السيسي يشدد على ضرورة تشكيل لجنة عليا من المتخصصين لمتابعة شبكات السكك الحديدية

شدد الرئيس عبدالفتاح السيسى على ضرورة تشكيل لجنة عليا تضم أساتذة جامعيين ومتخصصين من أجل المرور على شبكات السكك الحديد والاكشاك الخاصة بها ومتابعتها بشكل كامل وذلك بعد حادثة تصادم القطارين بمحافظة البحيرة أمس .
وقال الرئيس خلال تدشين المرحلة الأولى من مدينة العلمين " عندما فكرنا فى التخطيط للمدن الجديدة أو مدن الجيل الرابع، أكيد الجميع متابع حجم النمو العشوائي غير المخطط فى مصر، وكما قلت سابقا لو استمرينا على الوضع الى بننموا بيه بالطريقة دى هنتحول إلي كتلة عشوائيات يصعب التعامل معها ل100 سنة قادمة، فكان لابد من إنشاء مدن جديدة تمتص الطلب على الإسكان وتعطى فرصة لحياة أفضل " .
وتابع الرئيس " الناس ممكن تقول ال احنا شايفينه ده حاجة متميزة، أه طبعا هى حاجة متميزة، مصر دولة كبيرة أوعى تقللوا من أنفسكم .. هو انا مقدرش اعمل مدن سياحية ومقاصد سياحية ينافس أى مدينة عالمية لا دى مصر كبيرة أوى " .
وقال الرئيس " ممكن حد يقولى انتو سايبين السكة الحديد عندكم خربانة ليه .. لا أنا هنا الحاجة هاخد ثمنها من الى هيجى يقعد .. انا عايز من 200 إلي 250 مليارا عشان اعمل سكة حديد مظبوطة ، طب المبلغ ده موجود لا مش موجود، لابد من مواجهة الواقع بشكل حقيقي، وبمناسبة حادثة الأمس إحنا محتاجين لجنة عليا من أساتذة الجامعات والكلية الفنية العسكرية وحتى من وزارة النقل تمر على الشبكة كلها وعلى الجرارات بالكامل ويكون عندنا الاستعداد أن احنا ناخد امانة القرار ونقول احنا هنوقف الخط ده بشكل مؤقت لحين رفع كفاءة المرفق" .