عارفين أنك مش نبيّ.....مهداة إلي شخص الزعيم الرائع / محمد مصطفي الهلالي--كلمات الشاعر / كريم بهي

في بكا الشوارع أنين بيحن دايماً لأسمك
وف الطرق خطا بتتعرف عليك
وانت بتمد ايدك لبكرا
ترسملنا في حضنك الكبير
معاني الصبر والحب والعزيمة
تشدلنا حبل طويل
وتقولنا بحكمة اللي شايف ما بعد الحلم
" اعتصموا بقلبي !! "
فيه هناااااااااااااااااااااك اهي شمس جاية
جذورها في حضني
ونورها بينبت من كام فكرة سقيت بيهم ورد الشوارع والميادين
في كام مظاهرة صرخت فيهم ضد العتمة بحرقة
وعملت " ثورة "
أصلك زعيم الحب جوا القلوب
اللي معناها في قاموس الأرصفة :
" قلوبٌ ذاقت الصبابة والوجد في ذرات تراب الوطن "
...
وقفتك علي كل مسرح ماسك ورقة شعر
بتلقي قصيدة من جواك زي عوايدك
زي مركبي بيعلم الناس
ازاي ترمي الشبك في بحر الحياة
وتمّسك كل واحد طرف لأجل ما يشدله كام سمكة أمنية
علي كام حصان بحر راكبه أمل !!
..
جوا عنيك الدفيانين انسانية
مناضل كبير في بحور كتيرة
موجها منامش علي شط ف يوم مرتاح
ودهشة محب ساعة اللزوم
ف ترنيمة رايقة لعزف منفرد
علي وتر بعيد خارج الكون
برعشات متغمسة صدق صافي
..
عارفين انك مش نبي
لكننا صحابة وتابعين
لقلب شمسه بتتولد
في اللحظة ألف صرخة ضيّ ..
أطلق نبضك في الوجود
وأجدل من مطر السما في بلدي
شرايين أصيلة
تفور في جسم المتعكزين ع الصبر
ودور ولف علي العيون
وسيب علي كل شفتين شفطة ضيّ
من قلبك !
..
عارفين انك مش نبيّ
عارفين أنك مش وليّ
بس قلوبنا في حضرتك
دايماً بتقول " حيّ !!! حيّ !!! "