الملحن تامر حسين : لاعداء بينى وبين تامر حسنى

في الاول تامر حسين بعد شريف ونص الجزء الاول دلوقتي الجزء التاني بنباركلك عليهكلمنا شوية عن تجربة شريف و نص من الجزء الاول للتانى و خصوصا انو كان اول عمل بصوتك يشوف النور؟اولا الله يبارك فيكى بالنسبه لتجربة شريف ونص من أول الجزء الأول اتطلب منى أعمل اغنيه للسيت كوم وعملتها وكانت الحان عمرو مصطفى وتوزيع أحمد عادل وعمرو كان مشغول ساعاتها ف انا اللى روحت غنيت الأغنية بصوتى كا بروفا اسمعها للمخرج يحيى ممتاز وتقريببا كانوا مرشحين هشام عباس أو لؤى والمخرج أول ما سمعها قلى لا انا عايزها بصوتك والضحكه بتاعت غناك لايقة جدا عليها وفعلا غنيتها والحمد لله نالت اعجاب ناس كتير.فكرة الدويتو جت ازاي و ليه دولي شاهين بالتحديد؟الجزء التانى كان ابطال السيت كوم معظمهم اتغيروا ودوولى شاهين دخلت جديدة عليهم والمفروض انها بقيت حبيبة شريف وجارته الجديدة اللى هيحصل الاحداث ومن هنا جت فكرة ان دوللى تغنى الكلام بتاع شخصيتها اللى هو اه يا سلام بقى لماتلاقى واحدة غنية ومعجبه بيك كل مكان بتروحه تحوطك وبتتلكك بتموت فيك فرصه ومين بس يضيعها هدية م السما جت ف ايديك ولعلمك دوللى ماغنتشى الحن بتاع عمرو مصطفى هى غنت راب فكانت الفكرة حلوة.خلينا نرجع شويه لورا لو مكنتش اتعرفت على عمرو مصطفى و اكتشفك كنت هاتفضل مكمل فى طريقك دا ؟لو مكنتش اكتشفنى عمرو مصطفى طبعا كنت هكمل لان ده حلمى الوحيد اللى بنام واصحى عليه وسر تحمس اى مطرب للشغل معايا انه عارف انى بالبلدى كدة مستقتل فشغلى وبغير جدا على شغل وبتعب وبخلص فيه.شايف نفسك كنت محظوظ وسط جيلك من الشعراء الي مخدوش حقهم؟وبالنسبه لموضوع الحظ الحمد لله لكل مجتهد نصيب وانا راضى بلى وصلتله بس انا موش محظوظ لانى جيت فى زمن انهيار سوق الكاسيت موش فى انتعاشه اتمنيت لو ابقى فجيل عمرو مصطفى وخالد تاج الدين وأيمن بهجت قمر وغيرهم م الجيل ده كان الموضوع فرق كتير اوى.احنا سمعنا انك كان حلمك الغناء مش الشعر؟ازاي اتجهت للشعر و بعدت عن الغنا الفترة الي فاتت ؟الغنا كان حلم ومازال حلم بس سبحان الله ماحدش عارف الخير فين وايه السكه الاسهل للتوصيل انا من صغرى وانا بغنى فكل حفلات مدرستى من ابتدائى لمرحله اعدادى لثانوى والموضوع كبر فدماغى ف الجامعة لما لقيت الكل مشدودلى مع انى مكنتش بروفيشنل جدا لسه طالب ف اولى وفاكر اما طلعت كورال الجامعة وغنيت قبل الوداع لعمرو دياب الدكتور قلى صوتك فيه قبول واحساس عالى كلمه قبول فهمتنى ليه الناس كلها كانوا مبسوطين وهما بيسمعونى مع انى كنت بغنى بطريقتى انا موش زى حد او الشخص اللى بغنيله الاغنية وكان جوايا شاعر بيكتب زجل من زمان وواحنا فثانوى كنت اشيل كلام الاغانى واركب كلام تانى خالص وأضحك على اصحابى اقولهم الكوبليه ده كان فى الاغنية ومانزلش عشان اعرف رد فعلهم بصراحه وكانوا يقولوا والله احلى من اللى نزل اطمن وأتاكد من موهبتى أكتر ف الجامعة وانا بغنى كنت بعمل اغانى لنفسى بس أفكارها غريبة وبتعبر عن تجاربى زى مثلا اغنية الشارع اللى جنب الجامعة وغيرها بس كنت أقول دى قضيتى انا هو مين يعنى هيسمع الشارع اللى جنب الجامعة من الناس العادية لازم اغنى لكل واحد امسه بتجاربه هو من هنا غيرت الفكرة ف التعبير وبدل ما اعبر عن نفسى بس بقيت اعبر عن كل جامعتى وكل جيلى وقرارت واكتشفت جوايا الشاعر وكسنه وراه سنه كنت بكتشف حاجات أحسن وتطورات فيا درست موسيقى ف نقابة المهن الموسيقية فترة طويله واتعلمت جيتار ولسه حلم الغنا موجود عندى بس كله فوقته انا يمكن رسيت انا لو عملت البوم هغنى ايه وناوى اعمل كدة فعلا بس فى التوقيت اللى أشوفه مناسب انا مركز دلوقتى انى انتشر أكتر وأكتر وأكبر اسم تامر حسين وانا معنديش عقد نفسيه تماما والاغانى اللى مختارها معظمها كلمات ناس غيرى زى أحمد على جادو وعز الدين ومانو ناس جداد والملحنين عمرو مصطفى طبعا وأنا وأحمد حسين اللى عامل لساموا زين معايا أغنية أيام فبعدنا فاتوا وقدمت ملحن لاول مرة ف البوم دوللى شاهين اسمه أمير على انا مركز مع عمرو مصطفى لان بنا كميااااااااا غير عادية لانه عشرة 8 سنين واحنا أخوات وأصحاب بعيدا عن اى حاجة شغل او مصالح والمزيكا دى حاجة بنحبها انا وهو بنعملها لنفسنا قبل مانعملها للجمهور وعمرو مصطفى من المواهب اللى نادر تكرر تانى فى تاريخ مصر ناس بتيجى كل كام سنه مرة ف العمر باجماع الكل مش انا بس.احكيلنا عناول مرة قبلت فيها عمرو دياب و ازاي استقبل شغلك؟عمرو دياب أول مرة اقابله كان ف البوم اليلادى وهو قبل كدة كان شكر فيا ف جريدة رسمية وكان من ضمن الاغانى اللى اعجب بيها أغنية أجمل قصه حب لحسام حبيب اللى هى بديتى وعجبه يادى الغيبه واول لقاء جمعنا كان فى استديو ليله عشان كان عايز أغنية برجع بعمرى اللى غنيتها شذى واتفقنا على كل تفاصيلها وقلى شغلك حلو ياتامر وانا عجبانى أجمل قصه حب طبعا كنت طاير م الفرحه ولاسف كان مضطر ينزل بسرعة عشان يلحق الصيف ومحصلش نصيب ياخد الاغنية بس اكتفيت انى اسمع رأى عمرو دياب فيا لانى ف الاول والاخر انا واحد من معجبينه وله مكانه كبيرة اوووووى فقلبى كفنان واما عرفت عمرو دياب الانسان الطيب الجدع حبيته أكتر وأكتر وف 2009 جتلى الفرصه تانى معاه وأغنية ماكنتش ناوى.وكان ايه رد فعلك لما عرفت ان اغنية مكنتش ناوي لعمرو اتسربت؟عملت ايه لما عرفت ان اغنيتك هتبقي هيد الالبوم؟ومع انها اتسربت وكان نفسى تنزل ف الالبوم بس برضه اهو عمرو دياب غنالى والحلم قرب يتحقق بعدها بفترة كان عايز اغنية هيت فسمعناه وياه عجبته جدا وفاكر يوم سمعنهاله كان فرحان جدا بيها كنا ماشين بنسمعها فعربيته انا وعمرو مصطفى ومبسوطين جدا بيها وهو كان مراهن عليها والفرحة الكبيرة اما خدت جايزة أحسن أغنية فى أفريقيا والشغل مع الراجل ده ممتع لابعد الحدود وهو بنى ادام راقى وذوق ومحترم وبيديكى بور غير عادى وثقه بالنفس.ممكن تكتشف شعراء و ملحنين عشان يعملوا حاجه في الالبوم ولا هتفضلالنجوم الكبار؟اكتشف شعراء دى صعبه جدا لان احنا فى مجتمعنا الفكر غريب جدا وممكن يقولوا دا بيكتبولوا ف بتجنب الشبهات وبزعل جدا اما حد يقولى اسمعك حاجة واوقولوا اسف اعفينى م الموضوع ده بس بتجنب الشبهات ملحنين انا السنه دى اشتغلت مع امير على لاول مرة هو جيتاريست وافكاره حلوة ف التلحين وأحمد حسين اللى عمل معايا أغنية سامو هو كان عشرة عمرى برضه وبدأنا الحياه مع بعض بس السنادى اول اغنيه تنزل لينا مع بعض.التجربة الى حصلت فى رمضان فى اغنية هقابل المولى و انك تاخد كلام من شاعر تانى دا ممكن يحصل فى الالبوم عندك .. ولا هاتكتب الالبوم كلوا بنفسك؟تجربة هقابل المولى دى كلمات صديقى الشاعر الجميل اللى انا بعتبره أحمد شعراء جيلنا عز الدين بحب كلامه وطريقته جدا ف التعبير وخصوصا الاغانى الدينية والاجتماعيه هو مميز جدا فيها وكانت الحانى وده دليل انى معنديش مشكله اغنى كلام حد تانى علشان ده فن طبعا يعنى المهم المسج توصل للناس مين اللى كتب مين اللى لحن مين اللى يوزع الناس عايز عمل جيد فقط.هل فى عداوة ما بينك و بين تامر حسنى؟بالنسبه للعدوات ماعنديش تماما مشاكل مع اى حد والحمد لله الناس كلها جمهور وفنانين عارفين انى راجل محترم موش بتاع مشاكل وبشتغل وبركز بس.اغنية الشارع الى جنب الجامعة غنتها بصوتك و بعديها نزلها احمد علاء نجم روتانا بصوتوا .. ازاى دا حصل؟غنية الشارع الجامعة دى من أغلى الاغانى على قلبى وكان بيحبها جداأحمد علاء وهو أخويا الصغير وبحبه جدا ع المستوى الشخصى والفنى وعنده كاريزما وفنان متكامل طلب منى يغنيهالى هدية عيد ميلادى وعملها وغناها تعبيرا عنه حبه ليا وللاغنية وبشكره جدا على الحركه دى وانا هعمله ان شاء الله حاجات مميزة ف البومه.تامر شايف الموهبة لوحدها كفاية عشان اى حد بوصل للى وصلوا تامر؟فى النهاية تقول اية للشباب الى نفسهم يوصلوا و جواهم موهبة؟الموهبه لوحدها موش كفاية الموهبه والصبر وقوة التحمل والايمان بموهبتك من غير اى يأس والذكاء الفنى وانك تشتغل على نفسك وتطور من نفسك والأهم توفيق ربنا كل دى عوامل مهمه جدا واضيف حاجة أهم رضا الوالدين ودعاهم لينا والله بفتح مليوووووون سكه كانت متقفله واقول لكل الشباب احلموا احلامكم موش بفلوس احلم وصدق الحلم ده لان كل ما مسكت فيه كل ما بقى ملكك وهيتحقق مفيش حاجة بعيدا ابدا على ربنا اسمه العدل كله هياخد دوره بس الصبر وبشكرك جدا ياروبا وبشكر جريدة النهار على انكم اتاحتولى الفرصة اتكلم مع جمهور جديد ويارب أكون ضيف خفيف عليكم وعلى القارىء متشكر جدا.