بالفيديو .. النص الكامل لحوار "السيسى" مع 3 فضائيات

حل المرشح الرئاسي، عبدالفتاح السيسي، ضيفًا على 3 قنوات فضائية، وهي «الحياة والنهار ودريم»، في بث مشترك، مساء الأحد.
وكان يدير الحوار مع السيسي 3 إعلاميين هم وائل الإبراشي ولبنى عسل وخالد صلاح.
وقال معتز صلاح الدين، المستشار الإعلامي لقنوات «الحياة»، حسب تصريحات صحفية نقلتها وكالة الأنباء الرسمية، إن «السيسي سيتحدث لأول مرة عن الرئيس الراحل، محمد أنور السادات، والدكتور محمد البرادعي، وسيرد على انتقادات منافسه حول التحية العسكرية، التي أداها للرئيس السابق، محمد مرسي».
وأشار «صلاح الدين» إلى أن «السيسي يكشف في حلقة الليلة تفاصيل تهديدات وإغراءات قادة الإخوان للجيش، والعديد من المواقف والحقائق، التي مرت بها مصر في السنوات الأخيرة».
يمكنكم متابعة نص حوار السيسي (لحظة بلحظة)
- وائل يبدأ الحوار: لقاء تليفيزوني مهم وخاص جدًا مع السيسي مع زميلي خالد صلاح ولبنى عسل.
- خالد: بنسأل فين البرنامج وبنتكلم عن بكرة.
- لبنى: بنتكلم عن الماضي والحاضر والمستقبل والنهارده البعد الإنساني الحاضر ونتعرف على عبد الفتاح السيسي الإنسان، سياد ةلامشير نرحب بحضرتك.
- السيسي: بسم الله الرحمن الرحيم.. اسمحوا لي أوجه التحية للمصريين واهلا وسهلا بكم خلال هذا اللقاء.
- لبنى: عاوزة أسمع رأي حضرتك في طوابير انتخابات المصريين في الخارج.
- السيسي: فيه أغنية بتقول (المصريين أهم).. فيه موقف في أحد الدول فيه 7 آلاف اتحركوا عشان يروحوا يقدموا ولسبب أو آخر الورق مش مستوفي، وده أمر لا يعسني إلا أن أقول لهم كمواطن مصري مشتكرين والعالم كله يتفرج على مسؤولية المصريين.
- خالد: بخصوص الأرقام الفترة اللي فاتت فيه هواجس وإنه فيه ثقة زيادة.
- السيسي: أنا ماليش دعاية بمعنى الدعاية الانتخابية وعايز أقول له إنه مش عايزين ننفق كتير وإنفاقنا يبقى أقل من المعقول وإعى تعمل بوستر بس لكن هتمشي وتاخد حبايبك والولاد الصغيرين يبقى موجودين ومش بقولك مرشح بعينه وماحدش يفرض عليك حاجة.
- وائل: سمعت أنك متحفظ على بعض الحملات الإعلانية وإنه فيه إعلانات في الصحف.
- السيسي: ده صحيح، وعشان نكون منصفين وعشان تعمل ده لازم تكون فيه آلية ويكون فيه حساب وده أحد روافد الدعاية لنا.. ومحتاجين نشوف إنفاقنا الحكومي.
- خالد: بعض الناس تقولك إنه هيقفل على حاجات معينة وخبراء يقولوا هندخل في إجراءات ترشيد للمواطن المصري.
- السيسي: هتكلم عن المواطن المصري الغلابن هو مرشد وفيه ناس بتاكل حاجات صعبة جدا وعيب علينا نسمح للأمر ده يستمر ونتفرج عليه، ومابقصدش بالترشيد جملة واحدة ولكن برنامج لقدرة المصريين ممكن أقولك رشد سفرتك في رمضان وأنت بتصرف عليها 10 آلاف جنيه وواحد يقولك من 10 ل1000 وكتر خيرك برضه.
- خالد: بس عاوز كمواطن غلبان أحس إني هغتني.
- السيسي: خلينا أتكلم في النقطة دي شوية الإشكالية بتاعتنا متصور إن مصر شركة متعثرة وعليها دين وأدوات الإنتاج عاوزة تتصلح والعمال مابياخدوش حقهم وعاوزة سياسات جديدة ويتم علاج الشركة ويقولك الدين كام كذا والمكن نغير المكن وإحنا عاوزين نعمل ده يللا، وخرج من الدائرة.
- لبنى: هنطلع من الدائرة إمتى؟
- السيسي: أقول لضحرتك إن الدين 1.3 مليار جنيه وأنتي عاوزة تزودي الناتجئ المحلي من 10 ل15% ويبقى فيه دور للغني والفقير وليا عتاب على الإعلاميين والتقيت بهم ولسه هلتقي بهم مرة واتنين وتلاتة.
فاصل دون تنويه لإذاعة أذان العشاء.
عودة بعد الفاصل
- السيسي: لا مش عتاب.. أنا قعدت مع رجال الأعمال الشباب واتحاد الصناعات وبقول أدي بلدنا وقلت الكل محتاج اصطفاف في حل المشلكة ومواجهة التحدي وقلت أنتم معانا في ده ويتحول المضوع في الإعلام لمجابهة وهل ده في صالح المصلحة الوطنية.
- وائل: كانوا قالوا إنك طلبت 100 مليار جينه من رجال الأعمال هل ده صحيح؟
- السيسي: أنا مقدر إن الأمور مش ماسية لرجال الأعمال من 4 سنوات والأمور مش مستقرة عشان نكون منصفين وأنا بستنهض الهمة المصرية وبقول اللي يقدر على حاجة يعملها.
- لبنى: لما طلبت الطلب ده من رجال الأعمال كان رد فعلهم إيه؟
- السيسي: إيجابي طبعًا.
- وائل: في موضوع الانتخابات في الخارج هقف عند قطر وهشوف تصريحات رئيس وزراء قطر السابق حمد الجاسم إنه قال ما يفهم بمثابة تحريض فليأت السيسي وقال إنه يمكن إشعال الأوضع وستنفجر الأوضاع وسيلغى الدستور وهيمشي السيسي هل تفهم شيئا.
- السيسي: الرسالة مش متوجهة ليا والرسالة موجهة لكل مصر وانتبه والسنتين اللي بنتلكم عليهم نكون قفزنا وفيه جزء من إن الأزمة في مصر ضخمة وخطيرة فأنا مدرك ده ومدرك إن المصريين لازم تتحل الأزمة بتعاتهم ولازم المشكلة نعبرها.
- خالد: قد يستحيل عبورها؟
- السيسي: افتكروا يا أستاذ وائل إن فيه توصيف وتشخيص لحالة والحالة دي ثابت ومستقر وهو ده التشخيص الحقيقي والمعالجة الحقيقية وتصديه كمصريين وحالة المصريين في الخارج ولازم نعترف أن حجم الوعي السياسي في 26 يناير و30 يونيو تضاعف من المواطن البسيط لأي نخبة من النخب.. والمصريين في الخارج الكلام اللي بيتقال بين أي قيادة وبين شعب التواصل، وهنسمعهم.
- لبنى: إزاي نستنهض همته؟
- السيسي: ده سؤال وجيه، والمصريين حاسين إن المشاكل كتير والمسائل كتير.
- وائل: بس ده يقول إن مصر تتسول.
- السيسي: من فضلك ماتقولش التعبير ده.. لالا.. ولا يليق أن نقول لك، والأمان بعد الحرب العالمية الثانية فهموا أنه بعد الحرب العالمية الثانية أن الأمور لا تستقيم بهذا الشكل.
- وائل: لكن الخصوم يستخدمون هذا التعبير؟
- السيسي: طيب هنجمع الأموال وناكل بيها ونشرب، وكنت قاعد مع شباب سيناء وقالوا هنقدر نجمع محفظة قيمتها 2 مليار لبناء مصانع وفورا قلت لهم 3 مليار ودي حالة إنك تعمل 15 مصنع.
- خالد: إحنا بنتكلم عن المساعدات وبرنامج حضراتك؟
- السيسي: إحنا بنتكلم عن إنهاء حلة العوز.. وفيه خريطة مش عارف متاح نتكلم عليها والخريطة اللي بنتكلم عليها كانت مساحة مصر في سنين طويلة بنتكلم في 6 أو 7% والخريطة اللي قدامكم الشكل الحالي لخريطة مصر شوفوا مطروح وشمال سيناء والبحر الأحمر، شوفوا شكل الخريطة المقترحة واللي بنأملها لبدنا وهنلاقي إن سيناء.
- خالد: التريليون هيتصرفوا في الحاجت دي؟
- السيسي: أه طبعا.. والسويس داخلة لغاية سدر وده معناه إنك بتدي لكل محافظة ازدهار وبتدي تنوع لفرص الاستثمار فيها ويبقى عندي شواطئ وتجيب سمك من برة، وبقول شمال ووسط وجنوب سيناء وتعالى هات أسيوط أو سوهاج أو المنيا شوف الخريطة الجديدة بنتكلم لحجم المنشآت المقترحة وهنضيف 26 مدينة سيايحة و22 مدينة تعدينية وكل الأماكن اللي يطلع منها تعدين نعمل مدينة لأنه عندنا هدر حقيقي وبتطلع مواد خام فقط ونعمل صناعة و2 ويبقى أنا شغلت ناس وبنتكلم عن 8 مطارات.. وبنتعامل إنه بنحل حلول وقتية ونمتد لامتداد حقيقي وتفريغ لعناصر جذب والقاهرة تبقى هي القاهرة ونبني لها امتداد ونجيب السفارات تخرجها وعاز أقول امتداد حقيقي لها، ولما نتكلم عن 4 مليون فدان نضيفهم إن إحنا نكون متاعبين استهلاكنا المية وموجودة ولا لأ والأرض صالحة للزراعة ولا لأ واللي إحنا بنطرحه قادر للتنفيذ.
- خالد: المشروع المشير هينفذه؟
- السيسي: إن شاء الله هنفذه والإرادة الشعبية أهم حاجة وقلت إنها العصاية السحرية وكانوا رافضين بالاستمرار بالشكل اللي كان قبل 30 يونيو، وبرضه ينزلوا في الجاي 30 أو 40 مليون والمصريون يسجلوا ويقولوا إحنا مين.
- لبنى: فيه أخبار لمحافظات بعنيها بتتكلم عن تخوف؟
- السيسي: مش معقول الكثافة السكانية مثلا في سيناء على مساحة 60 ألف كيلو.. ومحافظة زي أسيوط أو سوهاج ده الوضع الحالي بعدد سكانها وأراضيها الزراعية بنشوف مقترح من أول البحر لغاية الظهير الصحراوي مش أقل من 30-35 كيلو غرب النيل والوضوع الجديد قد يكون أكتر من 350 ألف فدان أو 1.2 مليون فدان وأنا ضفت للمحافظة ولا ماضفتش وضفت لمصر ولاماضفتش.
- لبنى: الكلام ده هيتنفذ إمتى؟
- السيسي ضاحكًا: حطيتي التريليون؟
- وائل: يعني هايجي؟
- السيسي: مفيش طرح.. وبنقول عن قوافل التنمية والتعمير وكل محافظ يجي ومعاه مجموعة من الشباب الكفء النشط وده التخطيط اللي حاطينه وده تخطيط مركزي.
- وائل: يعني مش هتدي لامركزية للمحافظات.
- السيسي: هنعمل لا مركزية في الإدارة ومش عاوزين نقفز لأنه بنتكلم في إداريات وطرح مادي والتطور الإنساني محتاج وقت.
- وائل: التخوف من كلام حمد بن جاسم وممكن يكون هناك مخطط لإفشال السيسي بكل السبل هل تضع لحسابات لذلك؟
- السيسي: المصريين أكبر من كل حاجة.. ولا إوعى تقرب من عقل المصري وكرامته ولن يقبل أن يعبث به كده وهتسيبوهم يعملوا فينا وأنا هسيبهم يعملوا كده ونبقى كده مع بعض وده دوركم يا إعلام.
- خالد: إيه هواجسك تجاه الإعلام؟
- السيسي: مش هواجس وكتير بيسأولني ليه باخد وقت كتير في الرد وبقول الكلمة لو هي حق بقت حق ولو باطل بقت باطل وكذب وأنا ربنا هيحاسبني على اللي بقوله والكلمة أمانة ووعي الناس أمانة والعبث بوعي الناس في منتهى الخطورة وأنت بتعبث بوعي الوطن كله بكل تجرد واحترام وتقدير لأنك أنت في الآخر إنك تخلي الناس تبقى فاهمة وأنت هتناضل على ده وأنت عاوز تصل إلى الحقيقة.
- لبنى: بس البعض ممكن يتخوف وإن المشير قال إنه هيدجافع عن الديمقراطية والحريات فتثير شكوك؟
- السيسي: كل واحد حر فيما يعتقد وفيه فرق بين أنتي تعتقدي إيه وواحد يخليك تعتقدي إيه، وإرادة الناس ده أمبر وربنا سبحانه وتعالى فرضه علينا عشان بس الحرية.. حرية الفكر والاعتقاد.. لكن فيه ضوابط.
- وائل: خصمك يستخدم أسلوب اغتيال الخصم لكن لوحظ أن المشير لا يستخدم هذا الأسلوب.. من الهجوم اللي تعرضت له إن المشير السيسي جزء من نظام مرسي وكان يؤدي له التحية العسكرية؟
- السيسي: عمر العسكرية المصرية بتتحاسب على اضنباطها واحترامها وإحنا هنقعد نتخانق ولا إيه وهو النهارده دوري أسجل علني.. وده عدم لياقة وعدم انضباط والجيش قال إيه.. بغض النظر مين قال إيه والدولة لا تقاد كده.. ولو مش عايز تدي التحية تمشي وأنت جزء من الدولة لازم تشمي بقوانين الدولة والأمر تطلب التحرك اتعملت إجراءات بمنتهى الشرف والانضباط والوطنية تتكتب بأحرف من نور للعسكرية المصرية في الأزمة اللي فات وفي الآخر هيحاسبنا ربنا والتاريخ.
- خالد: بيجرحك الكلام ده؟
- السيسي: الجيش مؤسسة والضباط لازم تسمع مني القائد بتاعم مين ورجل محرتم وقائد حقيقي ولا مش محترم وعشان كده الكلام على الهواء يعني أنا وظيفتي وسلامتي على المحك بس شرف العسكرية مايبقاش على المحك.
- لبنى: لكن نفسيا إنك تدي تحية لشخص متشكك..؟
- السيسي: أنا قلت له الجيش مش بتعاكم وبالمناسبة الجيش فيه رقي وأمانة وشرف وهو مش بتاع حد وأول ما الإرادة بتعات الشعب تنتهي مش بتاعك ولما أقول الله غالب على أمره فالمكتوب هنشوفه.
- وائل: لاحظت في خطاب 26 يونيو لمرسي والبعض شاف الخطاب على وجه المشير بمثابة دلالة وكان غريب دعوة المشير ورئيس الأركان ألم تتخوف من أنه يكون مذبحة قلعة؟
- السيسي: كنا رايحين عشان نشوف مقراحاتنا لحل الأزمة ونسمعها والقاعدة كانت كده والفرق بين اللي اتفقنا عليه وكنت مندهش وعاوز أقول لكل اللي بيسمعني من المصريين الصدق ده قصة كبيرة مش كل الناس تقدر تعملها وانا بتكلم عن حاجة لها دلالة ونعمل 1 2 3 4 فمش فاهم.
- خالد: بعض الناس بتقول مش الحاجات دي بتكون موثقة حوار بين الرئيس ووزير الدفاع؟
- السيسي: الشنط بتاعت الوثائق مشيت.
- وائل: الوثائق تهدد الأمن القومي؟
- السيسي: أه طبعا.
- لبنى: مين دفع الثمن؟
- السيسي: إحنا.
- السيسي يتحدث عن لقاء مرسي مع مناصريه ويضيف: مين يعمل مذبحة القلعة دي؟
- لبنى: عملتوا إيه؟
- السيسي: كان بيقول الطائرات دي ليه فوق المنطقة فأقول له ماتقلقش والاقتراب من قادة الجيش عبث بالنار وأنت عاوز تهد بلدك.
- وائل: لو أقبل على عزلك ما الذي كان سيحدث.. لبنى: ماتوقعتش؟
- السيسي: هما كانوا جاهيزين يوصلوا لكن مش جاهزين ينجحوا.
- لبنى: اسمح لي نرجع مع حضرتك مرة تانية بعد الفاصل.
فاصل.
عوة بعد الفاصل
السيسي يبدأ حديثه عن دلوة المؤسسات والقانون: إحنا في ورقة اتكلمنا فيها عن الوضع في الشرق الأوسط وكتير مننا بيبصوا للديمقراطية بأنها ميزان للديمقراطيات المتقدمة وأنت مش هتقدر توصل لده دلوقتي وفي إطار بأنه ندعم القوى السياسية بما فيها الأحزاب وشماركة حقيقية ونخش في مؤسسات الدولة في المحافظات والوزارات ونشتغل مع الأحزب وبلاش العدد الكتير ده وكل 10 أحزب يأتلفوا ولهم حالة واضحة ويبنوا عليها ويكون لهم تواجد في الشارع ولما تيجي تعمل انتخابات البرلمان إيه فرصتهم.
- لبنى: الأحزاب حاسين إنه هيتم تهميشهم في اقنون الانتخابات الرئاسية؟
- السيسي: لازم نعترف.. عاوز أقولك تجربة القوائم تجربة واسعة وجديدة علينا.. وماينفعش في الحالة اللي إحنا فيها ومش بدافع وبنتكلم عن الكتلة الوطنية والفكرية وبناقش مستقبل مصر في ضوء الدستور وفي حالة خاصة فيما يخص المستقبل السياسي الأيام والأسابيع القادمة وقلت الظهير الفكري.
- لبنى: تساعد الأحزاب إزاي لو وصلت لكرسي الحكم؟
- السيسي: أي حاجة هساعد ومش هكون مفرق هكون مجمع وشايف إننا نبذل جهدنا ودي مش مثالية وشايف إننا نستعدي المصلحة الوطنية في ظرف أصعب ظروف بلدنا.
- خالد يسأل عن عودة الدولة البوليسية؟
- السيسي: إحنا بنحط المصلحة والوطنية والاستقرار ومش هيبقى فيها تعارض بينهم بالمناسبة وعاوز تخلي لهم دور ولا مش عايز، ولازم كلنا نبقى مع بعض لبلدنا.
- وائل: خصومك يقولون إنك ستعيد تلك الدولة؟
- السيسي: أنا ماليش خصوم.
- وائل: أنت سياسي ناجح ويجب أن يكون لك خصوم.
- السيسي: أنا مش سياسي.
- وائل: مفيش خطوات دون سند قانوني؟
- السيسي: ده ماتعملش في أصعب الأوقات خلال 10 شهور وأنا مش مسؤول عن ده ومصربتشتعل بالكامل، وكان كله بالقانون وإجراءات نيابة، وده مش هيحصل (الدولة البوليسية) وده قانون وفيه ضوابط ومفيش اعتقال، ومفيش حاجة زوار الفجر تاني، ومحدش يقدر يعمل كده مع المصريين تاني، أنتم ناسيين خمسة وعشرين يناير ولا إيه وأنتم نسيتوا 25 يناير.. المصريين طلعوا من القمقم.
- لبنى: حضرتك هتعمل إيه في الفساد بالداخلية؟
- السيسي: فيه اعتبارات لازم نحطها في اعتبارنا وهقول مثال مش على مؤسسة بعينها، لو فيه فساد في مؤسسة بتعامل معه برؤى وأفكار لا تؤدي إلى تفاقم الموقف، والاعتبار أنك بتتكلم عن مؤسسات بتحفظ الدولة.
- خالد: قدج نتفهم الآن أن هناك أولويات لكن القادم إيه التصورات القادمة؟
- السيسي: كل مؤسة لها ثقافة والقضاء له ثقافة والإعلام له ثقافة والأجهزة الأمنية والجيش.. ورجل الدولة عنده ميزان بخصوص الكلمة دي وفيه مؤسسات ماتتحملش الانتقاد، وكل ضابط قاعد يقولك يعني إحنا وحشين.
- وائل: أهم ما أنتجته 30 يونيو هو عودة العلاقة بين الشرطة والشعب.
- السيسي: خلينا أشير إلى أفكار مبدعة توصلك لنتيجة وعاوز أفكركم أن الشرطة لغاية لما دعيت ضباط الشرطة يقعدوا مع ضباط الجيش وكان الهدف من كده إيه.. أنا خايف على مصر وعايز الشرطة تعود بسرعة طيب ما نعمل إجراء آخر وصورة تانية مقبلوة للرأي العام والشرطة وأفتكر بالفكرة دي شجعناهم وقلنا الجيش والشرطة والعشب إيد واحدة وعملت نقطة انطلاق.
- لبنى: اللواء أحمد جمال الدين دفع ثمن هذا اللقاء؟
- السيسي: لو كان ده الثمن عشان الشرطة ترجع لأحضان مصر مش كتير.
- خالد ينهي الفقرة بالخروج إلى فاصل
عودة بعد الفاصل.
وائل: يحاول البعض يسوق أنه الشباب ليسوا مع المشير السيسي.
- السيسي: الشباب كان وقود الثورة في 25 يناير و30 يونيو ولهم دور رائع وبغض النظر استعدادهم يدوا صوتهم لمين أنا بطالبهم ينزلوا بأكبر عدد ممكن ويختاروا ما يشاؤون وبلاش الوطن يفقدهم انزل وحط صوتك للي أنت عايزه وده تعبير ديمقراطي وماتحرمش مصر ومستعدين نلتقي بهم ويسمعوا مني وأسمع منهم ولهم دور في المحافظة والمحليات والأحزاب والوزارة، ومش عاوز أقول كلام ووعود وفيه جزء من الشباب بيقول رأيه في السياسية وده مقبول وفيه جزء عاوز يشتغل ويبقى عنده أمل وأسرة وبيت، ونبقى مقدرين إنه مايباقش فيه محاولات بين الشباب وبيني ومش عاوزهم يزعلوا وهما ولادي.
- خالد: فيه معلومات إنه فيه حد عاوز يرزع فتيل أزمة.
- السيسي: فيه حد بيجب مسائل يمكن الاختلاف عليها.
- خالد: هل بتحاول تعمل مبادرة.. ووائل: ما الذي سيقدمه المشير للشباب.
- السيسي: مستعدين نقدم لهم دعم لعمل كيان سياسي، ويبقى لهم تواجد في الوزارات ولازم نعمل ده عشان نجهز لبكرة ولما بيكون فيه روح وتواصل مفيش من «دون» خوف، وبنختار شباب كفء.
- لبنى: ليه قلت ولادي محاولة لاحتوائهم؟
- السيسي: هما مقدرين بالنسبة لي.
- لبنى: عندنا أزمة في الطاقة.
- السيسي: فيه ناس اختزنت موضوع الترشيد في اللمبات ونتكلم عن برنامج كبير نعظم فيه ما لدينا ولو عندنا مية أو وقود ومش عاشن فيه مشكلة فيها ولازم يكون مبدأنا والموضوع مش على قد لمبة تتغير وحبينا نقول إن فكرتها الصغيرة تحل لك أزمة.. بنوقل الدعن يريوح لمستحقيه وبنساعد اللي مش قادر، وحظ بلدنا في الطاقة الشمسية لم يتم الاستفادة منه وهو أنقى شعاع وأقوى شعاع وفيه بلاد بأوروبا بتطلع ساعات قليلة وفيه مصر أقوى شعاع وأنقى شعاع.
- خالد: بحس لما بنسأل حاجة تفصيلية بتخش في الخطوط العامة هل ده لأنه مافكرتش في التفاصيل ولا مش عاوز تقولها لأسباب تخصك؟
- السيسي: الجداول بتاعت المشروعات موجودة ومش عايزين نغفل الأمن القومي ومش معناه إنا بنخبي حاجة، والطاقشة الشمسية هتكون مصدر للطاقة وتفاصيلها فين وإزاي مهم وإن تعلن عن مشروع معين وأنت بتتكلم وكأنك بتشاور وماينفعش تقول تفاصيل، ومش بيقولك بعد سنتين تلاقي الناس طلعت تاني.
- وائل: حضرتك اتكلمت عن نقل الحكومات والوزارات في حوار الأخبار والأهرام
- السيسي: عندنا 4 أو 5 مليون سيارة تستخدم ما بين ركوب عام ومواطني يستخدم عربيته ولو على مدار السنة لو قدرنا ناخد ده هنوفر 20% طاقة مستخدمة وال20% مش على قد لتر السوبر ولما هتوفري لي هتوفر 5 جنيه أنت مادفعتهاش، والموضوع ده بأهميته والقيمة منه وآلية تنفيذه وهل الأرقام الفردية يوم والزوجية يوم وهل الموصالات بديل مناسب وعاوزة تتحسن سواء كان مترو أو أتوبيس أو تاكسي.
- لبنى: مابتخفش الكلام ده يستخدم ضدك؟
- السيسي: المصلحة أهم.. وكأن المسألة إني داخل أحكم بس.. لا لا.. وبقول ولي لمصر من يصلح لأمر مصر.. والمصريون بيحبوا بلدهم.
- وائل: الحكومات السابقة كانت تخشى المساس بالدعم وهل عند حضرتك خطة لوصوله إلى مستحقيه في كل شئ؟
- السيسي: فيه دول سبقتنا وفيه برامج كتير وفيه خطط لمصر في ده والإرادة التنفيية والوعي وإننا مشتركين في أهمية نعمل ده عشان يروح لمستحقه اللي محتاج الدعم، وإنما اللي محتاجه يروح له ليه، والفكرة بتعات الرؤية بتتكلم إنك بتعمل الدخل لو 15 ألف جنيه هخلي 30 فيبقى أنا إديت دعم خالص بتمويل المصريين وبمشروعات طموحة جدًا، وإرادة سياسية بأن المصلحة الوطنية تقتضي نعمل ده.
- وائل: بعد ما يأتي السيسي إذا فزت بالرئاسة لن يذهب الدعم لغير مستحقيه؟
- السيسي: لا ماقدمناش غير كده.. لو أنت قاعد في فيلا يوصلك الدعم ليه مش مني من مصر، وده بيحصل في البيت والفيلا والعربية والسفارات مش محتاجة مني ده، ومش معقول تبقى راكب عربية 2000 و3000 سي سي وتاخد دعم.
- خالد: نرجع للإعلام وبتقول عاوزين من رجال الأعمال يتبرعوا والسيارات الفردي في ويم والزوجي في اليوم مش ممكن أصحاب الأفكار في المجال ده يخافوا من السيسي.
- السيسي: مش السيسي اللي عايز مصر اللي عايزة، ويقول البعض إنه يحصل ويحصل لخلق نوع من الراحة، ورد الفعل اللي قابلته من رجال الأعمال كان وطني جدًا.. وإذا كنت بتعمل عمل دلوقتي ونجحت في الظروف الصعبة واللي إحنا مجهزينه انطلاقة للاستثمار بشكل غير مسبوق، والفلوس مش هتتاخد يتاكل بيها وهتشتغل ولازم تتشغل وتتحط في غنتاج فرص عمل وتنمية شاملة.
- خالد: فيه تراث من التشريعات يخليهم يخافوا يلبسوا أزرق بالنسبة للاستثمار.
- السيسي: لهم حق يخافوا والدور هنا على الإعلام ورجال الأعمال وبتبط وبتغير قوانين معرقلة وتخوف المستثمرين، وإحنا محتاجين نعبرها.
- وائل: السلطة تخسر إذا بطشت أو دللت برجال الأعمال أنت في أي موقع.
- السيسي: الوسطية في كل شئ
وائل يخرج إلى فاصل داعيا المواطين إلى المشاركة في الانتخابات
عودة بعد الفاصل
- لبنى: البعض متخوف ان القوات المسلحة تنافس مكان القطاع الخاص.
- السيسي: ده مش دور الجيش ويعمل في الإطار الاقتاصدي إلا في إطار يحقق احتياجاته وفيه كلام إن الاقتصاد للجيش 20% و30% و60%.. وده مش كلام.. وش ممكن.. وعاوز الناس تفصص الكلام.. وهل الجيش خد أي موازنات زيادة خلال 10 شهور.. لا.
- وائل: الجيش بيجيب فلوسه منين؟
- السيسي: فيه فائض بحيث إنه مايحملش ميزانية الدولة وده مش معناه اقتصاد موازي، والنهارده شغال مع مين في كل المشاريع اللي بتتعمل.. بتشتغل مع 300 شركة مدنية ومش معناه إن الجيش بيتصدى لموضوع ياخده ماعندناش حجم عمالة لكن عندنا بنية منظمة والشركة بتعمل في إطار منضبط ومتكامل.
- وائل: الجيش المصري معقول يدبر نفسه بنفسه؟
- السيسي: الجيش يدبر نفسه وأنا قلت للأستاذ.. ووائل يقاطعه: ماتقحموش نفسكم.
- لبنى: العمليات في سيناء؟
- السيسي: في سيناء وبالمنطقة الغربية في ليبيا.
- لبنى: يعني التكلفة مليار جنيه في العمليات؟
- السيسي: يعني إيه.
- خالد: الموضوع محتاج تفسير؟
- السيسي: لا تقصر الأداء على سيناء فقط مفيش جهد بحري يتم ضبطها وعاوز أقولك الأنساق السرية والرئيسية جوه الجيش والناس بتبقى قاعدة مع بض واللي بيعرفه واحد مايعرفوش أستاذ وائل، والمتشكك فبقوله أنت فيه عندك مشكلة مع جيش بلدك وهو لازم يتسوعب ويفهم وماينفعش الكلام يبقى على الهواء.
- وائل: هل حديثك الديني بأنهم يسحبوك لبساطهم؟
- السيسي: الجيش ماينفعش حد يسحب حد.. اقعدوا ساكتيتن وخدوا اللي أنتم عايزينه.. دي إجابة.
- لبنى: عرضوا عليكم خدوا اللي أنت عايزينه قبل 30 يونيو؟
- السيسي: أه طبعا.
- خالد: مين وعرضوا إيه؟
- السيسي: اللي اختار وقالوا لو عايزين وزراء.
- لبنى: وقلت إيه؟
- السيسي: الجيش مش عايز حاجة.. وأنا قوي بالأداء.
- لبنى: توقعت 30 يونيو؟
- السيسي: قلت خلوا بالكم وقلت هيجي وقت وتعتمدوا على الجيش، وقلت لو عاوز مخبز هعملوك ولو عايز ساحة هعملهالك وأقصد إن فيه التزام أن الشجرة تكبر وتقوى.
- لبنى: إمتى حسيت الموضوع هيخلص؟
- السيسي: قلت في مارس أبريل.
- خالد: البعض يخلط ما بين كنت تتوقعه في جلساتك العامة والخاصة وناس كانت تقول هل ده تخطيط ولا إدراك مبكر للأزمة.
- السيسي: عيب إننا نفكر إننا نخطط نوقع حد والجيش مايعملش كده ولكن هو إدراك مبكر.
- وائل: إيه اللحظات اللي اكتشفت فيها أن الرئيس المعزول محمد مرسي لا يحكم؟
- السيسي: كان طبيعي أي حد قريب كان يشعر أن القيادة جماعية وعشان كده قلنا إن الرئيس المشتار عدلي منصور هو رئيس الجمهورية ورئيس الوزارة هو رئيس وزاة وفيه سياق لكل من يتولى المرحلة وسياق فكري وكان لابد أنه يفهم ده وفي الآخر فيه قائد بيتكلم.. ويكون فيه عقد ما بينه وبين المصريين.
- خالد: هل كان بيشاور حد في الجماعة؟
- السيسي: كانت واضحة وكل من يشتغل في أمور الدولة.. والقيادات في الجيش تقول هنعمل كذا فأقول أه لأ.. لأن القرار عندي أنا.
- لبنى: البعض قلقان من موقع الجيش.. موقعهم إيه؟
- السيسي: الجيش هيكون في تحفيز قدرة الدولة الاقتصادية، يعني هنعمل تنمية فتقوم بها الشركات المدنية والجيش دوره إيه بخصوص طريق ياخد سنة ونص أو سنتين وهتلاقيني برفع التليفون وأقول عملتم إيه وتتابع شغلك والشغل اللي بيعمله الناس، وحلقة الوصل إنه التنسيق بين شركات القطاع العام والإدارة والوزارة واللي اتقال يتعمل.. ونرجع لموضوع مين يتولى فيه محافاظت حدودية لازم الناس اللي موجودة فيها يبقى لها قدرة وأنا عامل حسابي إن مجموعة من الشباب يدخلوا مجموعة من كلية الدفاع الوطني.
- وائل: شباب منين؟
- السيسي: شبابنا الوطني لازم يكون معنا.. وبنعمل ده مع الكوادجر المرشحة لشغل مناصب في الوزارات.
- وائل: البعض بيزعم أن نسبة العسكريين تزيد.
- السيسي: لا.
- لبنى: مش هتبقى محافظة؟
- السيسي: يا ترى فرصتها وسط الحالة تبقى كويسة ولا لأ.. وأنا عاوز تجربة ناجحة والمرأة المصرة أثبتت دورها الوطني.
- لبنى ضاحكة: المرأة نديلها وقتها لأنه الوقت انتهى.
- خالد: البعض يرى أن الجيش يحمي ولا يحكم.
- السيسي: يحمي مين هو ده الدور بتاعه، وإزاي أكد لهم إن ده مش موجود.. وهو بيحمي المصريين ومش بيحكم، وفيه حاجة اتربت واتزرعت في نفوس وضباط وصف ضباط وجنود الجيش مصر.. والكلام ده عايشين فيه سنين طويلة.. ويتكلموا عن 25 يناير والحالة ماكانتش بحالة الرشد اللي وصلنا لها.
- لبنى: وحشتك البلدة العسكرية؟
- السيسي: دي حياتي كلها.
- وائل يسأل عن احتفاظه بلقب المشير.
- السيسي: العبرة لا بالمناصب أو الأسماء العبرة أنت بتعمل إيه لأهلك وناسك.
- لبنى تنهي الجزء الأول من لقاء السيسي.
- السيسي: اسمحوا لي أوجه التحية والتقدير للمصريين في الخارج.. وكل مصري له دور وله مكان وكلنا عايزينه.