إطلاق حملة "مش عاوزة شبكة دهب"

أطلق عدد من النشطاء على موقع التواصل الاجتماعي "فيس بوك"، إيفنت يحمل اسم "مش عاوزة شبكة دهب.. الفضة أحلى"، وذلك بعد أن تخطت أسعار الذهب 450 جنيها للجرام الواحد.
وتفاعل عدد كبير من رواد "فيس بوك" مع الإيفنت، حيث وصل عدد المهتمين إلى 70 ألفًا، وعلق القائمون عليه قائلين: "بعد إذن جميع متابعينا يا جماعة والله احنا بيدج ملناش اى علاقه بمحلات الفضة.. احنا مجموعة شباب اخدنا على نفسنا عهد نساعد الناس وننشر فكر جديد ونستفيد جميعا.. احنا مبنحرمش اى بنت من حقها انها يجيلها شبكه واختيارنا للفضه كان (رمز تعبيرى) مش اكتر".
وأضافوا: "كل الفكرة إننا بنقول بلاش شبكة ب 50000 أو 100000 ألف بس ممكن دبله وخاتم حلوين وتكون هديه متواضعه من خطيبك ليكى والعمر كله قدامكم يارب بعد ماتتجوزوا والحال ينصلح تشتروا كل يوم سبيكة دهب.. بس بلاش نساعد الجواهرجيه في استغلالهم محتاجين دعمكم علشان الفكرة توصل".
وعلق أحد المشاركين قائلا: "هو الموضوع والفكرة كلها هي تغيير معتقدات وجزء من ثقافتنا عن الجواز الموضوع أكيد صعب في الأول أصحاب الفكرة والمؤيدين ليها ها يتعرضوا للنقد للتريقة للسخرية بس عادي ده حال أي حد بيشق طريق جديد ويمشي فيه بعيد عن الطريق القديم الزحمة اللي كل الناس ماشيين فيه، بس مجرد أن يثبت أن الطريق الجديد بيوصل لنفس النهاية هيبدأ الناس خطوة خطوة يمشوا فيه والموضوع هيبقي طبيعي".