لمؤاخذة!

فلان: لو سمحت هي سكة "المجلس الرئاسي المدني" بيروحولها منين؟
علان: هتركب ميكروباص "التوك شوك".. وتقوله نزلني في ميدان "الاعتصام"
فلان: وتسأل هناك علي واحد اسمه عمك "خرطوش".. وهناك لما توصل هتلاقي أربع سكك واحدة تاخدك يمين والثانية شمال والثالثة لفوق والرابعة لتحت!!
علان: واعمل ايه وأروح فين؟
فلان: تصرخ وتلطم وتقول ايه اللي جابني هنا؟
علان: بس أنا تعبت وعايز ارتاح!
فلان: انت بتدور علي مصلحتك... وده حقك وجايز توصل لها.. بس بعد خراب مالطة وعلي رأي اللي قال هتلاقي نفسك زي "الحلاق" في بلد كل أهله "زلبطة"!
علان: أنت كده حيرتني أكتر!
فلان: وعمرك ما هترتاح.. إلا إذا سألت نفسك هي البلد دي بلدك.. ولا انت جاي زيارة وماشي!!
علان: لا بلدي.. ولا يوسفي ولا "بسرة"!!
فلان: ان كان كده تقف في ميدان التحرير وتنادي بأعلي صوتك 3 مرات في اليوم قبل الأكل وبعده.. وتقول يا "برادعي"!!