شاهد.. المترو يهدد محلات وسط البلد.. وأصحابها يتوعدون

مشكلات المترو مع أصحاب الأراضى «عرض مستمر»
الهيئة تعلن دراستها لنزع ملكية 300 محل بوسط البلد بالقوة
فى كل مرة يتم الإعلان عن بدء عمليات إزالة المناطق الواقعة على الخط الثالث للمترو، تتجدد المشكلات الخاصة برفض الأهالى وأصحاب العقارات الواقعة فى مناطق الحفر، رغم تقديم التعويضات المطلوبة لهم بأسعار السوق، إلا أن الأسباب الخاصة برفض عمليات الإزالة تنوعت بين المنطقة والأخرى وكانت آخر المناطق المثار حولها الجدل، هى بولاق أبو العلا، والتى كشف طارق أبو الوفا، رئيس الهيئة القومية للأنفاق، عن دراسة نزع ملكية 300 محل بشارع 26 يوليو وبولاق أبو العلا بالقوة الجبرية، لتنفيذ باقى مراحل الخط الثالث من المترو، بعدما رفض أصحاب المحال المفاوضات التى حاولت هيئة المترو إجراءها معهم.
وأشار رئيس الهيئة القومية للأنفاق، إلى أن الموعد المحدد لتسليم المواقع 20 مايو الجاري، مؤكدًا أن التعويضات المقررة لأصحاب المحال تصل إلى 20 ألف جنيه، 7 آلاف جنيه للمستأجر.
تجولت عدسة "المصريون" فى شوارع منطقة وسط البلد لرصد غضب أصحاب محلات وكالة البلح بعد أنذرهم لإخلائهم بالقوة لتنفيذ أعمال إنشاء خط جديد لمترو الأنفاق .
يقول مبروك محمد بشير مستأجر محل أحذية بالمنطقة: "الحكومة بتهددنا بالإخلاء قبل 25 مايو ومفيش أماكن بديلة عرضوها علينا"، متابعًا: "ياريت يمدوا المهلة شوية لحد ما موسم رمضان والعيد يعدي، إحنا بنستنا الشهرده من السنة للسنة لأنه ده الشهر اللى بيكون فيه بيع وشراء وبالأخص أننا بسبب غلاء الأسعار عايشين فى حالة ركود تامة ومفيش زباين بقالنا فترة كبيرة".
وتابع مبروك: "البضاعة اللى موجودة فى المحلات دى وخدنها وكاتبين إيصالات أمانة ولو هما أخدوا محالتنا ومشونا من هنا قبل العيد مش هنعرف نسدد الديون اللى علينا وهنتحبس ولو مسلمناش هيتعاملوا معنا بالقوة الجبرية عشان بحافظة على حقوق مترو الأنفاق مرددًا نعمل أيه بس فى المصيبة اللى جتلنا".
وطالب بشير المسولين فى آخر الحديث بمساعدهم بمد وقت الإخلاء إلى بعد موسم العيد.
فيما علق "احمد محمود" مستأجر محال ملابس بالمنطقة وهو فى حالة غضب شديدا قائلا: "لو مشيت من هنا واخدت التعويض هتحبس لان المحل مساحته 20 متر وهما عارضين عليا 7000 جنيه للمتر لكل مستأجر وبكده أنا هاخد 200000 جنيه وعليا إيصالات أمانه بمبلغ 300000 جنيه نجيب فلوس الديون دى منين، نتحبس عشان ترتاحوا".
وأضاف: "أحد اللواءات بمترو الأنفاق توعد معهم بالإخلاء بعد العيد وطلب منهم شراء الملابس الصيفى لبيعه فى موسم العيد وأنه سوف يتم إخلاؤهم بعد هذا الموسم لكى يتمكنوا من بيع البضائع وتسديد الديون، قائلا: "اللواء ياسر بتاع المترو قال هاتوا اللبس الصيفي، ومتشتروش الشتوي، وإحنا هنمشيكوا بعد العيد".
وتابع: "إزاى غيروا كلامهم وعاوزين يمشونا يوم 25.. مش هخرج.. المفروض يستنوا علينا بعد العيد لما نبيع اللبس ونجمع فلوس البضاعة اللى ساليفنها، مرددًا: "مش خارج يا جاى على قوتى يا ناوى على موتى ،أنا أتحبس جنب بضاعتى أحسن ما أتحبس بالديون".
فما علق أيضا "حسن إبراهيم محسوب" صاحب محال كشرى بنفس المنطقة قائلا: "والدى أصيب بجلطة فى المخ أول ما سمع خبر إنهم هياخدوا المحل"، وتابع: "ميرضيش ربنا اللى بيحصل ده وتابع قالوا منفعة عامة ماشى فوق دماغنا ومصلحة مصر شىء يهمنا وعاوزين بلدنا أحسن بلد، بس لا ضرر ولا ضرار وربنا ميرضاش بالظلم".
وأضاف محسوب: "عارضين علينا تعويض للمحل لأنه تمليك 280000 ألف جنيه يعنى سعر المتر الواحد 20000 جنيه والمحلات اللى فى النصية التانية يتم بيعه 3 ملايين جنيه ده ميرضيش ربنا".
وتابع: "أنا معايا 3عمال فى المحل, لو المحل اتقفل هيعيشوا منين وأنا هعيش إزاى وأولادى يصرفوا منين"، مرددا: انا مش ماشى من المحل إحنا بيوتنا هتنخرب".
وأوضح : "اللواء ياسر لواء هيئه مترو الأنفاق قال 30/9 هتمشوا قولنا ماشى موافقين ،وأمر أصحاب محالات الملابس انهم يشتروا اللبس الصيفى، ويبعوها فى العيد وانهم هيمشونا بعد الموسم ,فوجئنا 25/5 يقولونا هتمشوا بالقوة الجبرية ، كده حرام مينفعش".