أنا خاينة.. ولّا هبلة ولّا مراهقة؟!

بجد مخنوقة موت.. يا ريت تفيدوني.. أنا محتاجة رأيكم جدا، أنا كنت أعرف واحد عن طريق خطيب واحدة زميلتي هو عنده 28 سنة وأنا عندي 18، وكان عاوز يخطبني، واتعرّفنا على بعض، وحصل انجذاب، بس كان غيور جدا، وحبني أوي، أنا الأول ارتحت له جدا، وهو مستعد يعمل أي حاجة علشاني، المهم مرة اتخانقنا لسبب ما، ورحت بعدها لخطوبة واحدة صاحبتي حضرتها، وهناك اتعرفت على واحد عنده 20 سنة ومعايا في الجامعة ولسه في سنة أولى، المهم اتعلّقت بيه جداً وهو متيم بيّ أوي، وكلّم أهله علشان يخطبوني، بس الأولاني ده رجع يكلّمني تاني وكلّم أهله، وباباه كلم أهلي، وجم عندنا البيت، المشكلة إني رجعت أكلمه كويس لما اتقدّم لي، وفي نفس الوقت بحب زميلي ده أوي، ومامتي عرفت، بس يا ترى لما يعرف إني هاتخطب حيعمل إيه؟؟ ويا ترى أنا خاينة ولّا هبلة ولّا مراهقة؟!! أنا أتمنى أكون أي حاجة غير إني أكون خاينة أنا مش عارفة أعمل إيه ساعدوني؟؟

R.A

لو عايز تفضفض لنا دوووس هنا