سمك فيليه بصوص البرتقال على "سفرة دايمة"

أعدّها لكم: نيرة أحمد
النهارده هنعمل مع بعض سمك فيليه بصوص البرتقال ليكي ولعيلتك، وممكن تقدّميه مع الرز الأبيض.
سمك فيليه بصوص البرتقال
المقادير:
1⁄2 كيلو شريحة سمك فيليه
1⁄2 ملعقة صغيرة فلفل أسود
1⁄4 كوب زيت زيتون
2 ملعقة صغيرة ملح
مقادير الصوص:
عصير 3 ثمرة برتقال
1⁄2 كوب سكر
1⁄2 كوب ميه
الطريقة:
1- لعمل الصوص: حطي الميه على النار وضيفي عليها السكر وسيبيها لحد ما تغلي، وبعد كده ارفعي الخليط من على النار وسيبيه على جنب يهدأ، وبعدين ضيفي عليه عصير البرتقال بالتدريج وقلبيهم وسيبيهم على جنب.
2- تبلي شرائح السمك بالملح والفلفل الأسود، وبعدين سخّني باقي زيت الزيتون في الطاسة على النار وشوّحي فيه شرائح السمك على الناحيتين لحد ما يستوي، وبعدين ارفعي السمك من على النار وضيفي عليه الصوص وقدّميه.. وبالهنا والشفا.

خلصت وصفتنا النهارده..
استنونا كل يوم مع وصفات جديدة..
سلام،،،