أقنع أهلك بأن اليتم ليس عيباً

أنا عندي مشكلة ومش عارف إيه حلها، أنا عاوز حد أتكلم معاه، عاوز حد يقول لي أعمل إيه.. أنا بحب واحدة أوي اتعرفت عليها من فترة بس فيه مشكلة إن هي من بيت أيتام وهي كويسة ومحترمة وبنحب بعض بس أنا والدي ووالدتي مش موافقين خالص وعاملين مشاكل كبيرة وبيقولوا مستحيل هنقول إيه للناس، بيقولوا هنقول إن أنت اتجوزت من ملجأ.. وبعدين أنا مش عارف أبعد عنها وحاسس إن أنا لو بعدت عنها هاظلمها وأنا بحبها وما ينفعش أظلمها خالص حد يقول لي أعمل إيه أتصرف إزاي هما عايزيني أبعد عنها بس أنا مش موافق، ولما حصلت مشاكل كبيرة أوي اضطريت أقول لهم موافق هابعد عنها بس لسه باكلمها وما بعدتش ومش هابعد أعمل إيه؟ يا ريت حد يرد عليّ يا ريت..
a