هو فعلاً شيطان دخل بينكما فاستعِذ منه.. وما تضيّعش حب عمرك

السلام عليكم ورحمة الله وبركاته.. الحقيقة أنا عندي مشكلة تعباني وشاغلاني والشيطان مش سايبني في حالي.
أنا الحمد لله خاطب وربنا يعلم أنا بحب خطيبتي قد إيه وباموت فيها إزاي، وأنا كمان متأكد إنها بتحبني جداً، ويمكن أكتر مني.
الحمد لله إحنا ارتبطنا بعد قصة حب جميلة وأنا بجد باحمد ربنا إنه كرمني بيها.. جمال وتعليم وتديّن وبجد مستحملاني ومتحملة ظروفي المادية ومعايا على المُرة قبل الحلوة.
المشكلة إن الشيطان داخل لي بيها إنها قدي في السن وناس كتير لامتني، إني ارتبطت بيها بسبب عدم وجود فرق في السن بيننا، وإن بعد كده هي هتعجّز بدري وأنا هاكون لسه شباب.
أنا كنت عارف الكلام ده من قبل ما ارتبط بيها؛ بس زي ما قلت أنا بحبها فعلاً، وكان نفسي أرتبط بيها ومش هاقدر أبعد عنها؛ بس تعبت، كل شوية الشيطان يوسوس لي وبقالي فترة مش مرتاح واللي مزعّلني أكتر إني عارف إنها بتحبني جداً وإنها ما لهاش ذنب في الكلام ده كله.
أنا بحبها جداً وعارف إني لو لفّيت الدنيا كلها مش هالاقي زيها؛ بس مش عارف أعمل إيه يا ريت لو تُفيدوني وتقول لي أستريح إزاي.
se7s

لو عايز تفضفض لنا دوس هنا