أنا مشكلتي كبيرة ومش لاقي حل فأرجوكم ساعدوني.. أنا عرفت بنات ونفسي أرتبط بواحدة وأحبها بجد وتحبني، وحصل ده فعلا؛ بس أول واحدة عرفتها كنت ناوي أرتبط بيها بجد.. بس مشكلتي بافكر في الجنس كتير، وبيجي وقت وأنا باكلمها أو أفتح معاها موضوع ألاقي عندها استعداد تتكلم معايا في الجنس لحد ما اتقابلنا.. وفضلنا شوية كده، وشلت موضوع الارتباط من دماغي؛ حسيت إنه ماينفعش أرتبط بيها. وحصل نفس الحوار مرة تانية مع واحده تانية؛ بس ماكنتش حبتها كنا أصحاب .. أنا دلوقتي سافرت بره، وقبل ما أسافر أتعرفت على واحدة، وكنا أصحاب بس هي كانت مرتبطة، وأخدت مني الميل بتاعي قبل ما أسافر .. بدأنا نكلم بعض لما سافرت، وأنا كنت عارف عنها إنها كويسة، وقالت لي إنها معجبة بيّ ومشدودة ليّ، وبدأنا نتكلم أكتر، وأتعودنا على بعض، وفتحت معاه نفس الموضوع؛ لاقيتها برضه عندها استعداد أنها تسمع مني الكلام ده، وموافقة عادي.. أنا معاك إنها في الأول كانت رافضة؛ بس دلوقتي عادي. المشكلة إن الإنسانة الوحيدة اللي قابلتها وماتكلمتش معها في الموضوع ده أتعلقت بيها جدا، والوحيدة اللي أتمنتها ليّ، والوحيدة اللي تعباني في حياتي بأسلوبها وطريقتها في الكلام، ممكن أكون مشدود ليها علشان مش زي الباقي!! مع العلم إني فكرت لقيت نفسي ماينفعش أرتبط بيها؛ لأسباب عائلية عندها .. أنا الموضوع عامل مشكلة جامدة معايا، ومش عارف آخد قرار، وطلعت عمرة؛ علشان ربنا يهديني وحصل.. بس رجعت تاني .. أنا سألت دكتور أمراض نفسية؛ قال لي: "المشكلة فيّ أسلوبك؛ بيقنع، وممكن تكون جذاب شوية، واللي عرفتهم بيحبوا يرضوك؛ علشان ماتضعش منهم" بس أنا مش مقتنع بكلامه؛ لإنه مافيش حد يقلل من نفسه علشان حد؛ بس هم مش وحشين، يعني من بيئة محترمه جدا، وفيهم ناس بتصلي كل الفروض، ممكن يكون ده مرض نفسي متعلق بالجنس؛ ولا علشان هم مايعرفوش الكلام ده، ومحرومين وما صدقوا سمعهوه ؟ !! أنا نفسي في حل يريحني، أنا مش باثق في حد، ونفسي أرتبط وأرجع أخطب وأتجوز زي الناس. dony فضفضة مشكلتك الحقيقية في أنك تربط بين الكلام عن الجنس وبين ( قلة الأدب ) , خلط الأمور هو سبب أزمتك الحقيقية .. من قال أن الحديث عن الجنس عيبا أو حرام ؟ .. إذن رجال الدين اللذين يقومون بتنوير الناس فيما يخص كل هذه الأمور مشكوك بضمائرهم ! .. لماذا نفترض سوء الخلق في الآخرين لمجرد الحديث عن الجنس ؟ .. للأسف نحن الشعوب الشرقية أغلب ما يحكمنا في أهم الأمور الحياتية هي الأعراف الموروثة من الفراعنة ثم تداولها اليهود لتصبح عادات يعتنقها الجميع بلا مناقشة و لا يصح الكلام فيها مما تسبب في نشر بعض المفاهيم الخاطئة بين الشعوب والتي كانت أقوى من تعاليم الشريعة نفسها في بعض الأحيان .. نصيحة لك أن تقرأ دينك وتفهمه صحيح الفهم . نيفين حجازي
