الفرق بين الحب والتسلط

أنا عندي 21 سنة ومخطوبة لإنسان بحبه جدا وعانيت كتير على ما اتخطبنا وليّ واحدة صاحبتي من 3 سنين البنت دي باحس إنها بتحبني جدا لدرجة إنها بتغيير عليّ من خطيبي وبتتضايق جدا لما أكلمه أو أخرج معاه وأسيبها، واتكلمت معاها أكتر من مرة وقلت لها لازم تفهمي إن ده خطيبي اللي حبيته واتمنيته ومن الطبيعي إنه يكلمني، ومن الطبيعي إنها لو بتحبني تفرح لي مش تتضايق، بس هي فعلا قالت لي إنها بتغيير منه عليّ، وإنها حاسة إنه واخدني منها لدرجة إنها بدأت تقلدني في حاجات كتير باعملها من اللبس أو الكلام يعني بقت غيرة وتقليد لأفعالي.
بس في الآخر باقول ده علشان هي بتحبني ومتعلقة بيّ، بس أنا بدأت أتخنق وكمان خطيبي مش بيرتاح لها وطلب مني إني أقلل تعاملي معاها بس أنا مش عارفة هي فعلا بتحبني ولا ده إيه؟ أبعد عنها وأسيبها ولا أفضل معاها لغاية ما ربنا يهديها؟ وهل ده فعلا حب ليّ ولا ده امتلاك؟ يا ريت تريحوني وتجاوبوا عليّ علشان فعلا الموضوع تاعبني، شكرا ليكم.
M