اديني رأيك: خطيبي بيتجاوز معايا وبابا بيقول: مش هتسيبيه

أنا فتاة عندي 18 سنة بادرس في كلية العلوم، واتخطبت لشاب من 4 شهور، والمشكلة إني وافقت عليه بإرادتي، بابا قال لي إنه كويس جدا، وفهمني إنه أكبر مني ب6 سنين فقط، ولما اتكلمت معاه أول مرة كتعارف بيننا يعني قال لي إنه بيصلي ومش بيحب الكدب.. ووافقت عليه على الأساس ده.

لكن بعد الخطوبة اكتشفت إنه أكبر مني ب13 سنة ومش بيصلي، وبعيد جدا عن ربنا، وكذاب أوي.. وفي أول خطوبتنا قال لي كلام قذر استحالة واحد يقوله لمراته، وعملت مشكلة معاه.. رجع كرره تاني وتالت؛ فقلت لأهلي وكنت خلاص هاسيبه، بس هو قال لبابا: "أنا غلطت ومش هاعمل كده تاني".. بس المشكلة إنه من أول يوم كنا فيه مع بعض بعد الخطوبة كان بيمارس معايا الجنس؛ يعني أحضان وقبلات بس مش أكتر.

أنا صديته أكتر من مرة.. بس بعد كده ضعفت، ده غير إنه دايما بيقول لي: "إنتي لو ماستجبتيش ليّ يبقى إنت مجربة الحاجات دي قبل كده كتير، أو باردة جنسيا؛ وفيه كلتا الحالتين إحنا ماننفعش بعض"، وأنا اتخنقت وصارحت أهلي بكل حاجة، قالوا لي الكرة في ملعبك إنتي تقدري توقفيه عند حده، وبابا متمسك بيه جدا لدرجة إنه واضع ارتباطي بيه في كفة ومستقبلي والكلية في كفة تانية، وأنا تعبت ومش عارفة أعمل إيه؟؟!

أنا بقيت باكره الشخص ده جدا، ومش عارفة أذاكر أو أنام من تأنيب ضميري؛ لأني أول مرة أقع في الغلط.

وللعلم أنا بنت خجولة جدا لدرجة إني باخجل من نفسي، وكنت مكرسة كل حياتي الماضية للعلم والمذاكرة؛ علشان أوصل للكلية اللي بحبها.. ومش عارفة أعمل إيه؟

من فضلكم وأرجوكم أفيدوني.. هل أفضل معاه وأرضى بالأمر الواقع علشان أكمل في الكلية اللي كنت باتمنى أدخلها، والحمد لله ربنا وفقني.. ولا أتركه؟؟؟ بس مش عارفة أعمل إيه مع بابا.. لو سمحتم أفيدوني؛ لأني أنا ممكن أموت من الخنقة دي؛ لأني مريضة بالربو وماستحملش أي ضغوط أكتر من كده.. آسفة إني طولت عليكم وأشكركم على المجهود الرائع.

fine.love


لو عايز تفضفض لنا دوس هنا