وصفة سهلة ومغذية.. رز بالخضار والكبدة

النهارده هنعمل طبق الرز بالخضار والكبدة، جرّبيه وابعتي لنا رأيك فيه، وماتنسيش تقولي لنا على كل الوصفات اللي عايزة تعرفيها..
رز بالبسلة وكبدة الفراخ
المقادير:
* 1/ 2 كيلو رز مسلوق
* 1/ 2 كيلو كبدة فراخ
* حزمة كزبرة خضراء مفرومة
* 1/ 4 كيلو فلفل أخضر مقطّع صغير
* 1/4 كيلو خضار مشكّل (فاصوليا وبسلة وجزر)
* بصلة مفرومة
* ملح وفلفل
* كركم
* كاري
* زبدة
* ثوم
الطريقة:
1- شوّحي البصل والثوم مع الزبدة في طاسة على النار؛ لغاية ما البصل يستوي ويبقى لونه ذهبي، وبعد كده ضيفي الفلفل الأخضر.
2- قطّعي الكبدة قطع صغيرة، وضيفيها على البصل، وقلّبيهم كويس على النار لغاية ما الكبدة تستوي.
3- بعد كده ضيفي البسلة والفاصوليا والجزر مع التقليب، وبعدين ضيفي الكزبرة، وتبّليهم بالملح والفلفل والكركم والكاري.
4- ضيفي الرز على خليط الكبدة، وقلّبيهم مع بعض، واغرفيه في طبق التقديم.. وبالهنا والشفا.

خلصت وصفتنا النهارده..
استنونا كل يوم مع وصفات جديدة..
سلام،،،