أنا محتاجة حد يساعدني، أنا مخطوبة لقريبي وكنت بحبه قبل الخطوبة واتخطبنا عن حب، هو عصبي أوي وأنا كنت باستحمله بس تعبت بقى ووصلت لمرحلة كفاية أنا إنسانة برضه. ده لدرجة إنه كان ممكن يخاصمني بالأسبوع وأنا اللي أروح أصالحه وكنت باستحمل علشان بحبه، أنا كنت باموت فيه أوي وفجأة اتغيّرت مشاعري، أو أنا اللي اتغيرت أو مابقاش يفرق معايا يزعل أو نتخاصم، بقيت بأرد عليه ببرود.. أنا متضايقة إني بقيت كده لكن مش عارفة أرجع زي الأول وخايفة نسيب بعض بسبب كده، ساعات باحس إني مش طبيعية أو معمول لي عمل، لأن فيه ناس قرايبنا كتير مش عايزيننا نتجوز فباشكّ فيهم وبارجع أستغفر ربنا إني ظنيت سوء بالله، أرجوكم حد يساعدني علشان أطلع من أزمتي دي. أرجوك اديني رأيك..