : وفي تعريفها في القانون كمان أ/ أبو العز الحريري :خلينا بس نتكلم أصل الحته ديه حنظلم فيها نفسنا ونظلم شعبنا إذا إحنا متفقين إنه علي مدي 50 سنة ما فيش إنتخابات ولا حياه برلمانية صحيحة والأمور بتترص وزي ما أ/ عصام شيحة : علي الأقل سنة 76 كانت فيها إنتخابات أ/ أبو العز الحريري : لأ ليست صحيحه إنتخابات ممدوح سالم محطوط له فيها الأصوات 100% من الصناديق هذه اكذوبه الناس بترددها لمجرد إن أنا نجحت في الإنتخابات بس نجاحي كان مربوط بحاجه ثانيه وديه سادس محاولة إغتيال كانت ذبح هنا فجت هنا " إشاره إلي رقبته ووجهه " فنجيت منها ديه قصه ثانيه وبالرغم من كده فيه 4 فبراير سنة 77 كان بيرفع عني الحصانه الفصل من مجلس الشعب وفصلت من مجلس الشعب في يونيه سنة 78 أنا والمرحوم عبد الفتاح حسن لأنه كان وزير قبل الثورة يعني ما هو بقي التلكيكات ممكن تتحط في صيغه قانونيه ودستورية حتي زي ما إتحطت كامب ديفيد بالستة والشعب المصري عمره ما كان موافق علي كامب ديفيد إتحطت حاجات ثانيه زي السادات ما حب يتلاعب بمن يسموا بالجامعات الإسلاميه وحط المادة الثانيه في الدستور عشان برضه يكتسب بها أمور معينه عشان يرتب نفسه وهو كان ماشي في الإتجاه المعاكس – زي ما جيه في 15 مايو الثورة كانت 13 مايو اللي هي بيسموها ثورة مايو 13 مايو راح عاملها يوم 15 مايو مخصوص عشان تبقي يوم قيام إسرائيل عشان يبقي الإحتفال هنا في 15 مايو فننسي يوم النكسه ونقعد نحتفل ب 15 مايو اللي هي كانت نكسه أخري مصريه خلينا نرجع للموضوع لو سمحتي إحنا عايزين نعمل إنتخابات فيها تمثيل حقيقي فيه ظروف حاليه موجودة الكلام ليه ما بيتمش حالياً في القانون اللي موجود أو أو اللي مطروح علي المرأة اللي حتبقي واحده في كل قائمه ترشحه ضمن القوائم يعني ليه مقصود بها – مقصود بها إن المرأة التي غوبنت كثيراً واللي المناخ السياسي العام والجماهيري اللي بتقوده قوي معينه معاديه للمرأة ومش معترفه بدورةا خلت دوله بشكل أو بآخر والمثقفين والمهتمين يقولوا والله المرأة لازم بشكل أو بآخر نديها أ/ عصام شيحة : آه بس ما حطلهاش نسبة العالم والفلاح حط 50 فالمرأة تبقي موجودة في القائمه بس أ/ أبو العز الحريري :لو سمحت لي بس خلينا في المبدأ إنك إنت بتحاول توجد لها منفذ زي ما كان بيبقي فيه تعيين للأقباط لإن ما كنش حد فيهم بينزل في الإنتخابات وينجح بشكل طبيعي نتيجة عوامل طائفيه وحاجات زي كده مادام المبدأ موجود تعالي نصحح الشروط اللي بتتم- أنا فيه عندنا بعض الأشياء اللي موجودة في الدستور أو في بعض القوانين بتقول إن اللي يصيبه وظيفة كبيره أو مثلا قضاء مثلا أو وزير أو رئيس وزاره ما يتعينش في وظائف معينه إلا بعد فتره معينه أو بقرار إستثناء من رئيس الجمهوريه وحاجات زي كده أنا ليه ما أعملش ده علي كل الناس اللي ما كنتش في الأصل فلاحين يعني ظابط شرطه أو لوا مخابرات أو غيره أو غيره راح عمل نفس الحكايه وراح مفبرك أوراق عندنا واحد في إسكندريه رئيس مجلس إداره ومجموعة شركات ورأسمالي كبير عنده مليارات ومحامي ومسجل في المحاماه راح عامل الشهاده اللي حضرتك بتقول عليها وراحت قدام مجلس الدوله فقالت ده إدعاء وإنه ما فيش حد فجأة بيتحول من مهني ورئيس مجلس إداره ومحامي الي واحد فلاح وطلع الحكم لكن الحكم تم الإستشكال عليه ومشي القانون المزور للإنتخابات مذوره خلينا نتكلم إحنا عايزين نمثل الشعب المصري يبقي فيه شروط حقيقية للعامل إنه يتعدل النص بتاع الإنتماء للنقابه المهنيه لأنه الأصل إن العمال يبقوا علماء اليابان عمالها علماء ما هماش مجرد ناس عاديين وإحنا عايزين نرتقي بشعبنا مش ممكن نقول الناس يبقي معهاش فك الخط وتروح طيب ما تيجي لرئاسة الجمهوريه مصلا مش ممكن يبقي النص ما فهوش صياغه وإنه لازم يكون معاه مؤهل عالي ما قلتش طيب ليه ما هو ده ر ئيس جمهوريه يعني هو ده شرط معين طيب ليه خليت سنة 40 ما كنت أخليه 25 زي باقي الشباب أنا ليه حطيت 40 سنة وماحطتش شرط مؤهل عالي هنا ورئيس جمهوريه لما ما يبقاش معاه مؤهل عالي أنا أعتقد إنه يبقي فيها خلل لإنه برضه في العصر اللي إحنا بنعيشه المؤهل العالي خصوصاً في التعليم الجيد لازم يبقي ليه قدر من أ/ عصام شيحة : آه بس هنا ثقة في الناخب نفسه رشا مجدي: بالظبط أ/ أبو العز الحريري :الثقة في الناخب ممكن تخليه من غير مؤهل خالص وييجي زي ما كنا بنشوف في البرلمان ناس ما تفكش الخط وبتيجي خلينا نرجع للموضوع أنا بأقول إنه العمال والفلاحين وضعهم اللي كان تميز شويه واعطوا هذه النسبة في ظل ثورة 23 يوليو وضعهم في خلال السادات مبارك بقي أسوأ من السؤ نفسه وأصبحوا في حاجه الي من يأخذ بأيديهم وإنه الحديث حوالين النسبة دلوقت وتجاهل الواقع اللي بيتعمل للبتسمي الإنتخابات اللي جايه اللي مش حيخليها إنتخابات أنا رأيي دا إنحراف عن الموضوع وبعد عن – تعالي نتكلم في الإنتخابات هل الإنتخابات صحيحه هل حتتم بشكل صحيح التزوير كان معروف بتسويد القلم وحاجات زي كده هل فيه تزير تاني أنا رأيي فيه تزوير تاني الفلوس حتبقي بالهبل إستخدام شعارات مسوبه للدين حيبقي بالهبل الفلول حيشتغلوا بطريقه أو بأخري الدوله نفسها كجهاز دوله الآن بتشتغل لصالح الفلول وبينظموا لهم وبيرتبوا لهم الدوائر الواسعه خلت أي عامل أو فلاح النهارده بيتردد لإنه عنده إمكانيات إيه أنا داخل الإنتخابات إيه رأيك إن أنا قررت إن أنا مش حأعلق ولا يافطه في دايرتي لإن مش ممكن حيجيب 2000 يافطه ب 70 جنيه ب 140 ألف جنيه أنا ما أمتلكش عشرهم فحأعتمد علي ورقه واحده حأوزعها في دائرتي والله الناس عارفاني واللي يديني صوته حأبقي سعيد به واللي مش حيديني صوته حأبقي مقدر ظروفه لكن أنا برضه لي ظروف ولي تجربه معروفه طيب العامل اللي لسه بادئ جديد يعمل إيه عشان يعرف نفسه ليه ما تتأجلش الإنتخابات 5-6 أشهر سنة ويبقي فيه فرصه تسألونا بقى إيه برنامج الأستاذ عصام رشا مجدي: عارف حيعمل إيه يا أستاذ أبو العز أقول لك حيعمل إيه العامل ده حينتمي لجماعة من الجماعات التي بتمتلك من الأموال الكثير وبتصرف عشان إنه يقدر أ/ أبو العز الحريري :كلام سليم رشا مجدي: آه ما فيش قدامه حل غير كده أ/ أبو العز الحريري : أنا الحكم بتاعي مين لو سمحت لي هو المواطن رشا مجدي: ما هو المواطن برضه حياخد فلوس ما هو أ/ أبو العز الحريري : معلهش فيه متغير جديد النهارده أنا كان مثلا في كرموز في الإنتخابات المزوره بتاعة 2010 ديه اللي راحم أو اللي إتسجل إنهم راحوا 17 ألف لكن في الإستفتا راح 42 ألف النهارده بالبطاقه الشخصيه لما حتروحي تبقي عارفه لجنتك فين علي الكمبيوتر علي مستوي الجمهوريه العدد حيزيد جمهور الناخبين بيتغير أنا أساعد في جمهور الناخبين أساعد في تعريفهم بالمجلس وبشروط النائب وهو رايح يعمل إيه ومايعملش إيه – طيب حأواجه المال ده والتلاعب بالدين ازَّاي إلا إن أنا أعمل ثقافه حقيقية رشا مجدي: بالظبط إيه هي مواجهة المال والتلاعب بالدين أ/ عصام شيحة : دا عايز الإتفاق علي النظام الإنتخابي إن النظام الإنتخابي في مصر بالكامل يصبح بالقائمه النسبة غير المشروطه عشان نغير من زهنية المواطن بعد ثورة 25 يناير بدل ما هو بينتخب نائب خدمي ينتخب نائب مهمته الرقابه والتشريع والمساهمه في وضع السياسات رشا مجدي: يا أستاذ عصام دقيقة واحدة إنت بتتكلم علي أمل لكن إحنا دلوقت في واقع عندك نصف بالقائمه النسبيه ونصف بالقائمه الحزبيه أ/ عصام شيحة : ياأستاذه لأ معلهش إحنا عندنا ثورة طالما عندنا ثورة نستثمر هذه الثورة إستثمار جيد لكن إحنا نعدِّل رشا مجدي: أيوه بس إنت عندك واقع وخلاص وإنت داخل علي إنتخابات – يعني إحنا بنحلم في المستقبل لكن أنا بأتكلم أ/ أبو العز الحريري : يبقي الخلل تقرر خلينا نتكلم بصراحه الخلل في الإنتخابات تقرر الإنتخابات إنتهت بهذا الشكل رشا مجدي: أنا معايا الدكتور رأفت فوده أستاذ القانون الدستوري – دكتور رأفت مساء الخير د/ رأفت فوده : مساء النور يا فندم رشا مجدي: حضرتك لو سامع الحديث اللي دائر من إن هناك خلاف إن دلوقت هناك من يري إن لازم الإنتخابات عشان حتي نسبة ال50% من العمال والفلاحين موجودة بتمثيل حقيقي وإنه لازم تبقي الإنتخابات بالقائمه النسبيه لكن تقرر إنه ما فيش نصف بالقائمه النسبيه ونصف بالقائمه الفرديه شايف إيه يا فندم د/ رأفت فوده : في الحقيقه اللي أنا سمعته في أسئلة حضرتك مساء الخير أولا أستاذه رشا والساده الضيوف والساده المشاهدين رشا مجدي: أهلا بك يا فندم د/ رأفت فوده : هل فكرة أو مبدأ ال50% من العمال والفلاحين ينبغي أن يكون أم لا وكيفية تطبيقه الأول أنا بأعتذر عن الدكتور عمر اللي حضرتك أدخلتيه لإنه قال أو وصف العمل والفلاحين بإنه بيدعي إنه يكون جاهل بالتالي ينزل العمال والفلاحين – العامل والفلاح ليس جاهلاً هو قال كده إحنا بنيجي في موسم الإنتخابات رشا مجدي: ما قلش كده يافندم د/ رأفت فوده : لأ الدكتور عمر قال كده لإن سامعه قال بنيجي في موسم الإنتخابات وبعدين المرشحين بيدعي نفسه إنه جاهل يقول يقول أنا عمال وفلاحين – العامل والفلاح ليس جاهلاً أو معناه إن أنا بأدعي عامل أو فلاح لكن خلينا نتناقش أنا بأكلمك بصفتي يا أستاذه رشا الصفه الأولي إني فلاح بن فلاح وإضربيهم في 30 من قرية مش موجودة علي الخريطه المصريه والصفه الثانيه إني إستاذ قانون دستوري في كلية الحقوق جامعة القاهره وأنا اللي حيغلب عليَّ ليس هذا ولا ذلك وإنما حأكلمك من الناحيه الدستورية البحته المشكلة في الدستور إيه إن إحنا بيبقي عندنا يا أستاذة رشا حاجه إسمها المبدأ وحاجه إسمها الخروج عن المبدأ أو الإستثناء – المبدأ عندنا هو الديمقراطيه يعني أنا بأتكلم طبعا بعد الثورة والحراك السياسي اللي في مصر بينشد حاجه واحده الا وهي الديمقراطيه لماذا لأنه حُرِم من الديمقراطيه طوال الأعوام السابقى من 52 الي الويم يا ستاذه رشا عماد الديمقراطيه حاجه واحده بس الحريه – الحريه خليها مطلقه برضه يا أستاذ عصام رشا مجدي: طيب أستاذ أبو العز بيقول لك مقومات الحربيه اللي حضرتك تقصدها إيه أ/ أبو العز الحريري : يا دكتور مين حينتخب مين وليه وعشان يعمل إيه وخد بال سيادتك وكيف يكون الناخب متحرر من تأثير المال ومن تأثير الإدعاءات الدينيه اللي بتجرجره لحاجات مالهاش أساس معاديه حتي للدين نفسه د/ رأفت فوده : أستاذ أبو العز ديه تتكلم في جرائم الإنتخاب وفي القواعد الإنتخابيه وفي الحاجات ديه كلها إحنا بنتكلم في ال50% عمال وفلاحين ومش معناها إنه لا تستبق الحديث لإنه ربما النتيجه لا تخيب أملك اللي أنا عايزة أنتهي إليها المادة زي ما قلت ديمقراطيه عماد الديمقراطيه الحريه أرجعي يا أستاذه رشا زي ما إنت بتقري في القوانين المادة 3 من الدستور سواء الملغي أو وساء الإعلان الدستوري أو غيره المادة 3 تبتقول إيه الشعب مقدر السلطات واللي بيمارس السلطه التشريعيه عن الشعب بصوره أخري ألا وهو مجلس الشعب اللي بيختاره الشعب يبقي معني ذلك إيه من يرفع مجلس الشعب الي مقاعده ويجعله من سلطه تشريعيه هو الشعب وبناءاً عليه لما آجي بقى ال50% عمال وفلاحين معناها إيه – معناها حاجه واحده بس إن أنا بأراعي نسبة العمال والفلاحين وأجعل لهم مقاعد 50% أن نسبة مين اللي هم أعضاء مجلس الشعب أعضاء مجلس الشعب كلهم علي بعضيهم 500 – 511- 600 – يعني معناها لما ناخد نصفهم 300 – 300 يا أستاذه رشا طيب ال300 دول مين هيرفعهم الشعب – الشعب 85 مليون منهم 45 ناخب يا أستاذه رشا لما تيجي تحطي ال45 ناخب أنا بأعملها لك عمليه حسابيه ديمقراطيه دستورية لما تحطي ال45 مليون آخر في كفه ما أعرفش سمعني ولا لأ أ/ أبو العز الحريري : يا دكتور عايز أسأل حضرتك في الفئات اللي علي رأسهم فتحي سرور اللي موجوديه في سجن ابو زعبل دلوقت - في سجن طره هل دول مش فئات يعني القصه ما هياش في مجرد التسميه وبس القصه في الصلاحيه الأمكانيه فالإستقامه ممكن الواحد يبقي كفؤ مهنياً وبرلمانياً كفؤ جداً لكنه بيستخدم كفاءته ترزي قوانين وترزي إتفاقيات لصالح الفساد وتخريب البلد رشا مجدي: دقيقه واحده يا دكتور رأفت نسمع تعليق أ/ عصام أ/ عصام شيحة : أنا بأتفق مع الدكتورإن إحنا ما نصادرش علي حق المواطن والمواطن هو اللي يحدد يختار العامل أو الفلاح برغبته يختار الفئات يختار الدكتور أو المحامي برغبته لكن أنا ما أفرتش عليه من البدايه إنه لازم يختار 50% علي الأقل من العمال والفلاحين أفرض جاب 49 ولا 48 وهو شايف 48 من العمال والفلاحين كويسين وهو متصور إن فيه 2 أفضل في الفئات ليه أنا أحرمه من إن هو يختار الفئات اللي هو متصور إن هو يقدر يخدمه أكثر أ/ أبو العز الحريري :وإذا جيت في الظروف مش مواتيه من حيث الإمكانيات والسيطره بتاعة الفلوس أ/ عصام شيحة : أنا بأتكلم في المبدأ أ/ أبو العز الحريري :هو المبدأ مش منفصل عن التجربه يا جماعة الواقع مرتبط بالمبدا رشا مجدي: رأيك يا دكتور رأفت د/ رأفت فوده : ما أنا بأقول لك أنا علي التليفون يأذنوا لي بلحظه أخلص مكالمتي وبعد كده حأسمعهم في النقاش العمليه الحسابيه اللي كنت داخل بيها عندي 45 مليون ناخب وعندي بتاع 250 عضو في مجلس الشعب عن العمال والفلاحين الدستور لما جيه قرر هذا المبدأ قرره ميزه لصالح 250 عضو في مجلس الشعب يبقي ال250 علي حساب من ما هي الميزه دائما لحساب وعلي حساب ال250 ناخب لحسابهم 505 من مقاعد مجلس الشعب بس علي حساب مين علي حساب الناخب ال45 مليون يبقي معناها إن المشرع بيجبر 45 مليون ناخب ويصادر حرياتهم في الإختيار ويصادر مكناتهم اللي هي الديمقراطية بأن يختار من يصلح لهم من وجهة نظره بإعتبار إن الشعب هو الأصيل ولي النائب وبالتالي يأتي النائب فيفرض علي الأصيل أن يختاره رشا مجدي: علي العموم د/ رأفت وضحت وحهة نظر حضرتك إحنا بنشكرك شكرا جزيلاً علي هذه المداخله في أنا عندي هنا كانت هناك دعوي من الدكتور أحمد حسن البرعي وزير القوي العامله بإلغاء نسبة ال50% عمال وفلاحين لإنها هذه الفئات لم تعد أقليه أ/ عصام شيحة : أغلب القوي السياسية في مصر أغلب الأحزاب السياسية بتطالب من 30 سنة بإلغاء نسبة ال50 % عمال وفلاحين لأنها لن تخدم العامل والفلاح أنا أمتي إسيبها لو هي حققت نتيجه للعامل والفلاح هو ما فيش مواطن مصري ضد العامل والفلاح لكن ضد إساءة إستخدام الصفة صفة العامل والفلاح في مجلس الشعب ضد فرض إيرادة المشرع علي المواطن المصري في إنه ملزم بإختيار 50% علي الأقل من العمال والفلاحين رشا مجدي: طيب لو دا رأيك أستاذ أبو العز إزَّاي نضمن إن هناك تمثيل حقيقي معبر حط بقي تحت تمثيل حقيقي معبر سيبك بقى من نسبة ال50% أو إزَّاي بأي شكل من الأشكال للعمال والفلاحين عشان أقدر أحدد الهدف من وجودهم عشان أتجنب سلبيات حدثت وخلاص السلبيات بقة واضحه قدامنا يعني إحنا بنتكلم علي 50 سنة كلنا خلاص شايفين الصوره إزَّاي أقدر أعمل حاجه زي كده وإزاي أقدر أعمل قانون أحزاب حالي بضمن كل هذه الأشياء كيف أ/ أبو العز الحريري : حضرتك وكثيرين متفقين معايا إنه القائمه بشكلها الحالي في وسط المناخ اللي بيسود فيه التمويل الضخم والتزوير وبقايا التزوير والفرصه اللي حرم منها العمال والفرحين وحتي الفئات الكويسين يعني الفئات المحترمين ما كنوش برضه بيسمح لهم بالمرور في السنوات اللي فاتت أ/ عصام شيحة : أنا دخلت الإنتخابات 5 مرات ما أ/ أبو العز الحريري : واخد بال سيادتك بيمنعوا بالتالي أنا عايز أقول إزَّاي نسمح للشعب المصري بإنتخابات حقيقيه هو ده السؤال الحقيقي والإنتخاب الحقيقي رشا مجدي: بغض النظر عن عمال وفلاحين بقو فئات أ/ أبو العز الحريري : أنا ما أتكلمش فيه دلوقت الإنتخاب الحقيقي يبدأ بإن يبقي فيه حياة ديمقراطيه ويبقي فيه وعي سياسي ويبقي فيه أحزاب – أحزاب بقى مش يوم وليله – أحزاب لمده طويله – جربت وطرحت البرامج بتاعها والناس بقة معاها أو بقة ضدها ويبقي فيه شخصيات عامه إنتخابيه لإن النائب ده جاي برأسه برأس رئيس الجمهوريه ورئيس الوزاره ما هواش شخص عادي رشا مجدي: بمناسبة الأحزاب عايزة أسأل بس في النقطة ديه الأحزاب السياسية قديمة أ/ عصام شيحة : ما بلاش رشا مجدي: لأ مش ما بلاش لأ دا هو ده وقته الأحزاب السياسية اللي موجودة من قبل الثورة يعن مش شايفه لها أي شعارات تؤيد نسبة العمال والفلاحين ومالهاش أي دور موجود دلوقت ولا أي حاجه بنسمعها أ/ عصام شيحة : لأ هو حيخالف – حيخالف برنامجه يعني الوفد ضد نسبة ال50% عمال وفلاحين مجرد إن قامت الثورة هو حيغير يقول إن أنا مع العمال والفلاحين هو يري إن النسبة من البدايه كانت موضوعه خطأ رشا مجدي: طيب دا الوفد – ماشي والوفد مفهود توجهاته وبقية الأحزاب إيه يأ أستاذ أبو العز أ/ أبو العز الحريري : أنا رأيي إن الوفد ضد الوفد رشا مجدي: لأ الوفد دلوقت أ/ أبو العز الحريري :لأ وقبل الثورة بالعكس يعني التحالف السيئ المشين اللي حصل بين الوفد وبين التجمع وبين الناصريين أ/ عصام شيحة : أنا كل برنامج أشوف الأستاذ أبو العز حأروح فيه حأخرج منه بمشكلة عشان تحالف الوفد والإخوان أ/ أبو العز الحريري : لأ لدعم النظام الذي قامت عليه الثورة هذا التاريخ ما هو إنت تاريخك هنا حتي السي في بتاعك الوظيفي بيبقي مبني علي أعمال معينه بتقيم معايا حضرتك فأنا لما أقيم أ/ عصام شيحة : تاريخ الوفد مشرف رشا مجدي: أنا مش بأتكلم علي الوفد بس يا أستاذ أبو العز أنا بأتكلم علي بقية الأحزاب أ/ أبو العز الحريري :يا سيدتي أنا بأتكلم علي أحزاب بير السلم القديمه الصغيره ما حدش سامع عنها الأحزاب اللي إدعت إن هي كانت ثلاثه كويسة تخلت عن برامجها التجمع قيادته تخلت عن برنامجه الناصريين تخلوا عن برنامجهم الوفد تخلي عن برنامجه وداخل في لعبه جديده ما هياش متفقه مع اغلبية قيادته حالياً دلوقت يبقي الأحزاب اللي طالعه جديده بقى ما عندهاش فرصه أو هي ما قدمتش للناس برنامجها حنحكم مصر إزَّاي حنعمل إيه في السياسه الخارجيه والداخلية حنعمل صناعه إزَّاي حنشيل البطاله إزَّاي أنا في دائرتي النهارده لسه وأنا جاي ناس بيكلموني بلوك كامل في الطوبجيه حيتهد خلاص حينهار وعايزين ينقلوا الناس في الخيام حنرجه لسكان الخيام مره ثانيه بدل ما ينقلوهم ويسكنوهم في مساكن كويسة هكذا يعني الإنتخابات ليها مقومات إذا ما تحققتش الإنتخابات بمقوماتها يبقي إحنا بنتكلم علي شيئ ما هواش حقيقي مش إنتخابات يا سيدتي ما أنا بأقول لحضرتك أنا عندي 8 أقسام 8 مراكز شرطه حتبقي دائرة قايمة قولي لي مين حيلف في القايمة ديه كلها دلوقت حالياً مين عنده الإمكانيات ليها رشا مجدي: والوفد عنده المشكلة ديه برضه ؟ أ/ عصام شيحة : أيوه ما هي المشكلة تخص كل المصريين الدوائر الإنتخابية أ/ أبو العز الحريري :حتي لو عنده التمويل رشا مجدي: أنا بأقصد كده حتي لو عنده التمويل وعنده التحالف كده أ/ عصام شيحة : أيوه دا تمويل مؤسسي مش أ/ أبو العز الحريري :لكن عنده مشكلة هي عندنا كلنا إن إحنا أستبعد العمله الجيده من المصريين في كافة المجالات حتي في الجامعة كانت بتستبعد لصالح العمله الرديئه أمال الحركه اللي بتتم في الجامعة التصحيحيه ديه ليه بلاش الحزاب لو سمحت ولا إنتخابات مجلس الشعب ولا المحليات خلينا نتكلم عن المجتمع الإفساد كان بيتم في كل شيئ علي الإطلاق بدليل إن الحركه التصحيحيه اللي قائمه في الجامعة النهارده بترد الإعتبار لحركة 8-9 مارس اللي هي كانت رشا مجدي: يارب تتم علي خير إنت ما تعرفش حتوصل لإيه – يارب تتم علي خير أ/ أبو العز الحريري : لا لأ معلهش يا سيدتي المحترمة المحاولة التصحيحية ليس شرط إنها توصل لكل اللي إنت عايزاه لكن هي بتعبر عن إن كان فيه خلل وأساتذة – أنا أجيب مين – أجيب مواطن بيفهم أكثر من أستاذ الجامعة فين يعني أستاذ الجامعة ده اللي بيصنع العقول رشا مجدي: أنا معاد نشرة تسعة جيه والله يا أستاذ أبو العز وده ميعاد مقدس أنا مضطرة إن أنا أختم أنا طبعا هذا الموضوع حيطول الشرح فيه وأكيد حنتكلم فيه إحنا لسه العمر إن شاء الله قدامنا طويل أ/ أبو العز الحريري :بس أنا مش عايز كلامي عن الوفد ينسحب عن الأستاذ عصام لإن أنا أعرف موقفه المشرف داخل الوفد وإنه من الأقليه الوفديه اللي بتحافظ علي الوفد يعني أ/ عصام شيحة : الله يخليك رشا مجدي: أنا بأشكر الأستاذ أبو العز الحريري النائب السابق ووكيل مؤسس حزب التحالب الإشتراكي الأستاذ عصام شيحة المحامب بالنقض وعضو الهيئه العليا لحزب الوفد أشكركم شكرا جزيلا واهلا بكم معانا أ/ أبو العز الحريري :شكرا لك وللساده المشاهدين رشا مجدي: مشاهدينا الكرام بنشكركم ونترككم مع نشرة التاسعه ونلقاكم غداً في نفس الموعد علي خير