الأول أنا باشكركم على الموقع ده.. وأنا بحبه أوي، تاني حاجة أنا عندي مشكلة أنا في واحد بيحبني بقاله أربع سنين وأكتر، وهو عارف إني مش بحبه، وقلت له عشان حرام طبعا أفهمه إني بحبه وأنا ما بحبهوش، هو كل شوية يكلمني وبيقول لي إنه ما بيقدرش يعيش من غيري، وبعدين ده مقصّر في دراسته أوي، وأنا باخد كل ده على نفسي وضميري بيتعبني أوي. حاولت كتير أحبه بس ما قدرتش، بس هو إنسان كويس ومحترم بس عيبه إنه قدي في السن أو أكبر مني بأقل من سنة وأنا سني صغير مش كبير، وكنت باخد درس عنده في البيت ولمّحت مامته لي إنه بيحبني بجد أنا مش عارفة أعمل إيه؟ بس هو في عيب إنه شتمني مرة بجد، وقال لي يا حيوانة وإني ما عنديش دم في وقت هو كان متنرفز فيه، أنا ممكن أستحمل عصبيته لكن لسانه الطويل لأ، وزعلت منه!! واتأسف لي ووعدني إنها مش حتتكرر تاني، وإنه كان متنرفز، هو بيكلمني دلوقتي على أساس إننا أصحاب، وهو عارف إني مش بحبه، ساعدوني بقالي أربع سنين حاسة إني بادمر حياة واحد ما لوش ذنب غير إنه حبني؟ آسفة إني طولت أوي عليكم. مجهول لو عايز تفضفض لنا دوووس هنا
