السلام عليكم .. انا هادخل في الموضوع على طول.. من 4 سنين أتعرفت على شاب كويس ، وحبينا بعض، واتفقنا على كل حاجة ؛ بس هو لسه بيدرس وأنا المفروض استناه واستحمل ظروفه. بس مع الأسف وقتها أنا كنت بحبه بعقلي بس، وهو كان بيحبني بكل حاجة فيه.. وفي الوقت اللي إحنا فيه مع بعض أتقدم لي ابن خالي، هو شاب كويس وجاهز ومن عيلتي، فوافقت عليه، وفهمت حبيبي إن أهلي فرضينه علية.. وأتخطبت له سنة.. وخلال السنة دي ندمت ندم عمري إن أنا عملت كده؛ علشان مالقيتش فيه اللي أنا عايزاة .. وسيبته ورجعت لحبيبي، وأنا جوايا معاهدة نفسي إن أنا هاكون ليه ومش هسيبه مهما حصل؛ علشان في البُعد ده أنا حبيبته أكتر.. يمكن كمان أكتر من حبه هو ليّ، وعاهدت نفسي إن أنا هستناه ولو 100 سنة. ودلوقتي رجع ابن خالي عايز يرجع لي تاني، وعايز يصلح من نفسه؛ بس أنا مش عايزاه خالص، وكل لما بيعدي الوقت بكره حياتي اللي كانت معاه أكتر .. بس أنا باعمل حاجة غلط دلوقتي؛ وهي دي اللي تعباني!! لما بيكلمني أنا بارد عليه ومحسساه إني ممكن أرجع لو حصل تغيير.. أنا كده مريضة ولا إيه؟؟! أنا بجد تعبانة أوي، ومش عارفة أعمل إيه؟؟ بيري فضفضة أعتذر للقراءعن أي لفظ سأكتبه بدون ( ذواق ) لكن لا أعتذر منك يا بيري , أنا مندهشة من كم النفاق الساكن داخل قلبك ومن كم التهاون بمشاعر الناس وبالإستهتار بمصير إنسان وثق بك إلى حد طلب الزواج منك , كيف لقلبك الجمع بين رجلين ؟ .. لقد ذكرت قائلة : (عاهدت نفسي إن أنا هستناه ) .. لا أعتقد أنك تعلمين قيمة العهد , الأفضل أن تتركي الإثنان وتعيدي إنشاء نفسك على المستوى الإنساني من جديد , وإتركي عباد الله يتزوجون ممن يستحقوهم , انت لست مريضة كما ذكرتي بل مستهترة وضميرك هو المصاب بمرض . راجعي نفسك وإتقي الله .
