الكتابة على "التوك توك".. روائع من الأدب الشعبي

ارتبطت النكتة والفكاهة بالمصريين منذ القدم، حتى أن النكات تظل حاضرة لا تفارقهم، رغم فداحة الواقع وصعوبة المعيشة.
وكلما كان الواقع عبثياً، نجد الطرفة مادة أولية لرفع الروح المعنوية، ومهما تكن الظروف فإن الشعب المصري أثبت قدرة عجيبة على تخطي الأزمات والتغلب على الصعاب.
سائقو التوك توك لا يتوانون عن إطلاق العبارات الطريفة والغريبة وأحيانًا الخارجة عن المألوف، لتعبر عن مزاجية السائق، ومدى تأثره بمحيطه المجتمعي.
الأمر لا يبدو غريبًا عندما نشاهد التوك توك يتجول في المدن الكبرى وعواصم المحافظات، يحمل عبارات يمكن أن نطلق عليها "روائع من الأدب الشعبي" مثل: "تعمل حسابي أقدرك تهزر معايا أعورك"، "الحلوة لما تتدلع تخلي الأسفلت يولع"، "ما تبحلقش كده يا لوح دي جت بطلوع الروووح", "ما تبصش كده يا عبيط الحلوه دي بالتقسيط", "سوقوا بالراحه يابهايم أصل سواق العربيه نايم", "الحلوة في مشوار وصاحبها على نار"، "ترجع بالسلامه يا أبو نورا وخلى بالك من الغندوره"، "طالعة مستوره وراجعه مجبوره"، "ريحها فى الغيارات ودلعها فى المطبات وخد بالك من الملفات"، إديني تحية وأعديك بالعربية"، "نضف الطاسة وخلى العربية رقاصة"، إللي عايزه يتحير شغل له النور الصغير"، "إللي ربنا بيحبه ويختاره بيجيله رزقه لحد داره"، "خلي بالك من الطاره دا العجله دواره"، "شغل المساحات وعاكس في البنات"، "بص في المرايه وصحصح معايا"، "تركب تسلينى.. تنزل تبكينى"، "رجاء للتريلات الوحوش.. هدوا وانتوا جمبي عشان مانطيروش"، "لو صاحبك خانك اعتبروا دخانك"، "التوك توك من لحم كتافي فاضل شمسية و أبقى قذافي"، "إحنا غلابة بس في وقت الجد ديابة ، "بص ع التوك توك بحنان لحسن ده بتاع أم إيمان", "والله لو عملت ديك برضو مش هعديك", "متزعليش من إللي بيتريق يا قطه بكره تبقي تويوتا", "الحلوة ماشية براحتها عشان خايفة على صحتها", "ولا عز ولا ورث جايبها بخلع الضرس".