«الصراع والمعركة ما انتهتش».. أول تعليق من الرئيس السيسي على دعوات 11-11 (فيديو)

علّق الرئيس عبدالفتاح السيسي، هو الأول من نوعه على دعوات 11-11، قائلًا: «الصراع والمعركة منتهتش وهو ده حكم ربنا على الدنيا، وأنا بقول علشان فيه محاولة هما دايما عايزين يخلوا الناس عايشة في قلق يقولك طيب 10- 11 طيب 11-11 طيب 25- 11 الموضوع بقاله سنين».
وقال «السيسي» خلال لقائه بعدد من مواطني محافظة الدقهلية عقب افتتاح المرحلة الأولى من مدينة المنصورة الجديدة «كل سنة وأنتم طيبين وأهل الدقهلية بخير وفي سلام وأمان، لازم تكونوا مطمنين على بلدكم مصر».
وأضاف «أنا لما بقول أكرمتموني وأنتم جبرتوا بخاطر اللي منكم وده بيوصل للمصريين، على مدار الشهور والسنين اللي فاتت واللي جاية كلام كتير يقلقكم ويخوفكم ويقولك هيحصل إيه، ولكن طول ما ربنا معانا اللي بيحصل واللي بتسمعوه وده الكلام اللي عايز أتكلمه معاكو وللناس في مصر».
وتابع: «الصراع والمعركة ما انتهتش وهو ده حكم ربنا على الدنيا، وأنا بقول علشان فيه محاولة هما دايما عايزين يخلوا الناس عايشة في قلق يقولك طيب 10- 11 طيب 11-11 طيب 25- 11 الموضوع بقاله سنين على كدة، طيب هو هيريحك ليه هو أنت سلمتله هو أنت سكت عليه، هما شايفين مش أنا خصم ولا الحكومة خصم ولكن بقت مصر بشعبها خصم لو يفهموا».
وقال الرئيس السيسي عقب تفقده لنادي شربين الرياضي: «أنا سعيد إن أنا معاكو يوم جميل وبقول لأهل المنصورة أنتم أكرمتمونا بجد شوفت أصالة المصري أنا بشكرهم»، ليرد الحضور بهتافات «بنحبك يا ريس».
ليعقب الرئيس السيسي «أنتم جبرتم بخاطري النهاردة في كل مكان روحته، أنا بقول أن أهل الدقهلية جبروا بخاطري النهاردة في كل مكان روحته، خلي بالك أنا راجل بسيط أوي خالص وربنا اللي أراد أن أنا أبقى هنا».