8

الحلم:
أنا حلمت إني كنت في بلد غير بلدنا، ويومها الرئيس كان في البلد دي بيزورها؛ فبعدين كان فيه زي عيادة أو مستوصف للعلاج، والناس بتروح تحجز هناك عشان تكشف؛ فأنا دخلت المكان ده، وكان معايا شخص ما عرفش هو مين؛ بس كان ملازمني في البلد دي، وكان الريس واقف جنب الراجل اللي بياخد الكشف، وأي حد يروح يحجز يقوم يدي له الفلوس؛ فأنا رحت وقفت وسألني: عايزة تكشف على إيه؟!! قلت له ضرسي، وما كانش معايا غير ربع جنيه ورق وفلوس فضة مش يكملوا جنيه كلهم؛ فهو أخدهم مني، وبعدين الريس سأله كام؟ قال له 2 جنيه؛ المهم فضلت مستنية الدور، وبعدين زعلت من الشخص اللي ملازمني ده، وفقدت الإحساس بالأمان في البلد دي وعايزة أروح، فرحت قلت للراجل ده إني عايزة أكشف بدري عشان لسه قدامي سفر فقال لي حاضر، وفعلاً جه دكتور شاب كده، وكان بيكشف عليّ؛ بس كان طريقة كشفه مش دكتور أسنان خالص؛ بس كان محترم أوي وجميل، والشخص التاني ده لقيته جه تاني يقف معايا وأنا باكشف؛ فالدكتور ده إداني زي قطرة أشربها وعايزني أشرب عشر مرات؛ فأنا شربت أربعة وما قدرتش أكمل، وجريت على حمّام عايزة أرجع كل اللي شربته، ولقيت الشخص اللي ملازمني جه معايا، وفضل ساند دماغي، وبعديها الدكتور ده قال لي إن مفروض كنت أكمل العشرة عشان كده هابقى كويسة؛ بس أنا ما اقدرتش غير أشرب أربع مرات، وبصراحة مش فاكرة كان يقصد إيه لأن طريقة علاجه ليّ كانت دكتور نفساني مش أسنان.
هذه أضغاث أحلام نتيجة لتأثرك بمجريات وأحداث حياتك اليومية وليست رؤيا تحتاج لتفسير.