مكالمة بعد نص الليل: السولار ولع يا باشا

اقتربت الساعة من الثانية صباحا، موبايل المهندس الذى لا يعرفه إلا عدد محدود من القيادات فقط يرن رنينا يقتل الهدوء الذى يخيم على منزله، وبعد عدد من الرنات يأتى صوته نائما؟؟
المهندس: مين؟
المتصل: أنا آسف يا باشا.
المهندس: انت متصل بى بعد نص الليل عشان تقولى آسف ماشى عذرك مقبول
المتصل: فيه مصيبة كبيرة حضرتك مش مصيبة دى كارثة!
المهندس: يا ساتر يا رب إيه استولوا على الحكم؟
المتصل: لا
المهندس: مصر ولعت، المرشد حد قرب منه، المتظاهرون سيطروا على المقار؟!
المتصل: لا يا فندم الموضوع
المهندس: يقاطعه طالما كل ده بخير يبقى أى حاجة مش مهم
المتصل: الموضوع إن شحنة السولار اللى كانت رايحة للإخوة فى غزة ولعت
المهندس: إحمرار إخضرار إصفرار فى ملامح المهندس، فترة صمت سائلا: قول تانى.
المتصل: شحنة السولار اللى رايحة غزة ولعت يا فندم حضرتك سامعنى يا باشا مهندس: إيه الراجل راح فين
بعد فترة صمت طويلة
والمتصل يا باشا رد على كارت الشحن هايخلص طب اقفل السكة
ده خراب بيوت هى ليلة سودة من أولها
ويسمع تيت تيت يعنى السولار يولع والكارت يخلص
هو يوم منيل من أوله ويخرج الموبايل الآخر ويطلب المهندس قائلا: يا رب ما يخلص الكارت ده كمان
المهندس: ايوة معلهش أصلى روحت الحمام كنت مزنوق قوى ومين يا سيدى اللى ولع الشحنة البلطجية مستحيل دول بتوعنا هى دى أول مرة
المتصل: ماحدش يعرف حتى اللحظة
المهندس صارخا: إيه الواحد مش هيعرف يعمل له سبوبة فى البلد دى يا راجل ده احنا أيام المخلوع كنا أحسن الواحد كان يبزنس وزى الفل
وقناة السويس قلنا نطلع منها بمصلحة اشتغل نق الشعب عليها
والفلوس اللى برة قلنا ناخد عمولة اللى برة مش راضين ده خراب بيوت مستعجل السلاح يا دوب جايب مصاريفه إيه احنا هافية ولا إيه .....
المتصل: والعمل يا باشا؟
المهندس : عمل هو بقى فيها عمل من 9 شهور والخسارة نازلة ترف وفخامته خايف ومرعوب وال600 مليون جنيه يا دوب رجع نصهم بس ...لا.لا.لازم يكون فيه حل.
والليلة مش انت يا بوز الإخس نكدت على وحياتك لانكد عليهم كلهم اقفل ويقفل الخط.
المتصل: طيب انا إيه ذنبى مقدرش .... يشطر .....
المهندس: يتصل بفخامته
فخامته: معقولة المهندس يصحينى لصلاة الفجر دى أول مرة ومفأجاة لما يلاقينى صاحى هيفرح قوى يرد السلام عليكم
المهندس: وعليك السلام عرفت اللى حصل للحافلات اللى محملة بالسولار اللى رايحة غزة ولعت ده خراب بيوت رسمى سامعنى
فخامته: إمتى حصل ده وازاى يحصل؟
المهندس: نعم انت كمان مش عارف إيه بيحصل فى البلد أنا تعبت عمال أجيبها من هنا إلى هنا مفيش فايدة وانتم كل واحد فيكم مرىح دماغه واسافر بره وجو اعمل ايه أكتر من كدة يا راجل دى أيام مبارك كانت أحسن من أيامك
فخامته متأثرا: معلهش حقك على انا هاشوف الموضوع ده
المهندس: أنا غصب عنى على ضغوط كتيرة وانت عارف انت لوحدك صرفت 600 مليون جنيه دى فلوس ناس ولا ايه
فخامته حزينا: انا قلت ابعدونى عن الموضوع ده بس انت اللى أصريت
المهندس: انت معترض بتخالف الأمر تبقى عاصى
فخامته: أعوذ بالله لكن أغلب الشعب بيتريق على موضوع الفلوس ده وانا مكسوف منه قوى
المهندس بعد أن هدأت أعصابه: بص يا حبيبى احنا خلاص وصلنا والشعب مش راضى راضى مش فارقة أهم حاجة نعوض الخسارة فاهم
فخامته: عايز اعرف مين اللى ولع فى السولار
المهندس: الرد عيب اقولها خلص الموضوع ممنوع التعرض مرة تانية مفهوم
فخامته: حاضر والنبى ماتزعل نفسك انت عندك السكر والضغط ومش ناقص والفلوس بتروح وتيجى وانت أكتر واحد عارف كدة
المهندس: حمر عينك وخليك حازم مش أبوإسماعيل هاهاها
فخامته: الله ضحكتك حلوة من زمان ماسمعتش صوت ضحكتك ايوة كدة خلى الدنيا تنور ده انا أولع فى مصر كلها بس الضحكة دى تنور الدنيا
المهندس: الله يحظك يا فخامة الدكتور شد حيلك احنا معاك ولا تخاف من حد خالص انا مظبط لك الدنيا يا معلم العالم كله معاك
فخامته : ارجع من الهند ولينا قعدة
المهندس : عايزك تتفق معاهم على التوك توك وشخص معين بس اللى يتعاملوا معاه
فخامته : ماشى اعتبره حصل
المهندس : الراجل بتاعى هيكون معاك خلية يقعد مع رجال الأعمال الهنود لوحده من غير الوفد عشان نعوض الخسارة ماشى
فخامته : مش عارف ليه قلبى مقبوض من زيارة الهند
المهندس : بطل دلع
فخامته ضاحكا : هو عيب الواحد يدلع شوية ها هاها
المهندس : لا ياسيدى ادلع براحتك بس بعد ما نرجع فلوسنا
فخامته هامسا: لازم تنكد على
المهندس : بتقول حاجة يا دكتر
فخامته: لا خالص بقول يارب نعوض فلوسنا
المهندس : شاطر
فخامته : لا انت اللى شاطر ونص وأشطر واحد فى العالم
المهندس : مع السلا مه
فخامته : فى حفظ الله