بالفيديو.. صاحب محل بوكالة البلح للحكومة: "مشونا بعد العيد عشان هنتحبس بالديون"

تجولت عدسة "المصريون" في شوارع منطقة وسط البلد لرصد غضب أصحاب محلات وكالة البلح بعد إنذرهم لإخلائهم بالقوة لتنفيذ أعمال إنشاء خط جديد لمترو الأنفاق.
يقول مبروك محمد بشير مستأجر محل أحذية بالمنطقة: "الحكومة بتهددنا بالإخلاء قبل 25 مايو ومفيش أماكن بديلة عرضوها علينا، متابعًا: ياريت يمدوا المهلة شوية لحد ما موسم رمضان والعيد يعدي، إحنا بنستنا الشهرده من السنة للسنة لأنه ده الشهر اللي بيكون فيه بيع وشراء وبالأخص أننا بسبب غلاء الأسعار عايشين في حالة ركود تامة ومفيش زباين بقالنا فترة كبيرة.
وتابع مبروك: "البضاعة اللي موجودة في المحلات دي وخدنها وكاتبين إيصالات أمانة ولو هما أخدوا محالتنا ومشونا من هنا قبل العيد مش هنعرف نسدد الديون اللي علينا وهنتحبس ولو مسلمناش هيتعاملوا معنا بالقوة الجبرية عشان بحافظة علي حقوق مترو الأنفاق مرددًا نعمل أيه بس في المصيبة اللي جتلنا".
وطالب بشير المسولين في آخر الحديث بمساعدهم بمد وقت الإخلاء إلى بعد موسم العيد .