هشام محمد حسن يكتب :يوميات ثورة القارىء

انا شاب مصرى وفخور انى مصرى زى زى غيرى كتير من الشباب احوال البلد مش عجبانى نشات فى اسرة زى معظم الاسر المصرية بتشربك حب مصر واحترامها وتاكيد علينا ان اسرائيل هى العدو الطبيعى لينا
من قبل يوم 25 بكتير وانا بحاول اعرف الناس اللى حواليا فى الشارع يعنى اية دستور وكامل حقوقهم الناس البسيطة العمال والصنايعية اللى للاسف معظم الطبقة الغنية مش يشوفهم اصلا اللى فى اسر منهم رهيبة بتتمنى تاكل اللحمة مرة واحدة بس فى الشهر ودى مش مبالغة بالعكس
من اول يوم لانفجار الثورة وكنت واحد من اللى خرجو كل يوم عشان اشترك واعبر عن غضبى وانى مش هسكت على الظلم
فى درس مهم بتتعملة فى البلد دى منوانت صغير ابعد عن الشر وغنيلة والباب اللى يجيلك منة الريح ومن خاف سلم
والامن المركزى والشرطة عموما كان فى حالة قصوى من الخوف معرفش دى نشات واتربت عند الناس منين بس موجودة وبتتنقل لكل الناس
اسف دى كانت مقدمة لابد منها واسمحولى انى ابدا الموضوع
يوم جمعة الغضب او يوم تم حشد واستعدد لية هنا فى المنصورة بكميات كبيرة رحنا عند مبنى محافظة المنصورة للتظاهر كنا اكتر من 2مليون نفس فى منظر جمالى جميل جدا هتافات جميلة منظمة مفيش حد بيكرة حد مفيش انت مسلم وانا مسيحى مفيش تخريب مفيش جتى حد بيرمى حجة على الارض الشرطة محاصرانا وكبار الظباط بتجزم اننا طالما مش بنحتك بيهم مش هيتعرضولنا المنظر الحضارىفضل كدة لخحد الساعة 5الا عشرة بالظبط قبلها كان واقف وسط المظاهرات عريبيتن امن مركزى بالظبط زى مسمار جحا واقفين وسطنا والعساكر والظباط اللى فيهم خايفين مننا واحنا كان فى ناس وسطنا نفسها تحرق العربية اللى كنت واقف جبنبها وبكل امانة انا كنت واحد منهم لحد مافى ناس محترمة جت وهدتنا وفالتنا ان دول مصريين زينا مش زنبهم وبالفعل هدينا وبدانا ندخلهم اكل ومية ونحسههم جوة العربيات اننا معاهم لحد مالامر جة تقريبا بدا الضرب
الناس اللى كنا بنعطف عليهم طلعو وضربو غاز مسيل للدموع وضربو مطاطى وبنادق رش بكل امانة فى نس كتيرة اوى ذهلت اكيد دة مش جزاء الاحسان
فرقو الناس ودخلناشووارع جانبية بس الغضب كان ذاد جدابدانا نجمع نفسنا تانى ونطلع برة الشوارع عشان نواجة الشرطة وهى بتقتل فينا بيادى باردة
المنظر كان كالتالى
هما واقفين بعيد عننا جدا وبيضربو غاز مسيل للدموع ورصاص مطاطى وخرطوش واحنا بنحدفهم بالطوب بس بس اول مرة فى حياتى اتاكد ن الطوبة ممكن تكون اقوى من القنابل النووية نفسها وان الارادة والحق اقوى من الامر العسكرى واقوى من اى فساد
كنا كتير جدا اكتر من 70 الف واحد الاهالى بترمى لينا بصل وخل من البلكونات والامن بيضرب بعنف واحنا بنحاول نرد
مرة واحدة اتسمع صوت رشاش قلنا يبقو هيضربو رصاص حى انا حسبتهابسرعة لو فى تلات رشاشات هيموت كام واحد قبل مايخلصو طلع تقريبا 100 صرخناكتير اللى عاوز يموت يطلع قدام اقسملكم ان كل اللى كانو واقفين والمصابين حتى والمخنوقين من الغاز كلة طلع قدام فى منظر رهيب وهجمنا عليهم هجمة رهيب العساكر ركبت العربيات وجرو بعيد عننا
رجعنا تانى نحاول نسعف الناس المصابة لقينا عربية امن مركزى داخلة بتجرى بسرعة وبتخبط مننا ناس كتيرة هجمنا عليها تانى جرت ومن الجه التانية لقينا عربيات امن مركزى كتيرة داخلة علينا وبيضربو رصص حى وكانت المصيبة الكبرى ان فى اخبار مؤكدة ان اللى بيروح مستشفى بيعتقل يعنى مفيش حل غير الموت
قنابل مسيلة للدموع ورصاص حى ومطاطى وخطوش قدام عزيمة شباب وقدرنا اننا نصدهم ونخليهم يجرو قدامنا بل بالعكس اللى كنا بنمسكة منهم مكناش بنعمل زيهم ونضربة بالعكس
انامش عاوز احكى فى التفاصيل بالظبط عشان مطولش اوى بس حابب اقول حاجة مهمة
اناشاركت فى كل حروب الشوارع مع الشرطة فى المنصورة وعلى مدار خمسة ايام شفنا الموت كتير جدا واقسملكم اننا كناوصلنا لمرحلة ننا اللى بنطاردهم مش هما من غير خوف ولا ياس ولا رهبة قدرنا نقهر اسطوة الامن المركزى وطلعنا عايشين سنين فى خوف غير مبرر
انا فخور انى مصرى وفخور بكل الشهداء وكان نفسى اكون منهم بس الحمدللة قدرناننجح وهنصمد لحد اخر قطرة دم
الحرية مش سهلة منظر الاطفال والسات اللى كانت بتدعلنا ولاطفال اللى شاركت معانا يخلى اى حد يكون فخور انة من الناس دى
مصر معدش فيها بطل واحد مصر فيها 8مليون بطل محدش يعرفهم بس جوة مصر نفسها فخورة بيهم واحن فخورين بيها
هنكمل المشوار يامصر الى ان يتم تحريرك