خنتها مع صاحبتها بس ما اقدرش أعيش من غيرها!!

السلام عليكم ورحمة الله وبركاته.. أنا شاب عندي 25 سنة، وبحب إنسانة غيورة عليّ جدا وهي بتحبني بجنون؛ بس بسبب غيرتها ممكن كل شوية يحصل مشكلة، وأنا كنت متعود أيام الدراسة إني لي أصحاب بنات أو في العمل، وهي مش عايزة كده، بس أنا مش في لحظة هاتغير.

بس المشكلة دلوقتي إنها وضعتني في اختبار، وخلت زميلتها تكلمني.. في الأول رفضت، بس بتكرار الاتصال وسبب الخنقة من غيرتها -على الرغم إني مش قادر أعيش بعيد عنها أو اخسرها- كلمت صاحبتها، بس ماكنتش أعرف إنها صاحبتها، وهي دلوقتي عايزة تنهي كل شيء بينا، وقالت لأهلها إنها مش عايزاني؛ لأني كنت كلمتهم.

مش عارف أعمل إيه؟؟ بس أنا بحبها أوووي، والدنيا ضاقت بي؛ على الرغم من إنها استحملت وضحّت علشاني كتير. يا ريت تفيدوني بسرعة.

diaa


لو عايز تفضفض لنا دوس هنا