صاحب محل.. "يا ريسنا ارحمنا من بطش الحكومة "

رصدت عدسة "المصريون"، حزن أصحاب محال منطقة وكالة البلح بعد إنذارهم بإخلاء محالهم بالقوة لتنفيذ أعمال إنشاء خط جديد لمترو الأنفاق..
قال حسن الشناوي مستأجر لأحد المحال بمنطقة وكالة البلح "أحنا عاوزين حقوقنا قبل ما نمشي وما فيش مانع من الإزالة والنقل بالنسبة لينا بس كده المنطقة كلها متتضررة ومش عارفين نعمل، إيه متابعًا العدل أساس الملك، لوعاوزين تمشونا أدونا حقوقنا الأول وبعدين مشونا وأنا تحت أمر الحكومة".
ويضيف حسن: "أنا عمري هنا أكثر من 40 سنة وفي ناس من 120سنة، عرضوا علينا 7000 ألف جنيه للمستأجر و20000 ألف جنيه للمالك وده غير منصف، مشيرًا إلي أن سعر المتر في وسط البلد 100ألف جنيه للمتر، وأضاف بالنسبة للإزالة في 25/5 قرار سريع جداً الناس اللي عندها محلات وشارية بضاعة بالأجل وملابس وفي أعياد ومواسم داخله يعني البضاعة يرموها طبعاً ده مش حق ولا عدل ربنا".
وأشار حسن، إلي أن الرئيس عبد الفتاح السيسي ورئيس الوزراء لن يوافقا علي إزالة الوكالة، من أجل مصالح الناس، مضيفًا "العدل أساس الملك "، مضيفًا هيئة مترو الإنفاق هيئة غنية والدولة غنية وإحنا شعب فقير، قائلاً للحكومة "يا حكومة عيب أحنا غلابة" للرئيس السيسي "يا ريسنا ارحمنا من بطش الحكومة".
وقال آخر: "أقل محل هنا شاري بضاعة بالأجل محدش بيجيب بضاعة نقدي بمعني الناس يشلوهم ويتحبسوا، موجهًا رسالة للحكومة أنا شغال هنا في المحل وصاحب المحل معندوش محل ثاني يعني علي الحال ده نكون في الشارع أنا وعيالي، لأن حتى سكني في مثلث ماسبيرو نفس اللي بيتم في أكل عيشي بيتم في بيتي ولا انتم ترهبونا".