«#كمواطن_مصري_محتاج» يتصدر «تويتر».. ومغردون: «أعيش في مستوى الأسطورة»

دون مقدمات تصدر هاشتاج «#كمواطن_مصري_محتاج»، صباح السبت، موقع التدوينات القصيرة «تويتر».
وتباينت ردود أفعال عدد من مستخدمي «تويتر»، ما بين تحسين التعليم ووجود رعاية صحية تليق بالمصريين وإيجاد فرص عمل للشباب والأمان والاستقرار.
وعلق حساب يحمل اسم رحمة على الهاشتاج ب«محتاج مواصلات منظمة شوارع نظيفة مستشفيات تصلح لعلاج البشر مرتب يتماشي مع الغلا إلى إحنا فيه»، وقالت سها: «إن التعليم يبقى أحسن ولما نخلص الكلية نشتغل في التخصص اللي درسناه»، بينما سعد رأى: «يبقي ليا كرامة بره بلدي مش هتبقي غربة ومفيش كرامة كمان».
وبهذه الكلمات رد حسن سالم على الهاشتاج ب«عيش حرية عدالة اجتماعية»، فيما رأى إسلام صلاح أنه «محتاج التقدير والاحترام»، بينما علق أحمد شلبي: «أشعر بالامان والاستقرار»، بينما تمنى منصور «حياة كريمة وحكومة عندها ضمير».
وقالت أميرة: «أنا كمواطن مصري محتاج الحكومة تأخد بالها من شؤون الشباب والأيدي العاملة»، فيما كتب عبدالرحمن الصاوي: «إني أحس إن الظابط جاي علشان يساعدني ويحافظ على بلدي»، وعلقت إسراء الحسيني: «نهتم برياضات تانية غير الكورة عشان مستقبل الشباب»، فيما يحلم أشرف: «إني أشوف منتخب مصر في كأس العالم قبل ما أموت».
وكتب عمرو حسن: «ارحمونا من الغلاء»، بينما نبيل حربي قال: «كمواطن مصري احتاج إني أتعامل كإنسان مش عايز أكتر من كدا»، فيما كتب إبراهيم محمد: «محتاج احس اني مواطن»، بينما علقت هنا: «أعيش في مستوى المواطن الأسطورة محمد رمضان»، وذكر أحمد ياسر: «أن تكون الأسعار مناسبة ولا للغلاء وترجع الحياة زي ما كانت زمان كانت حياة حلوة وكل سنة وأنتو طيبين».