حديث المدينة

مفيد فوزى : عادة العدسات فى الصيف تحت درجة حرارة 40 و42 فى المصايف بتصور حاجةاسمها الاستعداد للصيف عادة انا باعتقد ان دى تسليه وظرف ومجرد متعة للى بيروح وربما للمشاهد لكن اللى بنعملة الان ليس ترفيه على الاطلاق اللى بنعمله دلوقتى فى اللحظة دى هو السفرالى الصعيد الى اسنا 00اسنا التى عادت الى محافظة الاقصر اسنا مدينة الشهداء ولاتزال شهيدة اسنا بلد مستهبلة اسنا بلد من الصفر تبدأ- اسنا كان زمان اسمها مديرية اسنا لم تدخلهاسيارة سودة بستاير اللى هى سيارة المسئول طول عمرها تبع محافظ قنا محافظ قنا اللى بعد ما بيحلف اليمين يعمل مرور على ممتلكاتة اسنا وارمنت وقنا نجع حمادى يعنى يعمل كده نوع من الاطلالة بس ويعود الى مكتبة بس وينسى اسنا وسنينها نحن الان فى اسنا لكى نرى على وجه التحديد كيف يعيش الناس هناك لنعرف من اين تبدا اسنا ايه مطالب الناس ايه حقيقة وضعهاالمادى والمعنوى ارمنت فيها مصنع مصنع سكرعشان كده قد تكون فيها حالة صهللة لكن ارمن فيها ايه ولا حاجة زراعة ولا شئ ولا حاجة ابحر الان فى اسنا بعد ان وصلنا على حدودها داخلين البلد نشوف كيف تمضى الحياة فى مركزمهمل منسى مهمش بدات تنتبة ليه الدولة مؤخرا من الامانة انى اقول لكم ان رئيس الدولة بعد ان ادى محافظ الاقصرالجديد اليمين وهو خارج قال له ارمنت واسنا معنى هذا ان فى راس رئيس الدولة الاهتمام المباشرالحقيقى فى ناس مهمشين ملهمش صوت ولا بيتكلموا ولا بيقولوا لانهم من فرط المعاناة رقدوا على شاطئ الصمت والتهميش والعذاب مفيد فوزى يحيكم من اسنا المهمشة فى حديث المدينة
فاصل
مفيد فوزى :انا فى اسنا اهو وعاوز اعرف بالضبط ايه المشاكل اللى انت كا مواطن اسناوى بتعانى منها ؟
مواطن :والله المشاكل مشاكل ميزانية يا استاذ مفيد يعنى بصراحة وبكل وضوح مشاكل ميزانية بحتة
مفيد فوزى :ازاى؟
مواطن : ان الدولة يعنى متناسية بعض المراكز وبعض القرى فى ميزانيتها فا بالتالى عضو مجلس الشعب او الاعضاء المحللين لن يستطيعوا الانفاق والدولة فى نفس الوقت سعادة البية لن تستطع تأدية ما يمكن تقديمة للمواطنين لصالح المواطنين
مفيد فوزى :ازاى ؟
مواطن :ازاى انا سعادة الريس المواطنين طبقة بسيطة ومعدمة لم تصل شكاوى المواطنين لمركز اسنابالتحديد
مفيد فوزى :ما تتكلم ماهو انت ما سمعتش الشكاوى؟
مواطن :باتكلم بلغتى كمحامى
مفيد فوزى :انت محامى ؟
مواطن :اه محامى
مفيد فوزى :انت محامى مودرن؟
مواطن : فى يا استاذ مفيد فى احداث درونكا ايام ما كنت فى قلب الاحداث وكان الجيش بيساهم معاه يدا بيد وانا كنت مع المواطنين هناك سعتها وكنت بقدم الاعانات والتغذية للمواطنين
مفيد فوزى :طب قولى يا مترمتر صح........؟
مواطن :اتفضل يا ريس اه اه
مفيد فوزى :المشاكل دى ليه ما بتوصلش لاسماع المسئول قولى هل هو اطرش ؟
مواطن :لأ سعتك
مفيد فوزى :هل المسئول فى مصر اطرش ؟
مواطن :المسئول بيقول لنفسه ان الصورة نظيفة
مفيد فوزى : يعنى قصدك بيجمل ؟
مواطن :اه اه بيحاول يورى نفسه انه فى صورة نظيفة جدا
مفيد فوزى : طيب قولى كام رئيس مجلس اعلى للاقصر جه فى الاقصر؟
مواطن : ماهو سعتك احنا حاليا تبع الاقصر
مفيد فوزى :ما انا بسألك كام محافظ تبع قنا ؟
مواطن :لأ هو فى مسئولين هنا جم سعتك فى الاونة الاخيرة
مفيد فوزى :لأ انا مش باتكلم عن الاونة الاخيرة انا باتكلم على زمان انا عايز اعرف سابقا ايه ؟
مواطن : سابقا فى تناسى
مفيد فوزى : تناسى ؟
مواطن :فى تناسى فى دورالمحافظة المحافظة كبيرة جدا
مفيد فوزى : انت مستخدم طبعا كمحامى جملة او تعبير مهم قوى قلت لى فى تناسى يعنى مش نسيان لكن انت عارف ايه هو التناسى انه حد يعمل نفسه ناسى يعنى محافظ قنا على مدى السنين اللى فاتت عمرة ما جه الى اسنا وسمع مشاكلها ؟
مواطن :لأ سمع فى اللقاء المفتوح يوم الاثنين بنحضر بيحاول يحل قدر من المشاكل اللى ادامة سعتك
مفيد فوزى :اه وبعدين؟
مواطن : يعنى فى مشاكل كبيرة كلها يحل المشاكل الصغيرة اللى زى دى ممكن المواطنين تتحمل شوية
مفيد فوزى : بتقولى المواطن هنا معدم ؟
مواطن :معدم مجدرش يشكى ولا عارف اسلوب الشكوى فى ضوء الميزانية اللى جدامة وفى ضوء المسئولين اللى جدامة
مفيد فوزى :انت عارف ان المسالة هى مشكله ميزانية يبقى الموقف عاقل معندهمش ميزانية ؟
مواطن : الموقف عاقل سعتك
مفيد فوزى : معندهمش ميزانية طب دلوقتى ايه الموقف؟
مواطن :الموقف جميل جدا
مفيد فوزى :ايه سر جمالة؟
مواطن :جمالة سعتك ولان فى تواجد للسيد المحافظ
مفيد فوزى :يعنى انت عايز تفهمنى استنى انت عايز تفهمنى ان انضمام اسنى الى محافظة الاقصر افاد اسنا؟
مواطن : افادها وملاحظين تغيرات مواطن اسنا ملاحظ تغيرات فى كل الميادين
مفيد فوزى : مالها
مواطن :المستشفى دى من 15 سنة واقفة على كده المبانى بنيت من 15 سنة
مفيد فوزى :نعم
مواطن : ومفيش اى تكملة ليها يعنى
مفيد فوزى :الله يعنى انت عايز تفهمنى ان الكاميرا هتجيب المستشفى دى من 15 سنة ؟
مواطن : من 15 سنة والمبنى دى واقفة على كده
مفيد فوزى :الله مفيش حد اهتم انه يجى لها ؟
مواطن :مفيش حد اهتم خالص مفيش حد كمل اصلا
مفيد فوزى : طب ماهو انتوا بتتعالجوا ازاى ؟
مواطن :بنتعالج الحتة التانية ديت سبحان الله النظام يعنى ايه شايف الريحة اصلا ما فيهاش اى حاجة يعنى لو شفت المرضى جوة مش هتلاقى اى تغيير ولا اى حاجة ملايه نضيفة ولا دورت المياة سبحان الله ما تقدرش تقعد فيها اى واحد ما يقدرش يشوف دورات المياة
مفيد فوزى :الله من كام سنة المستشفى دى ؟
مواطن :المستشفى دى تعتبر هى الوحيدة اللى فى المركز العام بس جو الخدما ت سيئة جدا سيئة سيئة يعنى
مفيد فوزى :مفيش حد مسئول جالكم شاف...؟
مواطن :هى لما محافظ يجيى اى شخصية تيجى يبدأوا النظافة بس من اول ما يمشوا الوضع على ماهو عليه دى بقالها اكثر من 15 سنة واقفةعلى الحال ده يقولك ما فيش ميزانية البتاعة اهيه واقفة زى ما هى و الصرف صرف صحى اهوه مستشفى عامة يعنى المنظر سئ جدا حضرتك
مفيد فوزى : صباح الفل
دكتور : صباح الخير
مفيد فوزى : شايفك عمال تراقبنى و انا بتكلم مع الناس هو حضرتك بتشتغل ايه ؟
دكتور : انا طبيب اخصائى فى مستشفى اسنا
مفيد فوزى : ليه عمال تراقبنى ؟
دكتور : مش براقبك ده انا بحب انى انا اسمعك و بحب اسلوبك فى المناقشة دايما بتابع برامجك وحديث المدينة بالذات
مفيد فوزى : و انا كمان بحب اسمعك و انت بتتكلم عن اسنا
دكتور : اسنا بلد كويسة و بلد جميلة
مفيد فوزى : ايه مشاكلها ؟
دكتور : كتير جدا
مفيد فوزى : واحد؟
دكتور: فى المجارى
مفيد فوزى : اتنين ؟
دكتور : الميه
مفيد فوزى : تلاتة ؟
دكتور: الاسكان الرقعة الزراعية بتاعتها اللى عمالة تتاكل فى المبانى تشغيل الشباب على مستوى الجمهورية يعنى حاجات كتير
مفيد فوزى :يعنى تشغيل المستشفى ؟
دكتور : اه يعنى بتكلم عامة فى الشغل اللى يخصنى
مفيد فوزى :قولى ليه المستشفى فى مصر المستشفى اللى هنا فى اسنا ديه 15 سنة و محدش قرب منها ؟
دكتور:ده شغل المحليات المقاول طبعا ادارة الستشفى احنا كأطباء مبقاش لينا دخل فى الموضوع ده الوزارة اللى بتطرح مقاولة بتنزل الرسم بياخدوه مجلس المدينة كمحليات هو بيطرح العمليه و بعدين ترسى على مقاول مفيش فلوس المقاول يقف فيه فلوس المقاول يمشى
مفيد فوزى :المسلسل ده 15 سنة ؟
دكتور : 15 سنة فعلا واكثر
مفيد فوزى :الناس بيتعالجوا ازاى وانت دكتور ؟
دكتور : فى فى جزء من المستشفى فى جزء احنا واخذناه من المستشفى جزء صغير
مفيد فوزى : لو حد حصل له حاجة بتعلجوه فين ؟
دكتور : هنا بنعمل له بعض الاسعافات الاوليه حاجة نقدر عليها عندنا ناس اخصائيين بصراحة على اعلى مستوى
مفيد فوزى : اذا ما قدرتوش ؟
دكتور : ما قدرناش بنودية الاقصر الدولى
مفيد فوزى : كام كيلو من عندك الى الاقصر ؟
دكتور : 45 كيلو
مفيد فوزى : ما ممكن يموت فى السكة ؟
دكتور: طبعا
مفيد فوزى : ممكن يموت فى السكة
دكتور: ممكن ولذلك احنا بنطلع معاه طبيب من المستشفى لازم يروح مع الحالة الخطيرة لازم ما تطلعش الحالة الخطيرة من غيرطبيب مرافق اطلاقا
مفيد فوزى :طب وبعدين امرالله .
دكتور : اه
مفيد فوزى : هتوصل الى درجة صعبة يودع المكان
دكتور : احنا فى الفترة الاخيرة دى يعنى بسم الله مشاء الله يعنى الوزارة شيفانا
مفيد فوزى : ليه بقى قول لى ليه ؟
دكتور :معرفش ليه
مفيد فوزى : متعرفش ليه؟
دكتور :اه لكن بصراحة الفترة الاخيرة مهتمين بينا جدا
مفيد فوزى :انتوا شعرين بالاهتمام ده؟
دكتور :اه انا كطبيب
مفيد فوزى : هل هواقوال اقوال لن تتحول اسمع سؤالى هل هواقوال لم تتحول لافعال؟
دكتور : لالالأ لافعال
مفيد فوزى : حضرتك معاك الموبايل بتاعك استنى يمكن الراجل عنده حاجة مستعجلة ولا حاجة فى حاجة مستعجلة
دكتور : ده مدير المستشفى
مفيد فوزى :ده مدير المستشفى ؟
دكتور :اه
مفيد فوزى :سمعنى بيقول لك ايه عايزايه سمعنى دكتور ايمن ازيك يا باشا انا باتكلم مع حديث المدينة اهو تتكلم معايا؟
مفيد فوزى :هاته
دكتور: اتفضل الباشا الكبير معاك اهو
مفيد فوزى :دكتورايمن حبيبى انت عندك شجاعة انك تقول الوضع الحقيقى لك فى المستشفى هنا دون خوف دون تردد والا تخاف من وزير ا لصحة رد على سؤالى ما تخفش تيجى تيجى تقول تعال لى قول اوجة القصور ايه يعنى اذا كنت تحب الناس فى اسنا وبتحترمهم ولديك الكثير من الانسانية تعالى قولى كمدير مستشفى ايه اوجه القصور موافق يالا على طول تعالى اقفل الموبايل بتاعك خلاص انت شايف انه الاهتمام ده سببة انضمام اسنا لمحافظة الاقصر
دكتور:اعتقد لكن من قبل الاقصر كان الاهتمام برضه كانت بدايات انتوا مهملين ليكوا كام سنة
ده كتير
مفيد فوزى :اد ايه ؟
دكتور :يعنى بقالى 20 سنة انا مش من هنا
مفيد فوزى : امال منين؟
دكتور : من المانيا
مفيد فوزى :من المانيا ؟
دكتور :اه
مفيد فوزى :حسيت بالاهمال ده من 20 سنة ؟
دكتور :اه اه
مفيد فوزى :غريبة تلقاك طهئت ؟
دكتور :اه بس
مفيد فوزى :وصبرت ازاى؟
دكتور :انا جيت هنا اول اخصائى تخدير يدخل البلد
مفيد فوزى :اقول عبارة هتعجبك واضح ان اسنا اتخدرت ؟
دكتور :لآ ما اتخدرتش
مفيد فوزى :بقالك 20 سنة يعنى لتخدير بتاعك بتدى حقن التخديرانما اسنا خدرت على مدى 20 سنة ؟
دكتور :اه واكثر
مفيد فوزى :خير عندك ايه ؟
مواطن :انا ابنى ايمن عبد الكريم مريض بمرض الكليه ليا 4 سنين بعالجة روحت فى اسيوط خدت سنة ونص عندة
مفيد فوزى : ايه اللى وداكى اسيوط هو انت عايشة فين ؟
مواطن : فى اسنا هنا
مفيد فوزى :اخذتى ابنك ورحتى اسيوط؟
مواطن :اه
مفيد فوزى :ليه ؟
مواطن :رحت عشان اعالجة يا باشا
مفيد فوزى :وهنا مفيش علاج؟
مواطن :مفيش العلاج منفعش هنا
مفيد فوزى :عنده ايه؟
مواطن :عنده الكلى تعبانة
مفيد فوزى :بتغسلى له فى اسيوط؟
مواطن : لأ دلوكيت اللى غسلت وليا شهر
مفيد فوزى : فين بتغسلوا فين ؟
مواطن :بنغسلوا فى المستشفى دي
مفيد فوزى :اه وبعدين ؟
مواطن :ورحت مستشفى خاصة فى مصر اسمها مسشفى الدكتور
مفيد فوزى : مش مهم نعرف المستشفى اللى رحتى لها احكى لى على المستشفى اللى فى اسنا لقيتى فيها ايه؟
مواطن :فيها المكن بيبوز على طول يا باشا
مفيد فوزى : بيبوز ازاى فهمينى ؟
مواطن :يعنى بيبطل المكن على طول على طول بالمريض
مفيد فوزى :وهما بيغسلوا له ؟
مواطن :اه كذا مرة
مفيد فوزى :وبتعملى ؟
مواطن :ايه مفيش احنا واقفين احنا والممرضين طبعا وكل حاجة
مفيد فوزى :ومدير المستشفى بيقول ايه ؟
مواطن :هيشوف يعنى احنا عايزين تجيبوا لنا مكن جديد
مفيد فوزى :انا اللى هجيب مكن ؟
مواطن :اه
مفيد فوزى :انا بس هقول ان المكن بيخسر
مواطن :ايوا تجول ان المكن دايما بيخسر
مفيد فوزى :كام واحد بيتعالج بيغسل فى المستشفى دى؟
مواطن :كتير يا باشا
مفيد فوزى : والماكينة بتقف؟
مواطن :اه كذا ماكينة مش ماكينة واحدة
مفيد فوزى :دا ايه خسرانة ولا عمرها قديم ؟
مواطن :الله اعلم عاد انا ليا شهر دلوكيت
مفيد فوزى : قول لى ايه اللى حصل لك ؟
مواطن :اللى حصل ان الوالدة جت من اسبوع وتعبت جيت حاولت اتصل بالاسعاف 00 الاسعاف اضرب 123 تليفون الارضى ملغى او الله اعلم مش شغال
مفيد فوزى :فهمنى
مواطن :ممنوع ان تتعامل بالارضى
مفيد فوزى : فهمنى
مواطن : اتصلت ب 123 00 123 ساعة وربع محدش رد عليا التليفون مشغول مشغول مشغول
مفيد فوزى :ده تليفون ايه؟
مواطن :ده تليفون تقريبا الربط بين المحافظات والمركزالرئيسى الاسعاف
مفيد فوزى :كويس وبعدين
مواطن :لما ما ادنيش zeroاجى اطلب محدش بيرد عليا اتصلت بزميل محامى ساكن جنب المستشفى وانتقل ببجامتة وراح يبلغ هناك حتى الاسعاف جت يعنى ساعة ونص وربع يعنى ساعتين الا ربع حتى الاسعاف جت هو البقاء لله الاعمار بيد الله ان سعتك الاسعاف تسبب فى كبر الازمة
مفيد فوزى :وهو عادة الاسعاف هنا فى اسنا بيجى منين من اسنا نفسها؟
مواطن :بيجى من اسنا نفسها المقربتاعة انما الاتصال لازم تتصل بالغرفة فى مصر
مفيد فوزى :علشان خاطر يبلغوا؟
مواطن : يبلغ هنا
مفيد فوزى : انت لجأت للمحامى؟
مواطن :يسمع زميلى هتصل بمين تانى
مفيد فوزى : هل دى خدمات ؟
مواطن : طبعا الحالة سيئة
فاصل
مواطن : اخر مركز لمحافظة قنا محافظة الاقصر
مفيد فوزى :يعنى ايه ؟
مواطن : يعنى كان مركز متاخر وكان منسى بالنسبة للمراكز الثانية ان شاء الله يعنى ربنا
مفيد فوزى : قولى منسى فى ايه ؟
مواطن :يعنى بالنسبة للتطور اللى فى البلد او الصرف الصحى اللى بقالة 10 سنين دلوقتى وابتدى انشاء الله يشتغل وفى خلال شهر
مفيد فوزى :ايه تانى غيرالصرف الصحى؟
مواطن :المستشفى بقالها حوالى
مفيد فوزى : وايه غيرالمستشفى ؟
مواطن : بالنسبة للى هنا عايزين مدارس ثانية
مفيد فوزى : مدارس ؟
مواطن : اه
مفيد فوزى :انت ولادك بيروحوا مدارس؟
مواطن :اه
مفيد فوزى : قول لى فى ايه فى مدرسة ايه؟
مواطن : مدرسة الشريف محمد نور
مفيد فوزى :ايه بقى المدرسة فيها ايه يعنى فهمنى ؟
مواطن : لأ هى المدرسة فترتين اولا
مفيد فوزى :بيقولوا لى ان الاولاد بيقعدوا احيانا على الارض ؟
مواطن : هو كان كان بس ابتدى دلوقتى المدارس الجديدة
مفيد فوزى :انا باتكلم على اللى فات سيبك من الجديد لان الجديد ده امر اخرلكن انا باتكلم على بلد مهمل وجه اهمالة ايه ؟
مواطن :هو كان ابتدت دلوقتى تتطور من ساعة المحافظ الجديد
مفيد فوزى : لأ انا مش محتاج المحافظ الجديد علشان .....
مواطن : لألألأ والله
مفيد فوزى :انتوا صعايدة ؟
مواطن : ما انا عارف ان احنا صعايدة
مفيد فوزى : انت صعيدى انت صعيدى ولا مش صعيدى ولا بحراوى ؟
مواطن : لأ صعيدى
مفيد فوزى : يبقى خلاص تبقى انت مباشر عارف مباشر يعنى ايه ؟
مواطن :اه
مفيد فوزى :على طول اه فيبقى كونك تقول لى المحافظ الجديد لأ مش محتاج ده ولا هو محتاج كلامك عشان كده انا عاوز اعرف توصيف الاهمال اللى حاصل فى اسنا ؟
مواطن :هو توصيف الاهمال اللى حاصل فى اسنا على ما يجى مسئول من محافظة قنا على ماربنا يسهلها يكون مثلا شهر او اكثر او اقل تبص تلاقى الحاجة اللى احنا عاوزين نعملها يكون لو اتعملت نصها يكون على ما يجى المسئول الكبير مش هتكمل بالنسبة بقى للى بينهم وبين بعض اللمقاولين ما بيخدوش فلوس او ما بيكملوش اوالمقاول بيتحبس ده نسمع
مفيد فوزى :بيتحبس ليه ؟
مواطن : ما بيكملش بيقولك العطا مجليش ده مش عارف ايه بنسمع كلام بس بس احنا مش المفروض كا شعب وكا مواطنين احنا مش هنستنى الموضوع دوت احنا كمركز مركزكبير مش مركز صغير مفروض ده مركز زى محافظة الاقصر بالضبط عندنا مناظر جميلة كثير والبحر يعنى احنا هنا اماكن جميلة كثيربس محدش معتنى بيها سياتك
مفيد فوزى :الماسورة دى ايه؟
مواطن : زى ما شايف سعتك
مفيد فوزى : دى عبارة عن ايه ؟
مواطن :اكيد شئ مجارى طفحة وحاجات زى كده مجارى اكيد طبعا ده منظر يعنى منظر مش عارف هقول ايه مش عارف
مفيد فوزى : وده ايه ده؟
مواطن :مستشفى مستشفى فى وباء وفى امراض وفى كذا منظر زى ده الحمد لله سعتك اللى موجود احنا نتمنى كل ده فى وجود سعتك
مفيد فوزى : لالالالأ سيبك من وجودى العيد يوم ما اسنا تبتسم يوم ما الناس هنا تبقى حاسة انها مستريحة زى اى بلد يوم ما يحدث عملية اهتمام بيكوا لانكوا انتوا طول عمركوا مهمشين
مواطن :احنا مهمشين سعتك والريس مهتم بينا وقال للمحافظ اهتم باسنا
مفيد فوزى : طيب هوده العيد الحقيقى لكن انتوا انتوا يعنى ؟
مواطن :الاعلام المصرى يهتم بينا
مفيد فوزى :ما انا اهو ما انا جاى لك اهو ؟
مواطن :الله يبارك فيك
مفيد فوزى :اه طيب تعتقد ايه اللى ممكن يحرك البلد الاستثمار هل ان ممكن ان حد يستثمرهنا؟
مواطن :طبعا
مفيد فوزى :مين هيستثمر هنا تفتكرالمكان ده مكان جاذب للاستثمار فاهم يعنى ايه جاذب؟
مواطن :اه اه جاذب
مفيد فوزى :طيب تفتكر مين ممكن يستثمر هنا ؟
مواطن :يستثمر هنا طبعا رجال اعمال
مفيد فوزى :سمعت انكوا انتوا عندكوا موز ياما؟
مواطن : ياما
مفيد فوزى :وسمعت عندكوا عدس ياما ويقولوا لى الموز الاسناوى عظيم محدش بيعمل تجارة ذكية تشغل ناس الله هو انتوا مش بتصدروا الموز ده ولا ما بيتصدرش ؟
مواطن : هو سعتك بيتباع هناك بس بيتصدر ازاى ما اعرفش
مفيد فوزى : يعنى بيتباع؟
مواطن : بيتباع الزرع وكلام زى كده لكن بيتصدرازاى ما اعرفش
مفيد فوزى : انا طبعا الريحة مش عارف مجننانى ومكسوف اقول علشان الناس تقول يا سيدى مش قادرتستحمل هستحمل قول لى اخرة ده ايه اخرة ايه على راى الغنوة قولى دكتور دى اول مرة فى حياتك كاميرا اول مرة تتكلم ؟
دكتور:لأ سجلت مع مدام نجوى ابراهيم سنة 92 كان فى القاهرة حضرتك
مفيد فوزى :دلوقتى دى اول مرة ؟
دكتور: اه اول مرة حضرتك
مفيد فوزى : من سنة 92 دلوقتى شعرك شاب ؟
دكتور :يعنى كنت صغير يعنى
مفيد فوزى : قول لى يا دكتور انا ليه شامم ريحة سيئة هنا جنبى ؟
دكتور: والله دى ريحة مجارى ومخلفات يعنى مفيش رقابة مفيش متابعة مفيش يعنى اسم الرقابة مهمل منذ زمن طويل يعنى على مستوى الرسمى وعلى المستوى الشعبى طبعا ده جزء من الموروث الثقافى بتعنا والتقاليد والصعيد بيقولك مفيش اهتمام بالحاجة العامة يعنى الثقافة بتعتنا علىمستوى الفكر على مستوى من يمثلنا على مستوى اختيار القيادات من جانب الدولة الاهتمام بزيادة الميزانية بزيادة الفاعليه زيادة الرقابة الحوافز تفعيل مبدأ الثواب والعقاب فى جميع المراحل يعنى
مفيد فوزى :ده كل ده فى الاقصر مفيش متأسف متأسف فى اسنا؟
دكتور: والله يعنى بس انا اتعشم فى سيادة اللوا سمير فرج
مفيد فوزى : معلش دى حكايه ثانية هتتعشم اه اتعشم اتعشم بثقة لكن انا عاوزانك تحط لى الصورة ادامى انت عاوز مستشفى اللى نقصاك ايه؟
دكتور: اناعاوز مستشفى فىوجود اسم حضرتك
مفيد فوزى :انت اخصائى فى ايه ؟
دكتور : انا اخصائى فى مستشفى امراض........
مفيد فوزى : اه ايه ؟
دكتور : اخصائى حميات
مفيد فوزى : يقولوا لى ان الراجل راح يغسل كلى الماكينة وقفت مرتين ثلاثة
دكتور : طبعا وارد يحدث يعنى
مفيد فوزى : وارد
دكتور :اه بس طبعا هو بالنسبة للعامل البشرى
مفيد فوزى :مش حرام ده ؟
دكتور :حرام ماهى منظمومة متكاملة حضرتك
مفيد فوزى : ايه العامل البشرى؟
دكتور : العامل البشرى من الناحية الطبية طبعا بقدر الامكان بتساعدنا يعنى من ناحية المساحة شوف مبنى صغير شوف كام طبيب بيشتغلوا فية 120 دكتور
مفيد فوزى :120 دكتور؟
دكتور :اه المكان اللى نقعد فية نسمع العيان كويس احيانا مثلا نجلس والمريض يبقى قاعد معانا لان مفيش المبنى ده موجود من سنة 90 سيتك
مفيد فوزى : فهمنى بتتفهموا ازاى مع المريض ؟
دكتور:بنتفاهم بقدرالامكان لكن طبعا الزحمة قلبة الامور تماما يعنى يعنى تلقى اللى عايز على نفقة الدولة اللى عايز مصلحة اجتماعية اللى عامل معاش ضمان صحى اللى عايز خدمة طبية اللى عايز تلقى الاموركلها مختلطة يعنى مش مثلا يعنى مفيش اماكن موزعة
مفيد فوزى :انت انت مش حاسس برضاء حقيقى عن المنظومة الطبية؟
دكتور:اه طبعا عايز مثلا يبقى فى تواصل بين وزارة الصحة والجامعة لتنمية المهارات الطبية والاستفادة برضه من.......
مفيد فوزى : انت عارف مين الخسرانين ؟
دكتور :مين
مفيد فوزى :الناس ناس اسنا ناس بلدك
دكتور : والله نعم نعم
مفيد فوزى : والراجل اللى بيقولى الاسعاف فضل يتصل بيها لما هلك وامه اتكلت
دكتور : ممكن والله تبع ضمير الواحد يعنى الانسان بتاع اسنى اسنان خير وانسان طيب البشر
مفيد فوزى : وايه اهمية ده اذا لم يقدموا خدمات ويستريح؟
دكتور :ماهو فى جزء على الانسان وجزء على الدولة
مفيد فوزى :ايه اللى على الانسان فى اسنا ؟
دكتور : الانسان يعنى مثلا يعامل ضميرة يبقى عندة طموح يسعى الى الافضل
مفيد فوزى :يسعى الى الافضل ايه يا دكتوروطالب كليه الزراعة بيقولى انا لما هخلص اروح فين يبقى متهيأ له هياخد وظيفة من ......
مواطن :انا اتذكر الدنمارك سنة 1904 كان عددها 4 مليون مصر كان عدد سكانها 4 مليون الان عددها 5 احنا 100 يعنى برضه فى جزء فى مشاكل تراكمية فى مصر عندنا سياسة الخطة المستقبليه نعمل سياسة الفعل ورد الفعل
مفيد فوزى :التليفزيون المصرى بيعكس مشاكل زى اسنا ؟
مواطن :لأ طبعا نهائى اه والاعلام الحكومى يعنى برضه عليه محاذير وعلامات استفهام والاعلام الخاص ايضا
مفيد فوزى : بمعنى ايه ؟
مواطن :لألألأ مش بيقدموا مشاكل حقيقية الاعلام الخاص تقدم صيغ للتشوية والحكومى بيجمل ده جزء من اللى شايفة
مفيد فوزى :وانتوا بين الاثنين حيرانين ؟
مواطن : اه طبعا
مفيد فوزى : لا عارفين الصح هنا ولا هنا
مواطن :ومفيش تواصل يعنى مفيش مثلا
مفيد فوزى :قول لى اخر مرة التليفزيون جه هنا وسجل معاكوا زى ما بسجل دلوقتى ؟
مواطن :القناة الثامنة طبعا قناة محلية
مفيد فوزى : جيه امتى ؟
مواطن :الكلام ده سنة 98 كان فى حادث اتوبيس
مفيد فوزى : اه يعنى جم جم انت قصدك تقول القناة الثامنة جت بناءا على الحادثة بتاعت
مواطن :بعض التلاميذ انقلبوا فى حادثة الاتوبيس حضرتك
فاصل
مفيد فوزى : دلوقتى لما يشوفوكى اهلك على التليفزيون وانا قاعد جنبك كده مش هينبسطوا ؟
مواطنة :اه
مفيد فوزى :بامانة ؟
مواطنة :ده اكيد طبعا يعنى
مفيد فوزى :مش هينبسطوا ؟
مواطنة :اه
مفيد فوزى :هو انتوا المجتمع ده هو انا قاعد كده فى جنينة هوانا بعكسك دا انا بكلمك يعنى بطلب اعرف منكوا انتوا هنا كامجتمع حاسين بانكوا انتوا تقدروا تتحرروا من نفسكم والا عيب بصراحة
مواطنة: كان زمان صعب وخالص عيب انما حاليا لأ
مفيد فوزى :يعنى انتوا زمان انتوا زمان ما كنتوش تخرجوا بره؟
مواطنة :كان صعب لأ كان صعب حتى لو خرجنا يبقى صعب انما دلوقتى غير كده من ساعة تغير المحافظ
مفيد فوزى:سيبك من تغيير المحافظ اسمعينى هقولك على حاجة كون بقى فى محافظة جديدة مش معناها بين يوم وليلة الدنيا اتغيرت يا خرابى انا نفسى افهم الناس لما بتتكلم فى التليفزيون بتتكلم فية ازاى يعنى يقولك انه من ساعة المحافظ ما جه حصل وحصل ومع انه فى المشكله هى مشكله معنوية مش مصنع اتبنى بين يوم وليلة دى مشكله اخلاق وترتيب وثقافة ونمط بتشتغلى ايه ؟
مواطنة :انا موظفة فى مجلس مدينة اسنا
مفيد فوزى :ناظرة؟
مواطنة : موظفة فى مجلس المدينة
مفيد فوزى : مجلس المدينة ده عمل شئ للبلد ؟
مواطنة :اه عمل
مفيد فوزى : عمل ايه دا المستشفى خربانة والمدارس غلبانة ؟
مواطنة : مش كده دلوقتى بدا
مفيد فوزى : يا ستى سيبك من بدا دلوقتى انا عايزاعرف الحقيقة ؟
مواطنة :الحقيقة ان هما
مفيد فوزى : الحقيقة فى الهمس سيبك من البداية
مواطنة :هوفى البدايه هو اسنا زمان كانت مدمرة خالص
مفيد فوزى :طبعا دى موظفة فى مجلس المدينة ويوم السبت هتروح يقولوا لها مع السلامة طالعة تشتمى مجلس المدينة فى التليفزيون تقول لهم طب اعمل ايه ؟
مواطنة :اعمل ايه فا قولى له بدأ قوم تخرجى من المطب
مفيد فوزى : اسمك ايه ؟
مواطنة :هناك محمد النوبى
مفيد فوزى : بتشتغلى ايه يا هناء؟
مواطنة : شغالة فى المعرض ده المعرض السنوى
مفيد فوزى : عندك كام سنة ؟
مواطنة : عندى 19 سنة
مفيد فوزى : اتجوزتى فى حد متكلم عنك؟
مواطنة : كنت مخطوبة واتفكت الخطوبة
مفيد فوزى : ليه ؟
مواطنة :مشاكل عائلية وكده
مفيد فوزى :ليه فهمينى مشاكل عائلية ايه نوعها اللى تحصل فى اسنا؟
مواطنة :لأ يعنى شاب مفيش شغل موظف كان معايا هنا فى المعرض الاشكالات مفيش وظايف
مفيد فوزى :اهلك قالوا ايه ؟
مواطنة :اهلى قالوا ما ينفعش مش بانى مثلا او ما بنيش بيت او كده فاهم انت ازاى مفيش فلوس مفيش دخل شغال اللى طالع زى مصاريف مفيش دخل ان هو يبنى مثلا او يجيب شقة او كده
مفيد فوزى :وانتى كنتى حبتية ولا حاجة ؟
مواطنة :اه
مفيد فوزى :حبيتية ؟
مواطنة :اه
مفيد فوزى : 4 سنين ؟
مواطنة : اه
مفيد فوزى : كنتى بتحبية واهلك عارفين ؟
مواطنة : لأ مش عارفين السنتين الاخرنيين
مفيد فوزى :وطب ما هو معاكى فى الشغل فا انتوا بتتبادلوا النظرات فى الشغل
مواطنة لأ مكنش فى اى حاجة كان عادى يعنى
مفيد فوزى : ما انا عارف هو انا قلت حاجة تبادل النظرات ده حاجة خيبة
مواطنة :لأ طبعا مفيش حاجة
مفيد فوزى : انتى بتحبية ؟
مواطنة :اه
مفيد فوزى :انتوا كنتوا بتتكلموا مع بعض ؟
مواطنة : كنا بنتكلم فى حدود الشغل
مفيد فوزى : ما انا فاهم
مواطنة :فى حدود الشغل فاهم انت ازاى
مفيد فوزى :يعنى واحد هيتزوجك هتتكلموا فى حدود الشغل ما بيقولكيش كلمة حلوه؟
مواطنة : اه كان يعنى ساعات بس فى حدود انا ماكنتش اقولة بعدين بعد الجواز قول اللى انت عايزة فى حاجات مايقدرش يقولها
مفيد فوزى : زى ايه طيب فهمينى علشان اعرف البنت فى اسنا اه ؟
مواطنة :كنت باقبل منه مثلا البسى كذا واعملى كذا روحى بدرى الكلام ده مايقولش انا بحبك 24 ساعة ولا وحشتنى ولا الكلام ده
مفيد فوزى : بتاع الاغانى الكلام ده بتاع الكليبات
مواطنة :اه
مفيد فوزى : ما بيقلوهوش هناك فى اسنا؟
مواطنة : لأ وممكن يكون فى ناس بتقولوه فى ناس وناس لأ
مفيد فوزى : واول ما اكتشفتى ان هو غلبان سنكوح هو سنكوح كلمة صح؟
مواطنة : لأ هو مش سنكوح هو بس الظروف مش مسعداه
مفيد فوزى : مش سنكوح يعنى شخص سيئ
مواطنة : لأ طبعا مش سنكوح مفيش فلوس بس مفيش شغل باقى عشان ما ينفعش ارتبط بيه
مفيد فوزى :اهلك بقى هما اللى قالوا لك ولا انت ؟
مواطنة :لأ اهلى طبعا
مفيد فوزى : وانت كنت مستعدة تعيشى معاه؟
مواطنة :اه استناة اة على اى حاجة بس ما ينفعش لان مفيش فلوس ان هو يبنى او يتجوز
مفيد فوزى : ايه حكاية يبنى هولازم يبنى يعنى الشخص اللى هتتجوزية هنا ؟
مواطنة : البيت بتاعة
مفيد فوزى : عشان خاطر تعيشى معاه ؟
مواطنة :ممكن لو اخذ شقة ممكن ما يقدرش على ايجارها
مفيد فوزى :فلازم يبنى ؟
مواطنة :فلازم يبنى البيت بتاعة او اوضة صغيرة فى البيت
مفيد فوزى :عشان تعيشوا فيها؟
مواطنة :عشان نعيش فيها واوضة صغيرة مش اكثريعنى
مفيد فوزى : عاوزك تقولى ايه مشاكل اسنا كا رجل عاقل كشاب جامعى؟
مواطن :هى مشاكل اسنا كثيرة جدا طبعا تنحصرفى حاجة واحدة بس
مفيد فوزى : اتفضل
مواطن :او حاجتين 00 هو السبب الرئيسى فيها ان احنا كاطلبة مثلا فى جامعة القاهرة كليه الزراعة يعنى بعد ما بنتخرج مستقبلى هيبقى ايه بالنسبة للارض الصحراوية فوق لو انت حضرتك رحت فوق مساحة كبيرة جدا من الاراضى الصحراوية انهاردة انا باطلب من الحكومة الكهربة لسة ما وصلتش المنطقة الصحراوية مع انها قريبة ولسة يعنى 10 كيلو ان 12 كيلويعنى 10 كيلو تقريبا يعنى فا انا دلوقتى لما اخلص وربنا هيكرمنى واخذ البكالوريوس هقعد بيه كدا
مفيد فوزى : انت عايز تعمل ايه ؟
مواطن : انا عايزاخذ شهادتى علشان اخدم البلد
مفيد فوزى : انتوا اسنا بلد زراعى ؟
مواطن : هى اساسا اساسا اسنا بلد زراعى
مفيد فوزى : هل المصنع بتاع السكر بتاع ارمنت فى ارمنت حاجة ثانية غيركوا؟
مواطن :بلا شك مفيش عندينا اى مصنع ولا اى حاجة علشان الشباب اللى انت شايفة ده كله حضرتك ده شباب مفيش اى واحد فيهم لو سألتة يا اما شغال ميكانيكى يا اما شغال صنيعى يا اما حرفى زى ما هو قال لك
مفيد فوزى :هو انا بكلمة هو
مواطن : ماشى حضرتك
مفيد فوزى :انت مش طالب فى كلية الزراعة وتفهم يعنى ايه اداب الحوار؟
مواطن : طبعا
مفيد فوزى : كلمتة ولا اكلمك
مواطن :هما نبض الشعب وهما اللى هيكلموا حضرتك
مفيد فوزى : هو انت هترشح نفسك فى التليفزيون انت هترشح نفسك ؟
مواطن : لأ
مفيد فوزى :اول مرة تتكلم فى التليفزيون؟
مواطن :اول مرة اتكلم فى التليفزيون
مفيد فوزى : يبقى تكلمنى ترد على سؤالى مش انت بتلجا لصديق ولا ايه فى المناقشة اد كده مش قادر تكمل كلامك
مواطن :مش هو بالنسبة لى انا الموقف اللى انا واقف فية دلوقتى ؟
مفيد فوزى :اه
مواطن :عيب عليا
مفيد فوزى :اللى هوايه ؟
مواطن :اول مرة اتحاورمع واحد زى حضرتك فى التليفزيون
مفيد فوزى : طيب افتح قلبك عشان كده
مواطن : ماهو اللى شفتة كده ده كله ده مش معبر
مفيد فوزى :ايوا انا عايز اعرف منك ا نت انا ليه خليت النا س تشوفك لانك شخص بيفكر ايه دورالشاب المثقف انه يحكى عن تجارب البلد دى لان البلد ديت اساسا الشباب اللى انت حضرتك شايفة ده كله محتاج اول حاجة محتاج ينشأ مصنع باسم الشباب ده كله قول لى مين راجل اعمال غنى من اسنا ؟
مواطن : لأ راجل اعمال لأ
مفيد فوزى :انا باتكلم وعايش فى مصر يعنى زى مثلا ما اقول ايه ساوريس الكبير من اسيوط فانا بطالبة ان هو يعمل حاجة فى اسيوط مين من اسنا راجل اعمال فى مصراغنى راجل اعمال فى اسنا مين
مواطن :اغنى راجل اعمال
مفيد فوزى :ولا ملهاش اى صلة بالغنى ؟
مواطن :غثاءا كالسيل
مفيد فوزى :ايه ؟
مواطن : غثاءا كالسيل
مفيد فوزى : مفيش ؟
مواطن : فى بس مين حضرتك رجل اعمال يعمل منشاة او مصنع
مفيد فوزى : ماهو هيعملها لمين هيعملها للبلد لاسنا ؟
مواطن: ماهو لو البلد دى اصلا فيها مصنع والا منشأة زى ما انت قلت حضرتك انهاردة هيبقى فى الحالة الاجتماعية ناس هتبقى احسن من كده وبالتالى لما اجى انزل مجلس الشعب اترشح ا نا قال لى هو هينزل اصادى ما انا عاوز حال البلد زى ما هو كده عايز حال البلد زى ماهو كده
مفيد فوزى : من السوء
مواطن :ميتهيأ لى كده
مفيد فوزى : مش شايف اى وضوح؟
مواطن :عايز اتجوز من اى انسانة مش عارف اتجوز 31 سنة مش عارف اتجوز لحد دلوقتى مش عارف اوجد شقة ليا 31 سنة اخر حاجة عملتها كانت قلت عشان يبقى فرصة فى الحكومة يمكن يمكن بعد ما سنى يبقى 50 سنة ولا 60 سنة كده القى لى حل
فاصل
مفيد فوزى : المعبد ده معبد الالة طامون معنا اساسى رئيسى بالنسبة للسائح اللى بيجى اسنا طبعا بيتقال لى كثير عن قيمتة الاثرية واهميتة ولكن ما اعرفش هل هو مش عارف اقولها ولا لأ فى شاعرقال زمان انه احيانا ممكن تبقى وردة مزروعة جوا مزبلة معرفش اذا كان الكلام ده صحصح ولا مؤذى والا لأ انا باتناقش مع كبيرمفتشى اثار هذه المنطقة نلقى ضوء يمكن نعرف يمكن مدرسة فى مصر تخرج تزورة لانه واضح انه شئ خطير للغاية اثرية فهمنى ايه اهمية المعبد ده
مواطن :ترجع اهمية المعبد الى العصرالبطلامى الرومانى ويرجع تاريخة الى عصرالدولة القديمة عصرالفخار الاول وعصرمانوس عصر سانوسرت الاول وذكرسانوسرت تحولات للكرنك اللى هوبنى معبد فى المدينة فى اسنا فامباشى للمعبد غير الصالة ديت تاريخها عصر هيركرومر العصر البطلمى
مفيد فوزى :ايكا دى جت منين؟
مواطن:اسم قديما فى العصر الفرعونى باسم طاسنى
مفيد فوزى : طاسنى وبعدين؟
مواطن:طاسنى دى باللغة الهيروغلافية القديمة تعنى ارض العروبة ده كان طريق بيربط ضرب الاربعين الذى كان بيربك بين مصر والسودان ثم سميت بالعصر البطلمى باسم حاكى بليس اى مدينة السمك سمكة كبيرة سمكة قشربياض التى كانت تشتهر بها اسنا
مفيد فوزى :فى المكان ده اسنا دى كانت تشتهر زمان باسم لسمكة قشرالبياض اشمعنى بالتحديد السمك ده ؟
مواطن : بيوجد فى المنطقة دى فى النيل وفى جبانة على بعد
مفيد فوزى : جبانة للسمك المحنط ؟
مواطن : اه جبانة للسمك المحنط
مفيد فوزى : واخيرا سميت اسنا ؟
مواطن : سميت باسنا من العصرالقبطى
مفيد فوزى :ايه اهمية من الناحية الاثرية هذا المعبد طريقتة غريبة قوى عمرة كام سنة؟
مواطن :هوالصالة دى عمرها حوالى اتبنت حوالى 70 قبل الميلاد
مفيد فوزى : تقريبا كام سنة ؟
مواطن :2000
مفيد فوزى :2000 سنة وباقى على هذا الشكل ؟
مواطن : بالضبط دى الصالة الاخيرة
مفيد فوزى : ومعملتوش ترميم او شئ من هذا القبيل ؟
مواطن : لآ فى ترميم
مفيد فوزى : ترميم طب الاعمدة بتاعتة ايه قيمتها الاثرية دى؟
مواطن :هو بيتمتازالمعبد ده ان هو مكون من 24 عامود الصالة دى بتتميز بان كل تاج عامود بيختلف عن الثانى ودى ميزة مش موجودة فى اى مكان اخر
مفيد فوزى : غريبة كل عامود كل تاج عامود يختلف عن الثانى
مواطن : اه
مفيد فوزى : قول لى السياح بيجوا هنا كثير ؟
مواطن : هو زمان كانوا بيجوا هناكثير
مفيد فوزى : كان زمان ؟
مواطن : اه
مفيد فوزى : دلوقتى ؟
مواطن : لألألأ خف العدد
مفيد فوزى : ايه السبب ؟
مواطن : ده مكان الهاويس بتاع اسنا فى هاويس واحد من لحظة ما عملوا اثنين هاويس لاسنا كانت البواخر بترسى هنا من بعد ما عملوا 2 هاويس البواخر بطلت وبتمشى مباشرة
مفيد فوزى :طب هل فى دعايه لأزمة لهذا المعبد المهم يعنى المعبد ده لو كان فى اى مكان فى الدنيا كان بقى له حدوتة
مواطن :هو المعبد
مفيد فوزى : ولا جوا مكان زى اسنا محدش دريان بيه ولا عارفة ؟
مواطن :هو فقير المناطق اللى حوالين المعبد زى ما انت شايف سياتك كلها عبارة عن عشوائيات
مفيد فوزى : حتة غلبانة
مواطن :فقير جدا يعنى
مفيد فوزى : علشان خاطر ياخذ مكانة ؟
مواطن :طبعا
مفيد فوزى : انت بتاخذ ان الاثر لازم يبقى محوله مش عشوائى
مواطن :لان الاثر مرتبط بالمكان اللى حولة كله والمكان اللى احنا فية دوت عبارة عن بوابة اثرية جرجا فى مثلا معبد من العصر الفرعونى الكنيسة من العصر القبطى
مفيد فوزى : فين الكنيسة ؟
مواطن : بقايا الكنيسة من العصر القبطى
مفيد فوزى : دى بقايا الكنيسة ؟
مواطن : بالضبط كده
مفيد فوزى :بس مازالت زى ماهى ؟
مواطن : زى ماهى وكانت من العصر العثمانى
مفيد فوزى : بيقولوا لى ان اليونسكو شاف معصرة هنا؟
مواطن : معصرة لعصر الزيوت
مفيد فوزى : وطلب ان يحتفظ بيها
مواطن : بالضيط كده هى موجودة على بعد حوالى 200 متر من هنا
مفيد فوزى : اهميتها ايه ؟
مواطن : دى كانت بتستخدم قديما والى الان فى عصر الزيوت زيت السمسم وزيت الخص
مفيد فوزى : طريقة بدائية ومع ذلك برضه يحتفظ بيها
مواطن :يحتفظ بيها لفترة قريبة جدا فى مدينة اسنا كانت الزيوت عبارة عن العصريعمنى كانت تعتمد مدينة اسنا على الصناعة الذاتية بتاعت البلد ايام عصر الزيوت كان فى المسابغ هنا كان فى قاعات للنسيج
مفيد فوزى : كان كل ده ؟
مواطن : كل ده راح
مفيد فوزى : الان ؟
مواطن : مفيش
مفيد فوزى : بتشتغل ايه يا حاج؟
مواطن : انا على المعاش صاحب ارض وصاحب ورشة ميكانيكا
مفيد فوزى : الله انت من الاعيان يعنى ؟
مواطن :لألألأ مش الاعيان ولا حاجة احنا ناس على الله
مفيد فوزى : مادام عندك اطيان تبقى من الاعيان مش كده ولا ايه ؟
مواطن :لأ ابدا مش من الاعيان الاعيان
مفيد فوزى :ايه الاعيان بقى ؟
مواطن : الاعيان مثلا الاعيان المجاهدية الاعيان الرواجح دى الاعيان اللى هى عندها 100 فدان و200 فدان لكن الراجل ابو فدان وابو قيراطين وابوخمسة
مفيد فوزى : انت عندك اد ايه ؟
مواطن : حسبة فدانين
مفيد فوزى : اه بيجيبوا لك اد ايه ؟
مواطن :لأ ما بيجيبوش دا جنب منهم عايشين دا السماد غالى وقبل كده مفيش الا بيدوك شركة السكر ما بتجبش حق المسافة بتاعت القطار
مفيد فوزى : غالبا بتزرع ايه ؟
مواطن : قصب
مفيد فوزى : بس؟
مواطن : بس
مفيد فوزى : طب ما انت بتبعتة ارمنت ؟
مواطن : ما بنبعتة ارمنت هما ما بيدوكش ما بيدوكش الثمن اللى هو
مفيد فوزى : كل اللى بيبعتوا ارمنت ما بيدوش الثمن اللى عايزينة؟
مواطن :هو عامة لشركة ما بتديش حد اللى هو البنى ادم اللى يكفى المزارع نفسه
مفيد فوزى : اه ايه رأيك فى الاحزاب فى مصر ؟
مواطن :الاحزاب كل حزب بيعمل اللى هو عايزة
مفيد فوزى : انت منتمى لحزب من الاحزاب ؟
مواطن :معندناش احزاب احنا
مفيد فوزى :خالص
مواطن : خالص ولا حد يعرف ايه سياسة يعنى
مفيد فوزى : ليه مش عندكم تليفزيون مش عندكم ؟
مواطن :عندنا تليفزيون
مفيد فوزى : ما بتبصش على التليفزيون ؟
مواطن :بنبص على التليفزيون وبنشوف سياتك وبنشوف غيره
مفيد فوزى : ولا انت بتقعد تتفرج طول الليل على الافلام ؟
مواطن :لألألألألألألألألألألألألألأ
مفيد فوزى : فيلم ورا فيلم ورا فيلم
مواطن : دا انا من ضمن الناس اللى بتابع القنوات الفضائية كلها ما بشفش الافلام بشوف النشرة بشوف المأساة اقربها انهاردة يعنى
مفيد فوزى :ايه المأساة انهاردة فى مصر او ايه المشكله السخنة اللى فى مصر انهاردة ؟
مواطن :المشكله السخنة اللى فى مصرانهاردة محدس حاسس بالناس
مفيد فوزى : اه ه ه ه ه ه ه
مواطن : محدش حاسس بالناس
مفيد فوزى :تفتكر ليه ؟
مواطن : من غير ليه هى رجال الاعمال اللى مسكت دلوقتى الحكومة والكلام ديت هما دول اللى مسيطرين على البلد
مفيد فوزى : ودول مش حاسين بقى ؟
مواطن :مش حاسين 00 مش حاسين اللى عندة لحمة فى الثلاجة مش دارى اللى بيتغدى طعمية مين
مفيد فوزى : اه مش دريان اللى اتغدى طعمية مين
مواطن : اه
مفيد فوزى : الا انت بتتغدى طعمية يا حاج؟
مواطن : دا انا ياريت لاحق الطعمية مفيش ملحجهاش 00
مفيد فوزى : تفتكر ايه اللى يخلى الحال فى بلد زى اسنا يتحرك اكثر؟
مواطن : دا احنا لما بننزل مصر مفيش حد عارفها فين اسنا دى وتبع ايه
مفيد فوزى : يعنى مش معروفة على الخريطة ؟
مواطن : الاقصر معروفة اسوان معروفة نط على طول على اسوان يجى يقولك انا من اسنا يقولك ايه اسنا دى تبع ايه اسنا 000