بالفيديو.. آسف يا عسكر على الازعاج

بث فريق "برو- ناين" الغنائي على قناته الخاصة عبر موقع "يوتيوب" الإلكتروني مؤخراً، أحدث أغنياته بعنوان "آسف يا عسكر"، والتي يوجهون من خلالها رسالة لكل من استخدم الثورة للوصول لسلطة او مال ولكل من انتابه اليأس للحظات حول حق الشهداء ومطالب الثورة، ولكل من حاول بث فتنة طائفية بين المصريين.
وقالوا في رسالتهم التي استهلوا بها بداية الأغنية: "مازال هناك من لم يرجع عن كلمة الحق بكل ثبات ولو لفظ آخرأنفاسه إيمانا منه أن التاريخ سوف يسجل دوره في تحرير البلاد ولو كان الثمن دمه قائلاً آسف يا عسكر عالإزعاج".
وأضافوا: "قررنا نعمل أغنية عن الوضع الحالي في مصر، نوصف فيها حال اللي لسه ميأسش من القضية، واللي لسه بيطالب بمطالب الثورة وحق الشهداء، خصوصا بعد أحداث العباسية رجعوا الناس الميدان تانى ليطالبوا بحق الشهداء والمطالب الأساسية للثورة".
وتقول بعض كلمات الأغنية: "آسف يا عسكر عالازعاج انا مش حاسس بالتغيير، متقوليش عجلة انتاج قبل مايمشى المُشير، آسف يا عسكر عالازعاج هفضل واقف في التحرير، غير الحق انا مش محتاج وأظن مش بطلب كتير، أختى .. اتعرت ف التحرير وحرارة عليها بيدور مش شايف لكن مش خايف يدخل وياخدها من العَسكر، والشيخ عماد واقف هناك بينادى مينا من الصفوف وأنس بيهتف في الميدان ومفيش في قلبه اى خوف، هما لسه وسطنا.. حاسين بروحهم جنبنا، تهتف معانا تشدنا تقتل فراقنا تلمّنا، انا مش خايف من الخرطوش ولا حتى رصاصكوا المطاطى، هفضل رافع راسى لفوق ولا عُمرى هعيش فيها مطاطى، دستور جديد مطالبنا فيه تبقى أكيد متحققة، حق الشهيد عُمره ما كان يا واد يا مؤمن تريقة، انا ليه بقيت في عينيك رقم! .. مِش فارقة عاش ولا مات ينزل عشان يرفع علم ..ترميه ف سلة مهملات".
شاهد الفيديو :