حكومة السيسى تشرد المواطنين وتروع الآمنين.. 150 أسرة فى الشارع إرضاء لسواد عيون محافظ الجيزة

فى ظل الإجحاف الذى يمارسة الانقلاب تجاه الوطن والمواطنين اصدر محافظ الانقلاب قرارات إزالة لعدد من المساكن في منطقة الكيت كات بالجيزة ونفذتها دون توفير بديل للسكان وتركتهم للشارع والتشرد.
ونظم أهالي منطقة الكيت كات العديد من الوقفات أمام محافظة الجيزة ومكتب الشكاوي بمجلس الوزراء، بعدما لجأ العديد منهم إلي العيش مع أبنائهم، وجيرانهم.
150 أسرة
وها هى مأساة 150 من أهالي حي الكيت كات بمحافظة الجيزة بعد تنفيذ قرارات الإزالة الخاصة بهم منذ عام 1992.
وقال مجدي محمود "أحد سكان منطقة الكيت كات" :"إن عددا كبيرا من الذين تمت في حقهم قرارات الإزالة لم يستلموا أي شقق من المحافظة، خاصة الفقراء منهم، والذين لا يقدرون علي تدبير سكن بديل، لتدفعهم الظروف للعيش داخل غرفة واحدة بإيجار يتراوح ما بين 500 و600 جنيه".
وأضاف:" الناس كلها تعبت ومحدش حاسس بيهم خالص، كام سنة واحنا بنجري علشان نلاقي أوضة تلمنا من الشارع، نروح لمين، ولا نعمل إيه، علشان ننقذ نفسنا، إحنا 150 أسرة، وكل يوم يقولولنا الأسبوع الجاي والشهر الجاي، تعبنا من كتر إللي احنا فيه".
وتابع: "مفيش حد مرحنالوش، تعبنا من النوم في الشارع، وعيالي هيبقي مصيرهم للشارع، عندي أربع عيال، خدنا أوضة الحيطان بتاعتها فيها شقوق، رجعنا للشارع مرة تاني.. مفيش مجلأ غيره.. بقالنا ثلاث سنوات بجري علشان أعمل الورق، وثلاث سنين تاني بجري وراء المسئولين، كل يوم يقولوا بكرة، احنا خلاص زهقنا من التعب".
وقال وحيد علي "أحد أهالي منطقة الكيت كات": " قرارات الإزالة جت علشان يتبني مساكن تاني بدلها، أو يدو للناس مساكن جديدة، مش عارفين نروح فين، ولا نروح لمين.. محافظ الجيزة عامل خمسين ألف واحد قبله علشان مفيش حد يعرف يدخله.. أحنا عايزين نعرف الحل".
واضاف:" أحنا طالبين حل لعيالنا، نوديهم فين، وبعدين ولادي يقولوا عليهم أطفال شوارع، وكل ما أكلم حد الأمن يقولوا أطلع بره،.. جيت المحافظة كتير وقليل.. العيال إللي نايمين في الشارع مصيرهم أيه.. والبنات هنحميهم ازاي من البلطجية.. أحنا خلاص زهقنا".
كرامة المواطن
وأضاف عادل عزت عبد المقصود "أحد المتضررين من الإزالات":" كافة المسئولين بالمحافظة لا تعنيهم حقوق الفقراء والبسطاء وخصوصًا داخل محافظة الجيزة"، متسائلًا عن كرامة المواطن المصري بعد ثورتين قام بهما في ظل عدم وجود جدران تحميه من البرد والخارجين عن القانون، مطالبا الرئيس عبدالفتاح السيسي بالنظر لحال الفقراء والمحتاجين.