كتبت / ربا كامل :فنان موهوب له صوت مميز و طلة مختلفة قدم أغنية من أجمل الأغاني في حب مصر وهي يا غاليا يا مصر ايحلم بتقديم كل ما هو جديد في المجال الغنائي هو الفنان احمد نادر الشهير ب(دامدوم)دمدوم كيف كانت بدايتك الفنية و مين اكتشفك؟فى البداية بدايتى الفنية مكنتش بالغنا خالصانا من و انا صغير بحلم انى اغنى بس البداية معايا كانت تمثيل فى مسرح المدرسة و اول عرض عرضناه ,وجد نجاح كبير الحمد لله و اتصعدنا للوزارة و اتكرمنا و بعد كدا قررت انى اعمل فرقة مسرحية وسمناها ( احنا ) و فعلا عملنا عروض مسرحية فى اماكن كتير لحد لما بعدت عن مجال التمثيل و بدئت ادخل فى مجال التسويق الالكترونى معا الفنان عمرو مصطفى لحد لما اتعرض عليا برنامج فى راديوا و عملت برنامج ( عالم الفيس بوك ) على راديوا احنا كانت فكرة البرنامج ان كل اسبوع معانا نجم و بنتكلم معاة عن الفيس بوك و من ضيوفنا كان حميد الشاعرى و الملحن نادر نور و محمد رحيم و مصطفى عوض و الفنان الشاب احمد علاء .. و غيرهمو فى الاخر سبت كل دا و دخلت المجال الى بحلم بيه من صغرىالغنا و بالتحديد غنا الرابو بالتحديد الى اكتشفنى هوا الملحن مصطفى عوض و الموزع و مهندس الصوت محمد طلعتهما الى سعدونى عشان انمى الموهبة الى عندى.ما الاعمال التي قمت بها؟اعمالى بدأت بدوتوا معا احمد السويسى و هوا مغنى راب و عملنا اغنية اسمها الدنيا دىمن كلمات مؤمن محمد و هوا شاعر شاب موهوب جداو من الحان و توزيع احمد المهلمى ،و بعد كدا قررت انى اعمل حاجة لمصرو دى كانت اول اغنية ليا مش راب اسمها يا غالية يا مصرمن كلمات الشاعر كريم عادل و انا شايف ان ليه مستقبل مهم جدا فى الايام الى جايةو كانت من الحان الملحن مصطفى عوضو توزيع احمد المهلمىوعملت حاجة لرمضان و كانت اول اغنية راب فى رمضانمن كلمات المذيع و الفنان محمد صلاحو توزيع محمد طلعت ،و فى النهاية كانت اغنية للهضبة عمرو ديابمن كلمات مؤمن محمدو توزيع محمد طلعت.دامدوم تقدم اغانيك باسلوب الراب مش خايف من المقارنه مع ام تي ام؟لا مش خايف طبعا لان الى قدموه ام تى ام نوع و الى انا بقدموا و هقدموا لون و نوع تانى مع احترامى و حبى لفريق ام تى امبس انا عامل اعاده صياغة للراب عشان هنا فى مصر عدد قليل جدا الى بيحب الراب و الى بيهتم بيه انا بحاول اخلى الناس تحب الراب بالطرق الجديدة الى بعملها بدخل انواع جديدة من المزيكا حجات لسة متعملتش فى مصر فى الالبوم هتسمعوا ان احنا عملين مزيكا هاوس و ترانس و ريجى و هيب هوب و rb و انواع مختلفة تانية و هنغنى الراب بطريقه جديدة عليها و الى مسعدنى فى الموضوع دا الموزع و مهندس الصوت محمد طلعت و فريق العمل الى معايا كلوا بلا استثناء و بنحاول نطلع الموضوع فى احسن شكل فا ارجع للنقطة الرئيسية و هيا المقارنة و اقول كل واحد و ليه شكلة و لونه الى عاوز يوصلوا للناس.سمعنا انك بتحضر لالبوم جديد يا تري هيطرح امتي في الاسواق؟بالنسبة للالبوم هاينزل امتى فا انا بحط دلوقتى اللمسات الاخيرة علية و ان شاء الله فى العيد يكون موجود فى الاسواق.مين الملحنين و الشعراء الي هتتعامل معاهم في تحضير الالبوم بتاعك؟بالنسبة للملحنين و الشعرا الى معايا فى الالبوم معظمهم شباب و بنشكل كلنا فريق عمل الشاعر عمر كمال الدين و كريم عادل و مؤمن محمد و هشام مصطفى و نور الدين مصطفى و شيكوا احمد و فى التوزيع معايا الموزع طارق هارون و احمد المهيلمى و محمد طلعت.سمعنا انك عملت اغنية لعمرو دياب في عيد ميلاده ازاي جتلك الفكره دي؟الفكرة جتلى للمنظمين حفل عيد ميلاد الهضبة عمرو دياب كلمونى و عزمونى وكنت حابب اقدم حاجة مختلفة فى يوم زى دا و عملت اول اغنية راب لعمرو دياب و عجبت الناس رغم ان الاغنية كلها اتعملت فى يوم واحد.مين قدوتك من المطربين و نفسك تحقق نجاحه؟قدوتى هو قدوة كل جيلى و هوا الهضبه عمرو دياب لكن قدوتى فى مجالى هوا نفسى لائنى بحاول اطلع الى جوايا بشكل متعملش و دا مش غرور خالص بالعكس انا نفسى اسبت انى قادر اخلى الناس تحب الراب زى ما الناس بتحبوا برا.ايه هي احلامك اللي نفسك تحققها في الفن؟احلامى مبتنتهيش احلامى انى اطول السما و نجومها و كل لما بوصل لحلم بلاقى الحلم الى بعدوا بيطاردنى و انا شايف ان دا بدايه النجاح.ليه اخترت انك تتعرف باسم دامدوم مع انك اسمك الحقيقي احمد نادر؟صحابى هما الى طلعوة و حسيتوا مختلف و الناس حبتوا و من ساعتها بقيت دامدوم و قليل اول لما حد بيقولى احمد.بالنسبة لشغلك اللى بتعملوا بيتعمل فى البيت ولا فى الاستوديوا ؟لا طبعا فى الاستوديوا عشان بيطلع بشكل احسن فى ميمزو ديجيتال استويدو Memzo Digital Studios هما الى متبنيين الفكرة بتعتى و كلنا بنشتغل عليها.و انا بشكركم انكو ادتونى الفرصه انى اتكلم و اتعرف على جمهور جديدو يا رب مكونش ضيف تقيل عليكواو استنوا الالبوم قريب جدا