ملاكي لندن

لا تزال ردود الأفعال تنهمر منذ نشرت مقالتي مثني وليس ملكية انا والتوك توك..ومعظمها من زملاء أعزاء سائقي التكاتك.. يحرضوننا علي استكمال السلسلة، ومزيد من اختراق مملكة التوك توك..وقد نجحنا الي حد كبير واللهم لا حسد في الاستفادة منهم حيث طلبنا من كل أسطي سواق يا ست هانم سواااق أن يمدنا بأطرف عبارة قرأها علي جسد توك توك.. وجاءت النتيجة رائعة...... من وجهة نظرنا طبعا! وعلي الرغم من أن عمر التوك توك في مصر، لايتعدي سنوات تعد علي أصابع اليد الواحدة، إلا أنه أصبح في حكم الفولكلور، وأصبح لدينا ما يمكن أن نسميه بأدبيات التوك توك، بعد أن تعامل معه الحس الشعبي باحتفاء كبير.. ونسجل للتاريخ تاريخ التوك توك المجيد بعض أقوال المصريين الشعبيين، داعين حضراتكو يا حضرات تاني الي تأمل خفة دم ابن البلد المصري أجمل بلاد الدنيا عندي والذي لم يجد صعوبة في استخدام المصطلحات الانجليزية، مع تطويعها و عجنها بالعامية المصرية...اقرأوا ما توفر.. .وصفقوا للمصري المبدع. 59عبارة ضاحكة يا حنان يا منان .. إكفينا شر اللجان " تعمل حسابي أقدرك.. تهزر معايا أعورك" "الحلوة في مشوار وصاحبها علي نار" "روتانا توك توك مش هتقدر تمشي علي رجليك" "طالعه مستوره وراجعه مجبوره" "ريحها في الغيارات ودلعها في المطبات وخد بالك من الملفات" "نضف الطاسة وخلي العربية رقاصة" "اللي عايزه يتحير شغل له النور الصغير" "شغل المساحات وعاكس في البنات" للبيع عشان ترتاحوا جروب سلامتها أم حسن طلبت من ربنا إداني .. وعين الناس مش سيباني متقولش دي بكام..... دي جايه بدهب المدام سيجارة الندل لا بتولع ولا بتكيف يا سلام .. لو الناس تبطل كلام لو الرزق بالجري ماكنش حد حصلني متحسدونيش وخلوني أكل عيش استناني راجع تاني الحلوة نوجه جت بعد الموجه صغيرين بس معلمين خليك لاماح وسبني وارتاح الحلوة خوخة جت بعد دوخة دي مش ورث دي جايا بخلع الدرس عضة اسد ولا نظرة حسد لو كانت الشقاوة مناصب كان زماني ف أعلي مراتب بتبص علي ايه يا عبيط دي الحلوة جاية بالتقسيط اللي امه بتديلو احسن من اللي امه بتدعيلو الحلوه لما تتدلع، تخلي الاسفلت يولع ما تبحلقش كده يا لوح، دي جت بطلوع الروووح سولار في التنك ولا مليون في البنك سلام يا بلد الكلام الرجولة مواقف والندالة دروس اللي يخاف من العفريت يعمل عبيط المضطر يركب التوك توك الباشا مش تلميذ بكره ترجع ريما من عند خالتها في مارينا دي قصة كفاح مش جاية علي المرتاح ما تبصليش بعين رضية ده انا طلع عين اهلي في الشغلانة دية الحلوة من دمياط وعليها اقساط الحلوة من حلوان وصاحبها راجل غلبان إيسوزو النوزو كوانونزو من حق التخين يتدلع ان عيشت هزلكو وان مت ربنا يسهلكو شوفو الجديد يا بلد التقليد تركب معايا اسليك تنزل اولع فيك هارد توك دايخ في عالم بايخ عاوز تعيش .. متعديش خد في الجركن واركن دبي رايح جاي if you want to be happy طنش وصلي علي النبي if you want to die مع السلامه باي باي محدش فاهم حاجة خليك فولاذ .. وخبط في الازاز خليك كووول و بلاش تقول خليك محترم وحاسب لا تتفرم تيت تيت خلص الشريط خليك فنان وبلاش جنان ده فن والكلام ده يخليك تجن