الشاعر إيهاب صالح الشعرواي يكتب للمراقب " يعني أيه "

تعرف يعني إيه هي الوطنية .. تعرف يعني إيه هو الانتماء ..
تعرف يعني أية هي العروبة .. ويعني إيه هو الولاء
لما وطنك يكون في محنه .. لما ناسك تكون في شدة
تجري جري تضمهم .. وتحمي ناسك وتحبهم .. لما شعر راسك يشيب وتحمي وطنك م الغريب .. وتدافع بشوم أو سكين وتبعد عنه الخاينين
يبقي انتماء
يعني لما تقول لنفسك .. لبلدي هكون شهيد
يعني لما تحس نفسك .. بجرح دم الشهيد
لما عينيك تبكي وتمسك كتاب الله وتقرأ سورة الكهف وياسين وتطلب طوق النجاة ..
لما ينطق لسانك .. لما ينطق كيانك
لما تنطق جوارحك .. وينبض قلبك بالوفاء .. يبقي أنت عندك انتماء
لما الشعب كله يحس بويل .. لما الشعب كله في لحظة يكون حزين
زعلان علي مصر
لما المسلم ويا المسيحي يتحدوا .. لما الصغير ويا الكبير يجتمعوا
عشانك يامصر
يبقي إيه..... ؟!!