تركب (أسليك).. تنزل (أولع فيك)

أواظب دوما وبشكل يومى على قرأه العبارات والأقوال المكتوبة على السيارات بمختلف انواعها فهى من وجهه نظرى جهاز اعلامي شعبي متحرك يعكس ما يدور داخل المجتمع المصرى .
ومن الالفاظ الشائعة علي هياكل المركبات في الشارع المصري لفظ الجلالة والدعوات والابتهالات، الآيات القرآنية و الحكم لكنها كثيرا ما تكون مصحوبة بعبارات تدل على انها ابداع شخصى للسائق او لمن كتبها.
اسمحوا لى ان اصحبكم فى جولة سريعة مع جمل رصدتها على عدد من سيارات النقل والتكاتك أدعوكم لتأملها والتفكر فيها جيداً:
• الرجولة.. مش بسهولة.
• ما تبصلهاش يا عبيط.. دى جاية بالتقسيط.
• ما تبحلقش يا لوح.. دى جاية بطلوع الروح.
• إن نام السبع شوية كلاب ياكلوه.
• زغزغها تضحك!!
• سولار فى التانك ولا مليون فى البنك.
• آخرة التقدير.. خسرت كتير.
• يا بنات.. كفاية اشتغالات.
• ما تجريش ورايا.. أختك مش معايا!!
• آخرة الشقاوة عيش وحلاوة.
• صاحب صاحبك على عيبه، وما تصاحبش اللى فى جيبه.
• تخبطها تحكها.. هحطك تحتها.
• سكينة تدبحنى.. ولا بنت تجرحنى.
• حتى هدف حياتى طلع تسلل.
• الدلع شياكة.. مش قلة أدب وتناكة.
• يا بخت اللى صاحبه راجل.
• دلعها فى الغيارات، وريحها ع المطبات.
• لو الأرزاق بالجرى ما كانش حد حصلنى.
• خليك ديب وبلاش تخيب.
• يحميكى من الميكانيكى.
• الكار ده مش كارنا بس ربنا يصبرنا.
• عشم مات.. المعاملة خد وهات.
• ما تبصش لعجلها لتجيب أجلها.
• ما تقولش دى بكام دى جاية بدهب المدام.
• تركب أسليك.. تنزل أولع فيك.
• حلوة ومتلمعة وع السكة متشخلعة.
• عضة أسد ولا نظرة حسد.
• اللى يخاف م العفريت.. يعمل عبيط.
• من حق التقيل يتدلع.
• لو كان الجرى بالرتب كان زمانى لواء.
• خليك هادى.. ما بعرفش أدادى.
• هسيبك كده ورايا.. انت مش من مستوايا.
• عايز تعيش.. ما تعدينيش.
• حبيتها وقعدنا نلوك لوك.. أتاريها طمعانة فى التوك توك.
• صاحبك اللى خانك زى دخانك.. بفلوسك تشتريه وبرجلك تطفيه.
• الحلوة لما تتدلع - تخلي الاسفلت يولع .
• تعمل حسابي أقدرك - تهزر معايا أعورك.
• اللى امه تدعيله احسن من اللى امه تديله.
• عتاب الندل اجتنابه.
• الرجولة مواقف والندالة دروس.

لمزيد من مقالات نيفين عماره