باسم يوسف: "بردو تيران وصنافير سعودية"

بالرغم من حكم المحكمة

قال الإعلامي باسم يوسف إن حكم محكمة القضاء الإداري ببطلان اتفاقية ترسيم الحدود البحرية بين مصر والسعودية، لن يغير في الأمر شيء، مشيرًا إلى أن مصير الجزيرتين فى النهاية سيكون لصالح المملكة.
وقال يوسف في تدوينة عبر صفحته الشخصية على موقع التواصل الاجتماعي "فيس بوك": "للأسف محكمة القضاء الإداري أحكامها قبل كده اتلحست من الدولة زي مثلًا لما أصدروا أحكام بمنع تصدير الغاز و مبارك تجاهلها و جاب أحكام مضادة و صدر الغاز لإسرائيل برضه".
وتابع: "الفرحة اللي احنا فيها دي معنوية لأننا للأسف عارفين أن المطبلين في البلد دي مافيش اكتر منهم وانهم حيلفوا حوالين الحكم وبرضة حيفرطوا في الأرض، وحنشوف في الأيام الجاي ده مسابقة في أكروبات التأييد وجمباز التطبيل يتألق فيه ناس تحمل الجنسية المصرية عشان يستموتوا يثبتوا ان الارض دي مش مصرية وناس فلقوا دماغنا بكلامهم عن الارض و الشهداء وناس في الحكم مدلدلين رجليهم علينا بحجة الوطنية و حماية الارض و في الاخر بيفرطوا في الارض و بيحبسوا اللي بيهتف انها مصرية. ماهو اللي فرط في النيل يعمل اكتر من كده".
وقضت محكمة القضاء الإداري بمجلس الدولة، أمس الثلاثاء، ببطلان قرار التوقيع على اتفاقية ترسيم الحدود البحرية بين مصر والسعودية، التي نقلت بموجبها تبعية جزيرتي تيران وصنافير من مصر للمملكة، بحسب مصدر قضائي.