علق الرئيس عبدالفتاح السيسي، الخميس، على حادث تصام قطارين بالبحيرة، قائلا: «الحادثة دي، مش عايز أسبق الأحداث، قطر البضاعة وقف، وقطر الركاب اتحرك الجرار الأول والعربية الأولى والثانية، العربية الثالثة اتفتح عليها التحويلة نص العربية على المسار الطبيعي والنص التاني اتصدم في قطر البضائع، سألت دا أمر يدوي قالوا لا دي إشارات كهربية دا نظم مؤمنة أكتر من اليدوي». وأضاف السيسي، في مداخلته خلال تدشين مدينة العلمين الجديدة: «عايزين نراجع دا كويس، دا عيب في النظام أو عطل محتمل أو حاجة تانية مش عايزة أسبق، الموضوع دا إبراهيم محلب هيتابع الموضوع وتعلن الحقيقة للناس». وأشار الرئيس: «محتاجين لجنة عليا من أساتذة الجامعات والفنية العسكرية ووزارة النقل تمر على كافة الشبكات والجرارات الموجودة بالكامل ونقول للناس إننا هنوقف الخط دا عشان يتم رفع كفاءة المرفق». وتابع: «مرفق السكة الحديد يحتاج إلى 250 مليار جنيه، هل موجودين لا، لا بد من واجهة الواقع بشكل حقيقي»، وأردف الرئيس قائلا: «بمناسبة الحوادث، 5000 حادثة في السنة عشرات الألوف بتموت، قتيل أو أو حالة وفاة في كال حادثة يعني 5000، يعني كام مصاب مش عايز أقول الأعداد الحقيقة لضحايا حوادث الطرق، عملنا نقلة كبيرة، اتعرض عليا من 6 شهور منظومة أي تي إس تقدر تعمل منظومة الكترونية كل الحركة تكون متشافة»، مضيفا: «مهما كان قيمة النظام أي تي إس نعمله، وزير الاتصالات كان موجود وأنا قولتله مستعد نعمله ونعمل سيطرة حقيقة على حركة المركبات». وأكد السيسي: «لو عايزين سكة حديد مظبوطة لازم نشتغل بأسلوب علمي مظبوط واقتصادي، بعمل دا كله من جيوب الناس، مش هدعمه بقرش، أنا هكسب قرش، الدولة ما بتدفع قرش ونقدرس نعمله 100 مرة، ونقدر ننمو ويبقى عندنا مدن حديثة».
