سمك بصوص الزبدة والليمون على "سفرة دايمة"

أكلتنا النهارده في "سفرة دايمة" سريعة وخفيفة..

هتكون عبارة عن سمك فيليه بصوص الزبدة والليمون.
سمك بصوص الليمون والزبدة
المقادير:
* كيلو سمك فيليه
* 1/ 4 كوب زيت زيتون
* ملعقة كبيرة ثوم مفروم
* 1/ 2 كوب عصير ليمون
* 1/ 4 كوب زبدة
* كوب دقيق
* ملح وفلفل
* ملعقة صغيرة شرايح فلفل أخضر أو أحمر حار
الطريقة:
1- تبلي الدقيق بالملح والفلفل وقلبي فيه قطع الفيليه، وبعدين شوحيه في الزيت لحد ما يستوي، وبعدين ارفعيه من النار واحتفظي به دافئا.
2- في نفس الطاسة سيحي الزبدة لحد ما لونها يغمق قليلا، وشوحي فيها الثوم والفلفل الحار وعصير الليمون، وسيبيه على نار هادية لمدة دقيقة.
3- بعد ما الصوص يتسبك صبيه فوق السمك وقدميه بالهنا والشفا.


خلصت وصفتنا النهارده
استنونا مع وصفة جديدة
وابعتوا لنا كل طلباتكم على سفرة دايمة
سلام،،،