منحرفة بدرجة جيد جدا

أنا عندي 23 سنة، عملت حاجات غلط كتير قبل كده زي مثلا إني أكلم أولاد ، أو أتعرف عليهم ، أو أقابلهم في أماكن عامة ، أو تليفونات بس مجرد كلام مش أكتر من كده ، بس مرة أتعرفت على دكتور من خلال الإنترنت ،
------------------------------------------------------------------------
وأتكلمت معاه علشان أسأله في مشكلة طبية , أنا نيتي كانت كويسة بس هو استغلني وكلمني كلام مش كويس، وطلب إني أعمل في نفسي حاجة مش كويسة ، وأنا ماكنتش فاهمة هو بيطلب مني إيه , كنت متخيلة إن دي حاجة تبع التشخيص أو المرض، ولما فهمت نواياه السيئة نصحته إنه مايعملش كده، وإن كده غلط، وأنا بنت محترمة وكويسة .. وبطلت أكلمه خالص، وكل الأولاد اللي كان ليّ بيهم صلة قطعت علاقتي معاهم لأني كنت بحب واحد، وكنت مرتبطة بيه، وكنت باكلمهم وأنا معاه بس لما أخدنا قرار الخطوبة وأتخطبت له قليت أوي في تعارفي على أي ولد بس ممكن أكون مامنعتش خالص , بس بعد الخطوبة بحوالي 6 شهور فعلا قطعت علاقتي بأي حد، وأي حاجة ييجي منها حاجة غلط علشان كنت بحبه ونفسي أتجوزه وكنت عايزاه يثق فيّ بس مع الأسف هو ماكانش عنده ثقة فيّ وكان دايما مقلق مني؛ حتى بعد ما تبت وحلفت له إني ماليش كلام مع حد، وإني مش عايزة غيره.
المهم قبل زواجنا بستة شهور دخل على حساب فيسبوك القديم بتاعي اللي كنت قفلته وشاف كل الحاجات اللي فيه وطبعا سمعني كلام سيئ جدا جدا؛ لدرجة إنه أتهمني بالزنا وإني مش بنت .. ودلوقتي خطوبتنا انتهت .. أنا نفسيتي مدمرة، أنا فعلا كنت إنسانة عملت أخطاء كتير؛ بس أنا والله محترمة ، وبنت ناس محترمين ، وكنت لما باغلط باندم وباتوب إلى الله ، وهو متخيل إن أنا بنت من بنات الشوارع والكباريهات.
أكمل حياتي إزاي؟ والظلم اللي وقع عليه مني وكلامه ليّ ؟ وإزاي أتوب إلى الله ، وأطلب منه تعالى إنه يغفر لي ، ومادفعش تمن أخطاء عملتها طول حياتي ؟؟ أرجوكم ساعدوني.
كاتي.
فضفضة
كيف تطلبين المساعدة وأنت كاذبة في رسالتك .. أعتذر عن لهجتي الحادة لكن رسالتك مستفزة لدرجة بعيدة , بدأتي كلامك بتعدد علاقاتك والتي إعتبرتيها بريئة على الرغم من إعترافك بوجود أشياء على الفيس بوك الخاص بك دفعت خطيبك على إتهامك بالزنا , إذن ما مستوى الحوار الذي دار بينك وبين ( البهوات ) أصدقائك الرجال ؟ .. وفي الوقت نفسه تصرين على إستغفالي أنا شخصيا وتدعين البراءة في ما دار بينك وبين الطبيب وأنك على جهل بما طلبه منك ! .. والمصيبة الأكبر في نهاية رسالتك تشكين من الظلم الذي وقع عليك وتدعين الإحترام .. أي ظلم تتحدثين عنه وأي إحترام ؟ .. وأنت محترفة في ممارسة الظلم على خطيبك وأهلك من بداية دخولك في علاقات أنت على دراية بدرجة إنحلالها ؟ .. للأسف أنت تطلبين المساعدة بالرغم من أنك محنكة في طرق ( الزوغان ) من هذه النوعية من الأمور .. إستغفري الله وإتقي الله في نفسك والناس .
نيفين حجازي