«مش صديقي.. وبقول اللي حسيته».. رد مثير من كريم نيدفيد بشأن هجومه على رمضان صبحي

كشف كريم نيدفيد، لاعب الأهلي السابق وسيراميكا كليوباترا الحالي، عن حقيقة هجومه على رمضان صبحي، لاعب الفريق الأول لكرة القدم بنادي بيراميدز.
وقال كريم نيدفيد، في تصريحات تلفزيونية عبر فضائية "أون سبورتس»: «أنا لم أهاجم رمضان صبحي، أنا بقول اللي حسيته في لحظة رحيله عن الأهلي وانتقاله لبيراميدز، الموضوع بالنسبالي مبقاش حاجة هو قرار خده ويتحمل قراره سواء صح ولا غلط».
وأضاف: «ده مش هجوم دي الحالة اللي كنت عليها لحظتها، أنا مش منوط إني أهاجم حد زميلي خاصة أنا لسة في الملعب»
وأوضح: »رمضان صبحي، مش صديقي علاقتي معاه علاقة ملعب فقط، لما هو كان في الأهلي واحترف مكنش في تواصل بينا وبعد ما رجع النادي وأنا موجود بقينا بنتكلم عادي في حدود التمرين والمباريات والسفر ولما مشي مبقاش في كلام»