ستيك بالمشروم وصوص الصويا على "سفرة دايمة"

ستيك بالمشروم وصوص الصويا
المقادير:
4 قطع شرائح لحمة ستيك
3 ملعقة كبيرة صويا صوص
ملعقة كبيرة كريمة لباني
3 فصوص ثوم مهروس
1⁄4 فنجان صغير خل
2 ملعقة كبيرة دقيق
2 ملعقة كبيرة زبدة
عصير 2 ليمونة
بصلة مفرومة
كوب مشروم
ثمرة فلفل
كوب ماء
ملح وفلفل
الطريقة:
1- انقعي شرائح اللحمة في الصويا صوص والخل والليمون والثوم والملح والفلفل، وسيبيها لمدة 4 ساعات على الأقل، وممكن تسيبيها في الثلاجة لغاية تاني يوم علشان تتشرّب من التتبيلة.
2- حمّري اللحمة في الزبدة على الجانبين، وارفعيها من على النار وحطّيها على جنب، وحمّري البصلة في نفس الطاسة لحد ما يبقى لونها ذهبي، وضيفي عليها المشروم والفلفل والدقيق والميه، وسيبيهم مع بعض على النار لغاية ما الخليط يغلي.
3- ضيفي شرائح اللحمة على الخليط ده، وسيبيهم مع بعض على نار هادية لحد ما اللحمة تتشرب تماما من الخليط، وفي الآخر ضيفي عليهم الكريمة، وسيبيهم على النار لمدة دقيقة، وبعد كده ارفعي اللحمة من على النار، وقدّميها مع أرز أبيض.. وبالهنا والشفا.
خلصت وصفتنا النهارده..
استنونا مع وصفات جديدة كل يوم..
سلام..