مراية الحب عمياء

السلام عليكم.. بجد مجهودكم رائع.
أنا مشكلتي طويلة شوية بس هاحاول أختصرها وإنتم تخيلوا معايا الوضع، أنا بقالي أكتر من شهر بافكر مش عارفة أوصل لحل، أنا بحب واحد جداً أنا أعرفه لأكتر من ثلاث سنوات؛ بس ما كانش في بيننا حاجة؛ بس من حوالي سنة ارتبطنا وحبيته جداً، عمري ما حبيت ولا اتعلقت بحد زيه، وهو كمان، وعشت معاه حوالي أول 4 شهور حلم، كنت مبسوطة جدا.
وبعد كده بدأت المشاكل؛ اكتشفت فيه عيوب كتير زي إنه ممكن يكون كذاب، وحصل مرة إننا اتخانقنا وضربني، وساعات لما بيتنرفز بيقول لي ألفاظ خارجة.
طبعاً حاولت أبعد بس ما قدرتش، وكان كل مرة يعتذر ويقول إنه ما كانش قصده، ومش هيعمل كده تاني، وقعدت الوقت ده كله أحاول أصلح فيه وأغيره.
كمان أنا مستوايا أعلى منه بكتير، وهو ساكن في حتة شعبية، يعني ساعات طريقة كلامه وأسلوبه يبقى عادي بالنسبة له؛ بس بيضايقني أنا، وحاولت أرفعه لمستوايا؛ بس كل ما يتغير وأحس معاه بتحسن أول ما نتخانق أحس كأنه رجع للأول تاني.
أنا بحبه أوي؛ ومش عارفة أبعد، وفي نفس الوقت مش مستريحة ولا مبسوطة. حواليا ناس كتير يمكن فيهم كل الصفات اللي أتمنى تبقى في حبيبي؛ لكن مش حاسة بيهم خالص.
أنا تعبت مش قادرة أبعد ولا قادرة أبقى مع حد تاني ولا مبسوطة معاه، أعمل إيه؟ أرجوكم ساعدوني، أنا بانهار؛ مع العلم إن هو بيحبني ووعدني إنه هيتغير عشان يريّحني؛ بس ده طبعا ما حصلش لحد دلوقتي، أرجوكم ما تتأخروش عليّ في الرد..

ghazal


صديقتي العزيزة
لن أبدأ كلامي معك بمحاولة تنبيهك إلى أنك منذ فترة طويلة تحاولين تغييره ولكن بلا نتيجة؛ فبمجرد حدوث أي صدام بينكما ترين الوجه الآخر لفتاك والذي لا تستطيعين التأقلم معه بأي شكل من الأشكال على ما هو واضح من كلامك.. ولكن دعينا نعكس الوضع، ولْتحاولي أنت أن تطلبي من نفسك أن تتغير لتصبح قادرة على تحمل فتاك كما هو، وأن تصبحي قادرة على تحمل إهاناته لك وضربه لك أحياناً، وأن تقنعي نفسك بأن الحياة ستكون ممكنة معه..
هل ستستطيعين ذلك؟!!
أستطيع الإجابة عنك مسبقاً؛ فلن تستطيعي ذلك أبداَ.. ولو أوهمتي نفسك الآن بأنك قادرة على ذلك لن تستطيعي تحمل الوضع بعد الزواج. كذلك الحال بالنسبة له؛ فهو لن يستطيع تغيير ما تربى عليه طوال عمره حتى ولو كان من أجل حبيبته؛ فالطبع يغلب التطبع، كما أن المشكلة أيضاً لا تكمن في مجرد اختلاف الطباع والمستوى الاجتماعي وحسب؛ ولكنه أيضاً كاذب وهذه الصفة هي من أكثر الصفات التي من شأنها أن تهدم أقوى العلاقات لأنها ستقضي على كل بذور الثقة بين الطرفين.
صديقتي العزيزة...
فلتفكري بعقلك قليلاً.. كيف تتفكرين في الارتباط بشخص استطاع أن يمد يده عليك؛ فمن يفعل ذلك ليس برجل تستطيعين الوثوق به في أي وقت من الأوقات. ونصيحتي لك هي أن تنهي هذه العلاقة اليوم قبل غد، وأن تبعدي بقدر استطاعتك، وإذا تقدّم لكِ شخص مناسب ومتكافئ معك؛ فلتفكري جيداً حتى تتمكني من اتخاذ القرار السليم.