أومليت البطاطس على "سفرة دايمة"

النهارده هنعمل مع بعض أومليت البطاطس ليكي ولأفراد أسرتك..

أومليت البطاطس
المقادير:
5 ثمرة بطاطس مقطعة لشرائح رفيعة
1⁄4 ملعقة صغيرة فلفل أسود
1⁄4 ملعقة صغيرة قرفة
1⁄2 ملعقة صغيرة ملح
2 ملعقة كبيرة زبدة
4 فص ثوم مفروم
ثمرة بصل مفروم
6 بيضة

الطريقة:
1- سخني الزيت على النار وضيفي عليه شرائح البطاطس وسيبيها على النار لحد ما يبقى لونها ذهبي، وبعدين شيلي البطاطس على جنب.

2- سيحي الزبدة في نفس الطاسة اللي حمّرتي فيها البطاطس، وبعد كده ضيفي البصل والثوم وقلبيهم لمدة دقيقتين على النار، وبعد كده ضيفي عليهم البطاطس واستمري بالتقليب لمدة 3 دقائق.

3- اخفقي البيض والملح والفلفل الأسود والقرفة باستخدام مضرب اليد، وبعدين حطي الخليط ده على البطاطس وسيبيهم مع بعض على النار لحد ما يتجانسوا ويبقى على شكل قرص.

4- اقلبي أومليت البطاطس على الناحية التانية بحيث يستوي كويس وبعدين قدميه.. وبالهنا والشفا.

خلصت وصفتنا النهارده..
استنونا كل يوم مع وصفات جديدة..
سلام،،،