محتارة بين صاحبي وخطيبي

أنا بنت مخطوبة بقالي سنتين، بحب خطيبي أوي وهو بيحبني ، بس المشكلة إن رغم الحب ده لكن حياتي من ساعة ما عرفته ماشية غلط واتغيرت للأسوأ وبس , فيه أخطاء كان
بيعملها خلتني فقدت الثقة فيه تماما، وفي يوم ضفت على إيميلي بعض الأسماء مشابهة لاسمه كان فيهم واحد كلمني مرة من سنة من ساعة ما ضفته. اللي حصل بقى إنه كلمني تاني من شهرين ولحد دلوقتي لسه بنتكلم .. المهم اتعرفنا على بعض ولقيته إنسان جميل غيّر لي حياتي للأحسن، حسسني بقيمتي، إلى جانب إن كل حاجة متشابهين فيها في الفكر والشخصية والعقل، لدرجة إنه كان بيقول الحاجة قبل ما أقولها، وكمان كل حاجة حصلت له في حياته نفسها حصلت لي .. كل حاجة بنتفق فيها، مبادئ كل واحد فينا كان متخيل إنه هو الوحيد اللي ماشي بيها؛ لأن مافيش حد بيمشي فيها دلوقتي طلعنا إحنا الاتنين بنمشي بيها زي بعض، لدرجة إننا قلنا إننا مش بنختلف في أي حاجة إلا إني بنت وهو ولد.. وهو كمان إنسان متدين أوي ومحترم وحصل حوار بيني وبينه على الموبايل وكان في قمة الأخلاق معايا، هو عارف إني مرتبطة بس المشكلة إننا مش عارفين إحنا بنكلم بعض ليه.. كل واحد فينا مالوش أصحاب، وكل واحد فينا بيفهم التاني أكتر من أي حد في حياته.
أنا أتعلقت بيه أوي وهو كمان، لدرجة أننا مش عارفين بنكلم بعض ليه، كل واحد فينا على قد ما هو مرتاح في كلامه مع التاني إلا إننا متضايقين إننا بنغضب ربنا وهو خايف عليّ علشان باخون خطيبي، لكن مش عارفين نبعد عن بعض.. بيهتم بيّ وبيحترمني .. أنا مش عارفة أعمل إيه أنا باضيع وخطيبي حاسس إني متغيرة، أنا بحب خطيبي أوي بس إحساسي إنه هو اللي غيّر لي حياتي للأسوأ، وإن التاني هو اللي رجّع لي نفسي إلى حد ما محيرني.. أنا تعبت أرجوكم أي ردّ بالله عليكم .
ت . ف
فضفضة
بسم الله الرحمن الرحيم {وَزَيَّنَ لَهُمُ الشَّيْطَانُ مَا كَانُوا يَعْمَلُونَ} .. ما أراه بوضوح وما أمرنا به ديننا أن لا يخطب رجلا على خطبة أخيه .. وبالنسبة لرؤيتك وتقييمك لخلقه , أنا لا أرى الأخلاق في تصرف هذا الرجل ولا أرى أي إحترام يحمله لك بدليل أنه لم يحمل إحتراما لنفسه عندما قبل التعارف من الأساس , وللأسف ربما إعتمد في ترجمة نفسه أمامك بشكل يصب في صالحه في النهاية بفكرة الإيحاء لك بأنكما متوافقان لدرجة التطابق , هذا الأمر يسهل على أي شاب صناعته بحكم ما أظهرت له من جوانب شخصيتك الحالمة , راجعي نفسك وسلوكك وراجعي درجة قبولك لخطيبك كي لا تظلمي إنسان ربما يحمل لك الخير كله وما تتصوريه بخصوص الصديق مجرد أوهام , ليس من الخطأ أن يميل الإنسان بمشاعره تجاه شخص بعينه بل الخطأ أن نخلط الأمور وننسى حقوق الناس أثناء إنشغالنا بمشاعر قد تبدو في بدايتها طيبة , نصيحة .. إسألي صديقك ماذا سيفعل إن قمت بفسخ الخطبة , أعتقد ستجدين في رده إجابات على كل الأسئلة التي تدور برأسك . وبالله التوفيق .