السيسي للمواطن المصري: «لو مش عارف تُنفق على ولادك هتتحاسب أمام الله»

اعتبر الرئيس عبدالفتاح السيسي أن الزيادة السكانية تُمثل تحدياً لا يقل عن تحدي مواجهة الإرهاب.
وقال السيسي، خلال كلمته في مؤتمر الشباب بالإسكندرية، الإثنين: «أكبر خطرين بيواجهوا مصر: الإرهاب، والزيادة السكانية، يعني إحنا حطينا اللي بيقتلونا جنب الزيادة السكانية، التي تُقلل فرص تقدم مصر للأمام».
وأضاف: «بنشوف مواطن عنده 4 أولاد، ومش عارف يأكلهم، هو كده مسؤول أمام الله قبل وطنه، هو ظلمهم، طالما قدراتك المالية لا تتيح الإنفاق المناسب، يبقى بتظلم أولادك وهتتحاسب».
وتابع: «أنا بتكلم من منظور ديني، إنت كده بتضيع ولادك لأنك مش قادر تنفق عليهم، مفيش حاجة اسمها الولاد بييجوا برزقهم. أنا بقول كده مش عشان متطالبش الدولة برعايتهم، لأ، إنت بتضيعهم».