الإسكندرانية يحتفلون بعيد الأم في القلعة

على غرار احتفالهم بالفلانتين على كوبرى ستانلي، قرر شباب الإسكندرية الاحتفال بعيد الأم في القلعة تحت شعار "حب الأم هو الأعظم والأولى بالاحتفال".
ودشن مجموعة من النشطاء بمحافظة الإسكندرية دعوة على شبكة التواصل الاجتماعي "فيس بوك" مبادرة دعوا خلالها السكندريين للتجمع بقلعة قايتباي بمناسبة عيد الأم في 21 مارس.
وأرجع أصحاب الدعوة رغبتهم في تكرار التجمع الذى نجحوا فيه "الفلانتين"، حيث تجمع أكثر من 2000 شاب وفتاة على كوبرى ستانلي للاحتفال بالورود والبلالين وإلقائها في البحر للتعبير عن حبهم.
وقال أدمن الصحفة: " بعد ما عملنا إيفنت أعلنوا الحب على كوبري ستانلي في الفلانتين وأثبتنا أن الحب مش بس للعشاق وشاركنا اليوم ده مع صحابنا وأهلنا وفرحنا كلنا سوا .. اتجمع بتوع البلالين الى هو أحنا شباب اتجمعوا ع مبدأ وهدف واحد وهو فرحة الناس والخير، وقعدنا مخمخنا واتفقنا نملى شهور السنة بالحب والفرحة والخير وعملنا احتفال جديد بيوم الام 21/3 هنفرح فيه كل أمهاتنا".
وأضاف أدمن الايفنت، "مش بس كده هنجمع تبرعات هنروح بيها زيارة لدار مسنين وهنفرح الأمهات إلى هناك والمسنين إلى محتاجين يفرحوا"، موجهين الدعوة للمشاركةواختتموها ب "بجد هتندم لو اليوم ده فاتك
متفكرش وتعالى أفرح معانا وفرح والدتك لأن اليوم ده هيفضل ذكرى طول العمر".
وحصل الإيفنت على اهتمام نحو 109 ألف مهتم بمتابعة تفاصيل الإيفنت، بينما أعلن 769 مشتركا المشاركة في الحدث والحضور للاحتفال بعيد الأم بقلعة قايتباي، بينما تم توجيه الدعوة لنحو 3 آلاف آخرين.