نفسى

دورت فى اللى فات يمكن ألاقيها
أفتكرت كتير حاجات
ما كنت أعديها
أمى وأنا فى حضنها
والشوق ماليها
تدينى بعينها الأمل
وأنا أصافيها
وتكون لى ضهر وسند
وأنا الأمان ليها
رحلت وفاتتنى
ياريتنى أفديها
*********
أفتكرت كمان حاجات
ما كنت ناسيها
أوراق عمرى بتقع
ولا دارى أنا بيها
نسمة سعاده ان هبت
ما بأعرف أجاريها
بتمر بين ضلوعى
ما بأعرف أخفيها
دورت عليها كتير
ما لقيتنى أنا فيها
تاهت فى دروب ربها
يامين يلاقيها
يامين يداويها
يا مين يعديها
للبر من تانى