مش عارف أرجعلها ولا.. لأ ؟

السلام عليكم ورحمة الله وبركاته ..
أولاً أنا طالب في الفرقة الثانية في الجامعة، أنا اتعرفت على بنت من 6سنين لما كنا فى ثانوية عامة حبنا بعض ورحت خطبتها بس هى فى بلد وأنا فى بلد أنا بدرس وبشتغل عشان أكون نفسى وبروح كل شهر أعد يومين أو ثلات أيام على الحال دة من ساعة ما عرفتها جات فى الفترة الأخيرة بدأت المعاملة تتغير من نحيتها مفيش أى اهتمام كل اما اتكلم معاها ألقيها قاعدة على النت ومشغولة يا إما بتكلم صحبتها ومش فاضية على الرغم من انى برجع من الشغل تعبان عشان انا بشتغل بليل بصحى الساعة 5 عشان اتكلم معاها وهى مفيش لغاية ما جات قلتلى انا مبقتش بحبك بس المشكلة ان انت بتحبنى اوى وصعبان عليا والمشكلة انى مبغلطش فى حقها عشان تلاقى حجة تتعلل بيها بقولها هو ايه الى حصل بتقولى انا تعبت بشوف صحابى خطبهم او الى بيحبوهم بيخرجوهم ورايحين جايين معاهم والكلام دة قولتلها طب وانتى مش عارفة ظروفى من الاول قلتلى أنا قولت انى هستحمل وهكمل بس انا تعبت وانت صعبان عليا ومش عارف تكلم ممتها وتقولها وقلتلى اقولها انا قولتلها ماشى وكلمت ممتها وقولتلها على كل حاجة وممتها زعلان وبتلومها وبتقولى مش دة كان اختيارها تستحمل قولتلها معلش كانت لسة صغيرة سعتها واتفقت مع مامتها على كل حاجة وقولتلها نعدى فترة الامتحانات دى واجى انهى الارتباط بشكل رسمى لقيت خطبتى بتتصل بيا بتقولى الموضوع منتهاش …انا مش عارف اعمل ايه انا بحبها اوى اوى بس فى نفس الوقت كرمتى متسمحلييش انى اكمل معاها مش عارف اعمل ايه ياريت تردوا عليا بسرعة عشان انا تعبت
صديقنا العزيز
أخى الكريم ,من وجهه نظرى أعطيها فرصة تانيه ولا تنهى كل شئ فى لحظة, ولا تأخد المسألة كأنها مسألة كرامة طالما هناك حب متبادل فعليك أن تعطيها فرصة أخرى واثناء الفترة القادمة عليك إعاده تقييم تلك العلاقة وتقيس مدى قدرتكم على مواجهه المشكلات …وهل هى تحبك فعلاً أم كان حب مراهقة وعندما مر الوقت تغير الحال ؟
وخلال تلك الفترة حاول أن تتحدث معها وأن تبين لها أنه عندما يكون هناك فرصة سوف تجعلها تعيش كل ما تتمناه بل وأكثر اعطي الموضوع مسأله وقت لا أكثر وانه مش عدم اهتمام .وضع فى اعتبارك أن تصرف خطيبتك ممكن أن يكون ناجم عن ضغط نفسى ناتج من ما تراه حولها من أصدقائها وكيف هى علاقتهم بمن يربطون بهم.
ومن ناحيه أخرى عدم الانفصال سيفيدك لتركيزك فى فتره امتحاناتك ، استخر الله وإن شاء الله ربنا يقدرك الخير